Hadana qaar bogaygiyo qalbiga buuxabaa jiraye

Haddaan baabka dayo oo xaaladahan ba,an ka sheekeeyo

Waayahan wax weynbays bedelay dunidii bashoow e Bari iyo galbeed gaaladii way bulanayaane Muslimkiina wuu baahsanyahay beerna may dubane Badankoodu waa baylahdaa waana baqayaane Biilkilinton bush iyo baleer buutin iyo shaaron Nimankaa ban maray ee xaqii baasha uga weecday Baandadan kufaara ah iyo raggaa badilka u heelan Isbuunbuunintoodiyo gafkiyo faanka iyo beenta Warka borobagaandada ah ee koonka lagu baahshay Bandow inay arlada saarayan ayuu badowgu moodaye Baarliin bikiin iyo italy amase baariisba Isbahaysigoodiyo intii daba baqoolaysa Ciraaq kuwan usoo bu,aya ee aad baarqabada moodo Baqdaad nimankan lagu sheegayo ee baadhista ujooga Colka bilikis wado ee kayimi beledul khaansiirka Buush nimankan uusoo dirtay ee wax u basaasaaya Beentooda weeyaan waxay soo bandhigayaane Waxay dunida ugu baaqayaan waa barkuma taale Bilayskii aduunkaanu nahay ayuu haatan buush yidhiye Baastoolad lama qaadankaro ayuu baaq kusoo diraye Billaawihiyo tooriduna waa waxan banaanayne Budhadhkiyo bakooradaha dhiga waa batraannimo,e Hubkan uunka baabi,iya ee maanta lagu baano Bayoolajiga iyo sun iyo iiq wax lagu buufsho Banaadiiqda laysugu hanjabo amase baaruuda Wixii loogu babacdhigo dagaal aniga oo haysta Aqalkaaga waan baadhayaa waa batraannimo,e Waxay baaxad sheegteen iyo waxay xoog is bidayaanba Iyaba bi,idnilaahiye mar dhow way burburayaane Baroorbaw danbaysiyo jab iyo baaba iyo hooge Baaxaa degoodaan arkaa way banjarayane Haka biqina gaalada nasrigu waa mid soo bixiye Hana baraqnuglaanina ifkuba waa bil iyo wiige Kolaytaba baqoolbaynu nahay oo waa bixitimaynaaye Bayaankii rasuulkiyo xaqaa lagu badbaadaye Aakhira waxaa ba,ay ninkii baybal aaminaye Qudustaa yuhuudigu gilgilay ee dhiigga laga buuxshay Barqadii timaadaba wixii boqol lalaynayay Barbaar iyo caruur iyo haween looma baab dayine Balanjaale gaalihi wuxuu belo samaynaayay Muslim wuxuu bireeyiyo wuxuu carab ku baalbaalay Wixii guri baldoos lagu ganbiyay ee baabba laga yeelay Buus laguma odhan maalin qudha ee waw burmanayeene Beentooda weeyaan waxay soo bandhigayaane Waxay dunida ugu baaqayaan waa barkuma taale Boosniya sidii loogalay iyo bara kicii gaadhay Wuxuu bahalka seerbigu shacbiga baaska marinaayay Bamgarayntii maatada wixii ubad labaabiiyay Wixii mayd banana yiil wixii bacadka loo saydhay Wixii kumanka booraamihiyo bawdka lagu tuuray Belaayooyinkii dhacay markaa beledkii qiiqaayay Bini aadannimo iyo xuquuq waa labaalmaraye Beentooda weeyaan waxay soo bandhigayaane Waxay dunida ugu baaqayaan waa barkumataale Waxay baaxad sheegteen iyo waxay xoog isbidayaanba Iyaba bi,idnilaahiye mar dhow way burburayaane Baroorbaw danbaysiyo jab iyo baabba iyo hooge Haka biqina gaalada nasrigu waa mid soo bixiye Hana baraqnuglaanina ifkuba waa bil wiige Kollaytoba baqool baynu nahay oo waa bixitimaynaye Bayaankii rasuulkiyo xaqaa lagu badbaadaaye Aakhira waxaa ba,ay ninkii baybal aaminaye Boqoradan carbeed ee kursiga biliga loo saaray Baatroolka nimankaa helay ee maalka badan haysta Nimankaa barwaaqadu hodday ee aad bilista moodayso Raggan gacanka baashaalaya ee bidix kalaafyooday Muslimiintan bahardaadabaa soo baraarugiye Inkastoy bidciyo shiicayiin haatan badankoodu Beershiyana nimanbaa fadhiya ba,an wadaadow,e Basra iyo ciraaq iyo turkiga amase bayruudba Bari dhexe raggaa jooga ee ciilka lagu biirshay Beeraha kishmiir iyo ilaa beledkii sooharto Bagastaan bangaladhiish iyo intii bari kasoo jeeda Buuraha afqaan iyo dhulkii gaalka laga baacshay Dhufaysyada bushtuugiyo dhulkuu Ruush ku luga belay Jeejniyadan shuucuga kabadan iyo bacawga loo daayay Muslimiintan kala biiqdaybaa soo baraarugiye Afrikadan cilmigii laga badshay ee baahan abidkeedba Ee uu bililiqaystuu qarbigu horay usii boobay Ee yurub usoo beretanto ee lagu bilkeedaayo Wuxuunbaa kasoo bixi iyana bi,idnilaahay,e Waxba yaan bayaankayga gabay badinin sheekhow,e Markii diintii laga baydhaybaa layna baacsadaye Muslimiinta lama beegsan jirin bari samaadkiiye Hakabiqina gaalada nasrigu waa midsoo bixiye Hana baraqnuglaanina ifkuba waa bil iyo wiige Kolaytoba baqoolbaynu nahay oo waa bixitimaynaaye Bayaankii rasuulkiyo xaqaa lagu badbaadaye Aakhira waxaa ba,ay ninkii baybal aaminaye

 

Maxamed Xaaji Cali

Hargeysa, Somaliland

Posted: Khadar Hassan Ali  - Jamhuuriya London - Email: Jamhuuriya@hotmail.com