In
dhawaydba waataanan dayin, deelkii maansadaŽe
Waayahan
ma daalacan murtida darafyadeediiye
Diiwaankii
gabayada mafurin guŽiyo dayrtiiye
Hadba aniga oo daayaybaa wax i danqaabaane
Maantana
mid aan doortay, oo diinta ka hadlaaya
Oy
dihatay laabtaydubaan, daafta soo dhigiye
Daqiiqado
bal daymada qalbiga, iigu yara deeqa
Dadku
waa dayoobaye wacdiga yaan bal laga daynin
Culimadu
dadaalkeed waa inay diinta fidisaaye
Digniinta
iyo waanada hadaan laysu daba joojin
Iblays
aan ka daalayn ayaa loogu daw galaye
Intuu
duufsadaabuu weliba deli ka tuuryayne
Dulmar
iyo sarbeeb iyo kollay duurxulbaa jiraŽe
Haddaan
hoos u daadego oo si wacan daaha uga faydo
Danta
iyo ujeedada haddaan diirka kacadeeyo:
Dulmi
iyo waxaa jira beryahan diidow fara weyne
Daafaha
maagaalada hadaad daankastaba eegto
Dariiqaad
istaagtaba dhulbaa laysku dilayaaye
Iga
durug adaa soo durkay ayay dirirtu joogtaaye
Ama
meel dadleeyahaybaa mid kale damac ku qaadaaye
Iyadoo
mid degeybaa ka kale dhagax dul keenaaye
Kii
loo dacwoodaa ka daray ooysku sii diraye
Sharci
laga danbeeyaa majiro ooy cidi danaysaaye
Iyaba
waa dulmiga taagan een cidi ka doodayne
Docdan
kale Ducaalow hadaan yarahe daymoodo
Miyigii
lawada dayray oo duul kalaa helaye
Dhulkii
maalku noo daaqi jiray laysu dacareeye
Maba
digo rogtaan xoolihii oo loo dardaar weriye
Deegaankii
lagu foofin jiray dalawadii geela
Dalsankiyo
banaankii majiro darariyii hawde
Dabarbaa
ku xidhan oo mar qudha maba dareeraane
Dalagna
lagama beerine dhulkii waa la doorsadaye
Nin
waliba halkuu doonaybuu dayrku meersadaye
Sidaa
doobi xoorle u dhantaan sooma daahirine
Iyaba
waa dulmiga taagan een cidi ka doodayne
Docdan
kale Ducaalow hadaan yarahe daymoodo
Cibaadadii
ladaa iyo beryahan faralkii diineede
Duhurkoo
lagalaybaan salaad cidi danaynayne
Inkasoo
la daakiro ragbaan digigixoonayne
Masjidkoo
dafoo buuxabay dacal ka dhaafaane
Ramadaanta
qaarbaa dab shidan duhurka maalmeede
Qaarbaa
cuntada daaliga aan haysan cudur dare
Dacaamkiyo
sharaabkaba ragbaan daynin oo wada,e
Iyaba
waa dulmiga taagan een cidi ka doodayne
Docdan
kale Ducalow hadaan yarahe daymoodo
Daroogadatan
qaadkiyo dhirtaa maanka lagu doorsho
Dacartaa
Itoobiya katimi ee laysku dabar gooyay
Dabiibay
u wada baahanyiin duulka cunayaaye
Daybaaq
suniyo qori dablay daanka dhigayaane
Naftoodiina
dile maalna way dabar jaraayaane
Digri
kuma jiraan iyo cilmiga dayashadiisiiye
Dambi
iyo xumaanbaa guryaha lala dingiigaaye
Dalluuntii
xabaashiyo kollay aakhiraa darane
Wayska
dayn lahaayeen haday dib u jaleecaane
Geedkaa
wax daan daamiyee lagu dayoobaayo
Dhib
wuxuu dadka u gaystaybaan idin dareensiine
Inkastoon
dadaaloo wax badan dood ku falanqeeyo
Dafcad
kaliya kuma koobi karo ee waa dul marayaaye
Imisaa
daraadii waxbadan loo deldelay geedkan
Imisaa
ladilay oo qabriga iilka lagu duugay
Imisaan
diyana cidi ka bixin oo duudsi laga yeelay
Dariiqyada
intii laga helay ee dawga lagu laayay
Dabalaab
intii lagu riday ee duudka laga toogtay
Gaalleefta
danantiyo intii daabcad lagu aasay
Inta
layska daayiyo intii laysku daba joogo
Godobaha
dahsoon iyo wixii duulal kala jiifa
Rabbibaa
dawayn kara wuxuu daadiyee dhigaye
Dibjir
iyo wuxuu wiil ka dhigay dayday laga quustay
Inta
awgii loo dayriyay ee debed wareegaysa
Intuu
dayn ku gooyiyo intii daalac lagu yeeshay
Darxumiyo
intuu gaaja baday diifna kaga howday
Inta
waalli daahira ahee suuqa duluflaysa
Waxan
dumar dariiqyada fadhiya ee meel xun darayaysan
Inta
lagu dalaaqiyo intii gabadh la siidaayay
Wuxuu
reero dumiyiyo wuxuu qowsas kala daadshay
Rabbibaa
dawayn kara wuxuu daadiyee dhigaye
Intuu
dilay intuu dooriyaa kaaga sii darane
Darbiyada
ragaa yuurura ee uu tegay dareenkoodi
Sida
duunyadoo kale ragaa dooga cuna maanta
Ubadkoodi
nimankaa dayacay ee doojin kari waayay
Debedey
kajoogaan iyagu dayrkii nololeede
Nimuu
qaadku daashaday marlay daacad lag waaye
Ubadkiyo
durriyaduu dhaliyo ducafadii xaaska
Isagoon
marnaba hoos u dayin doocna ka bahaynin
Amaba
aan dabloo shidin ayuu daba marteeyaaye
Dayn
ku helyayaa iyo mid kale deeq u fidiyaaba
Dekhliguu
magaalada ka helay ugu daguugyaaba
Duhurkii
markay tahay waa inuu labada duubtaaye
Hadii
kale rasuulkii dirraa iyo daayinkaba cayye
Nimuu
qaadku daashaday marlay daacad laga waaye
Tii
daadahaysee isaga dihatay ee keentay
Dusha
tii ku qaadee wax badan daal la socon wayday
Danbarkeeda
tuu dhamay markuu dunidan soo gaadhay
Ku
duwdayee horaadada, marnaba gaajada u diiday
Duqsi
inuu ku joogsado isaga saxarna uu daaro
Dabaysha
iyo dhaxamaha siday uga daboolaysay
Dugsi
hooyadii seexisiyo damalka hoostiisa
Waxay
duugto duugtoba hooyadii danab kasoo saartay
Durduruu
ku dhaafaye marnaba hoos umuu dayine
Duqii
aabihii ee waxbadan duudka ugu dhaanshay
Isagoo
daryeelkiisa wada meelfog ugu doolay
Duruufaha
lasoo maray adadag duraha jiilaalka
Isgana
qorshaha kumaba darin ee waa ka debedaase
Daris
iyo xigaal iyo intii daaqsin lagu gaadho
Dun
intay wadaagaan iyo intii daawo lala yeesho
Inta
laga ducaystiyo intii waano laga doonto
Midna
uma daneeyee haddii dadarta loo dhiibo
Cidi
kama danbaysee hadduu daabulada qaato
Farxadbuu
dillaacaa siduu daarjannaad galaye
SuŽaal
kama diqoodoo baryada wawgu darartaye
Dadkuna
waa u simanyahay markuu doonayee raboŽe
Ninkii
aan u dirinbuu bakhayl daran ku sheegaaye
Allahayow
muxuudilay ragii dumarna raacsiiyay
Waxa
soo dunuubuu dhigiyo qaarkasiidarane
Iyaba
waa dulmiga taagan een cidi ka doodayne
Docdan
kale Ducaalow hadaan yarahe daymoodo
Ninka
diinta caayaa wuxuu galay dunuub wayne
Dulmi
aad u culusbuu ku dhacay iyo daanno xoog badane
Daliilkii
Duraankiyo sharcigii daafta uga boodye
Diintii
islaamkuu ka baxay duhur dharaareede
Gaalnimo
inuu daahirsaday ayaa maragma doonto ahe
Daliil
adagna waa loo hayaa oon cidina diidayne
Ka
dalaaqme dumarkuu qabiyo dahabadiisiiye
Ma
dukhuulo daartuu ku jiray haatan dabadeede
Darmada
iyo goŽiisuba ilay debeda weeyaane
Doc
kadhaaf dariiqii jannada dawga loomaro,e
Iblayskii
ilaah nooga digay ayuu dabada haystaaye
Isna
ruux dugaashaday marlay naarta kula duulye
Kuwan
dadarta iibshaa u badan diinta cayyada,e
Hadba
waxay dabeecado horliyo darato keenaanba
Durbaankii
iblayskiyo hadday daramal qaateene
Dariiqay
ku gadayaan hadaad dacal kasoo dhaafto
Damdamta
iyo qaylada ka bixi daasada iyo yuuska
Madaxoo
dayaamiyo qalbigay dakharo gaadhsiine
Nina
anigu kuma duulaniye daacadbaan ahaye
Dankaleeto
kama aan lihiye waan u digayaye
Nin
dacaayad wada mayhi iyo weliba deelqaafe
Nin
u diir naxaayaan ahoo dani kahaysaaye
Dar
Ilaahay maansadan ninkii duubay baan ahaye
Ninka
diinta caayaa wuxuu galay dunuubwayne
Dulmi
aad u culusbuu ku dhacay iyo daanno xoog badane
Fircoonkii
ilaahay dafiray ayay damac wadaagaane
Isaguba
wuxuu doobiyuu diririg leeyaaba
Duqyaan
iyo wuxuu kibir ku falay dunida guudkeeda
Wuxuu
daansha daanshooday oo madasha doon yaystay
Nimco
wuxuu duduurtuu in badan nabad ku daaqaaba
Duntii
banu israa iil wuxuu doorkii ka idleeyey
Dumar
uun wuxuu uga tagayuu danabadii laayay
Nabi
Muuse wuxuu dabin u dhigay amase doon doonaay
Markuu
aayadii wada dayey eebbe ugu deeqay
Waa
tuu kufaar soo dalbaday sixir kadiin yeeshay
Duxaa
laysu soo baxay bannaan uu dadkuba joogo
Xaqii
goortuu daalacay ayay wada dareereene
Degdegbay
sujuud ula dhaceen daayim amarkiise
Dulibaa
karaaciyo halkaas diiqad iyo ciile
Isagiyo
kuwuu duufsaday ee daba qamaamaayay
Duuflaaladii
uu watay iyo doqomadii raacay
Waatii
bad lagu daadiyay eey damashka raaceene
Deegaanka
naartay kujiri daayim abidkoode
Daliil
adagna waa loo hayaa oon cidina diidayne
Duulalkii
horaa lagu halligay diidmada ilaahe
Kuwii
daadku qaadiyo kuwii doonta laga fuulay
Kuwii
daarahoodiyo rugtii iyo dayrkii lala gooyay
Dabaylaha
kuwii lagu rogiyo weliba duufaanka
Qaylada
dalluunka ah kuwii lagu dayaansiiyay
Daayeerada
kuwii laga dhigay ee eebbe wada doorshay
Ciqaabaa
kusoo degey wixii diinta caasiyaye
Waxba
gabaygu yuu ila durkine waxan kusoo dayray
Intaasaa
digniin noogu filan waano dabadeede
Digrigiyo
quraankiyo cilmiga daacada ogaada
Udegdega
salaadaha dadyow dunidi waataase
Maxamed
Xaaji Cali
Hargeysa,
Somaliland
