MAANSO CUSUB - XUS IYO DARDAARAN -
WAXA CURIYEY AXMED GOORAAN XASSAN
Salaan kadib,
Gabaygan cusub waxaa sameeyay ninka magaciisa la yidhaahdo Ahmed Gooraan Hassan oo ah nin dhalinyaro ah oo dagan USA una dhashay Somaliland. Tixdanai waxay ka faaloonaysaa marxalada dalku maanta ku sugan yahay iyo sida qadarinda mudan ee doorashooyinku uga dhaceen wadankii hooyo. Iyada oo aanay maansadu cid sigaara u dhaliilayn cidna aanay aamaanayn waxay ka turjumaysa xaalada dadka rayidka ah ee wadanka ku nool iyop kuwii soo dhintay labadaba iyada oo dardaaran u soo jeedinaysa dhamaan siyaasiyiinta soomaaliyeed meelkasta oo ay joogaan xasuusinaysana in Wadanka Somaliland magaciisu iyo haybadiisuba ka wayn yihiin shakhsiyado gaara oo iyagu dano gooniya kaleh.
Waxay tidhi:
XUS IYO DARDAARAN
WRITTEN BY: AHMED GOORAAN ON 19/12/02
XAAJI ISKU SHEEGYADA
ANIGAA XUQUUQDIYO
XORMADAAD LAHAYD IYO
XORNIMADAADA GOBONIMO
XUSUL DUUBKA UGU JIRA
KU XABEEBSHAY UMADEE
DADKA KALA XADAAYEE
KULA XAALAY BEENTIYO
WARDI XUME WADAADKII
MAKA XOORAY DAGALKOO
MA XARIMAY DANAYNSTAHA
DADKII KALA XANAAQEE
XEEGADIYO HANGOOLKIYO
XABADAYSKU HAYDSTIYO
XAAFADAHII LA KALA RARAY
WALAALIHII LA KALA XADAY
XABADKA IYO LAABTIYO
MA U XAADHAY BEERKOO
MA XASILAY DADKAYGII
XEER ILAALIYAHA GUUD
XAAKINKIYO SULDAANADA
XAARISIL ISLAAMKAA
XAAFIDAYAA DIINTIYO
XERTA IYO NIN SHEEKHIYO
INTA NECEB XUMAATADA
XALAAL QUUTAYAASHII
XARAGADA CISMAANOW (saaxiibkay)
XUBINBAAD KA TAHAY KOW
XILIYADAYS BADALAYEE
SAMIHII XABAALMEE
XISHOODKIINA AASMEE
XAYADIINA MAQAN TAHAY
XINIINYIYO CAD RAGANIMO
ADIGAA XANBAARTOO
XAAJADII ADKAATEE
XIDIDKEEDU LUMA EE
LOO XAL WAAYAY DAA IMAN
ADIGAA XARIIFOO
XIRFAD UGA SHAQEEYOO
XAQA UGU DADAALOO
XEERKEEDA MARIYEE
RUNTA YAA KU XEEL DHEER?
XALA YAA U HELA NABAD?
GEESI DANDIISA XAAFIDA
DOQONKII XANTII MOOG
XILKAA YAA BAL GUDAN KARA?
AFARTAA XISKAYGIYO
MA KA XULAY GARAADKAY
XUBIN KALANA II FURAN
XAARAAN KU DHARIGIYO
XAQA MAATA CUNIHIYO
XINJIRA KU NAAXIYO
INTA XILA BILAALAY
MAANSADU XUSAYSAA
KUWA DHOOFSHA XOOLAHA
XAWILAAYA MAADHKIYO
MIDKII XAALAF JOOGEE
WAAYIHII XAYIRAYEE
XAYNKIISU MADHAN YAHAY
XAAB-XAAB KU NOOSHIYO
XAWAALAYDA DUMARKIYO
XAASASKIYO CARUURTIYO
XAMASTIYO NIN DUQA BAY
MAANSADU XUSAYSAA
XORIYADIYO BADHAADHAHA
DANTII DUURKA LOO XULAY
KII XANUUNKU DHIBINEE
DHAXANTIYO XAGAAYADA
XABADA U BADHEEDHIYO
MUJAAHIDKII XIJAABTEE
XAQA MAWDKA HELAYEE
XABAALAHA KU JIRA IYO
INTA XAY AHEE NOOL
KII XORMEEYA CALANKEE
MAANDEEQ XIGSADEE
XOORKEEDA DHAMA EE
AAN XUJAYN DADKIISIYO
XASILYIHA NABADEEY
MAANSADU XUSAYSAA
XAGEER KUWA KU MAQANEE
XARBIYAAYA DIBADAHA
XIISAHA DALKOODII
XANXANTADU U HAYSAY
MAANSADU XUSAYSAA
XEEBIHII BERBERA IYO
XEELIGEEDA LAAS QORAY
XAABAALE IYO HAWD
XOGAYO IYO SARAARIYO
XALIIMAALE IYO DILA
XAYNDAABKII SHEEKHIYO
BURCO XAGALADEEDIYO
CEERGAABO IYO XIIS
XARAF IYO HARGAYSIYO
XIDHAN IYO BOORAME
LAAS CAANOOD XAGEEDIYO
XADUUDII DALKAYGAYGIYO
XUDUNTII DHULKAYGAY
MAANSADU XUSAYSAA
MARKA XAYSKU DA'O EE
GUGU UU XAB BURURSHEE
XAREEDUNA BUTAACDEE
BEERAHA XAGAAFNEE
XASIIDIYO HADHUUDHKIYO
XURFADAHA BADROOL QODO
XABAGTA IYO BEENYADA
LAGU GURO XAMUULKEE
DAHABKIYO XADIIDKANA
DOLAR XOOG LE H SIINEY
MAANSADU XUSAYSAA
XIDINXIITO BEEDKEED
XERO LI BANAAN YIIL
XAYAWAANKA DUURKIYO
XAMAARATADA HALAQIYO
XAMARUHU KA LAYN JIRAY
XAYNDAAB KU MEERTOO
XARAAR DHIGATAY UBADKEED
XUUSHADUNA GAADHAYN
XAMDI EEBE WEEYEE
DADKAY XISAABTAME
XISBIYAY SAMAYSTEEN
DOORASHAY U XAYTEEN
XAYAA CAALAMKAA TAGAY
XIDIGAHAA LA QAYBSADAY
INAY DHINAC KA XEERTAAN
AYAY XAAJO GOOSTEEN
RUUX DAAD XAMBAARTAA
NAF XARAARIHII JAAN
XARBIGIYO KULAYLAHA
XUNBO HAABAY DHAWR JEER
NINKII XAASID TALIYOO
XAQIRAADI WAA BALO
IS XILQAAN DAN WEEYAAN
XURUUFAA KU DAABACAN
XADIISBAA SIDAA YIDHI
XUKUNKAA MID DIIDAW
XAKAMAA KU SUDHAN JOOG
XAKAYAADKA TAARIIKH
XUSUUSTIYO QORAALADA
XAASHI CEEBI KUU QORAN
XIINKAAD MAQLAYSIYO
XAWLIGAASI WAA GUUL
XAWDKII MIDH QUDHIHIYO
HADII LAYSKU XIDH WADAR
MIYAY XOOG IS LEEGYIIN?
NINA XARAFKII UU YIDHI
XAAL LAGAMA SIIYEE
XAGU GABI XAGUNA GABI
GUNTA MAXAAD KA SOO XAGI
XAALUF WEEYE CEELKUYE
Ahmed Gooraan Hassan
Gooraan2000@yahoo.com
