Nin
Somaaliya oo ay ku cadaaday inuu isku dayey inuu gabadh ardayad ah
uu ku kufsado meel dariiq ah laakiin ay Kamarad fiidyoow ku taaley
Metro
newspaper: A Sex attacker made legal history yesterday when he was
convicted despite his victim never being found
SDWO (London)
Wargeys ka soo baxa magaalada London
oo magaciisa la yidhaah METRO, cadadkiisii soo baxay 15kii
June 2005, ayaa waxa uu bogga sare ciwaan uga dhigay nin somaaliya
oo ay ka u cadaatay inuu gabadh kufsaday.
Ninkan oo wargeysaku uu
magaciisa ku sheegay Farxan Cismaan oo dadiisu tahay 27 jir isla
markaasna dalkan ingriiskana ku joogay qaxootinimo ayaa waxa
qabatay oo duubtay kamaradaha ku xidhan wadooyinka waaweeyn ee
dalkan Britain goor aroor hore ah isagoo gabadh aan ilaa hada la
garanayn laakiin loo malayno inay tahay ardayd wadan kale ka timid
oo waxbarasho u joogta London uu isku dayey inuu ku kufsado meel
wado dadku maraan oo dhulka hoos marta,
Waxa cajaladaas laga daawaday isagoo gabadhaa garaacaya oo
aad u gilgilaya isla markaasna ku qaylinaya deedna dhulka ku riday,
ka dibna uu dharkii ay xidhnayd uu ka jeexjeexay uuna isku deeyay
inuu kufsado laakiin nasiib wanaag waxa meeshii soo maray nin lagu
qiyaasay ilaa 20 - 30
jir oo ka riday ninkaas gabadhii uu rabay inuu kufsado, isla
markiibana gabadhii inteey degdeg dhulkii uga kacday oo ay
urursatay dharkii uu ka jeexjeexay ayay oroday.
Farxaan Cismaan markiiba waxa
lagu qabtay meel aan ka dheereen halkii uu denbiga ku galay oo
ahayd xaafad kutaal koonfurta magaalada London oo la yidhaah
Elephant & Castle taasi oo lagu gartay dharkii uu xidhanaa
markii uu denbiga gelayey oo laga arkayey kamaradaas loo yaqaan
(CCTV – Close Circuit Television).
Ilaa hada waxaan la helin
gabadhii uu kufsanayey Farxaan iyo ninkii markhaatiga ahaa ee ka
riday gabadha, Police kuna waxa uu raadiyey codsiyo badana u
direen inay gabadha iyo ninkii markhaatiga ahaaba la soo
xidhiidhaan police ka, hase yeeshee ilaa hada wax xidhiidha lamay
soo sameyn police ka.
Denbiga noocan oo kale ah ayaa
noqday kii ugu horeeyay ee noociisan oo kale ah ee ka dhaca dalkan Britain oo qof lagu xukumo
denbi aanu joogin qofkii denbiga laga galay ee ay kamaradi uun
qabatay, isla markaasna uu Farxaana laftiisu qirtay inuu denbigaa uu galay.
Farxaan Cismaan waxa la xukumi
doonaa bisha soo socota ee July marka ay warbixinaha oo dhami soo
dhamaystirmaan. Dalkan
Britain ayaa sharciga u yaala denbiga Kufsigu uu yahay xabsi aad u
dheer.
Detective Sgt. Rupper Bonny
ayaa yidhi way cadahay in loo baahanyahay in Farxaan sharciga la
horkeeno, sababtoo ah talaabaduu ku dhaqaaqay waxay ahayd mid laga
argagaxo, sidoo kale waxuu yidhi waxa loo baahanyahay in gabadhii
dhibanaha ahayd iyaduna ay timaado si taageero mooraal ah loo
siiyo.
SDWO News Desk
