1.  Abshirow maad gafin hadaad tidhi garaadkaaye

2.  nin gudhan inaad tahay anaa dunida gaadhsiine

3.  garmaqaatahaa lagu yaqaan inuu is giijaaye

4.  guracnaanta iyo faanku se waa gadiiniiye

5.  waxaad gabay ku sheegteed galisay iimaylka

6.  beentaad suuqa galisey ee lala guclaynaayo

7.  godkaad cawska saartiyo goofka waan dumine

8.  mar hadaan golihii imid gaydhe kugu xoonye

9.  sidii dacawga giirka leh oo aar ka gabanaaya

10. gariirka iyo baqahaad habeen la guurayne

11. gidigood dadkaygow eega kanuu galay wadkiisii

12. afartaa sidii gantaalaha ma iska daba geeyey

13. ga daan kaga bilaabiyo miyaan gaafkii ka habowshay

14. gedii cabdiqays iyo afloo galin ma waydaarshay

15. gunuuskaabay badiyeen ee ma u guntaday caawa

16. guubaabo roob iyo ufiyo gaydh ma soo kiciyey

17. ga da kalena waa maansadaan soo gudbinayaa

18. gumaystihii siyaad markuu gamaska kuu dhiibay

19. markaad arin ku gaadheen inaad isaaqa goysaan

20. een geeljire maqnayn dhamaan gufida daarood

21.  markuu hawiye gawracay gabanada caruurtayda

22.  ciisuhu markuu ii gabaduu faqashta ii geeyey

23.  midgihii galbeediyo markay guni kusoo raacday

24.  soomaali gees iyo ka gees guufka iyo jaanka

25.  markii la is garabsadee aan gacalba ruux waayey

26.  gadabguursi oo dhan  markuu weerar igu gaaday

27.  intay geesiyaal iga dileen waynahaa garane

28.  odayada gaboobey waxaad gawrac ku laysaanba

29.  gabdhahayga ugub waxaad seefta galisaanba

30.  waxaad gaadhigaygii ma gaydaan tidhaahdaaba

31.  gantaaliyo kaare waxaad nagu garaacdaanba

32.  goonyaha hargeysiyo burco markay ciidu gubanaysay

33.  galabtaa waxaan ka qaxay ee yaalay gurigayga

34.  gogoshiyo xariirtii wixii dahab galuubnaa

35.  giniyaadka lacageed ee gambaba meel taalay

36.  garowgiyo bariiskii yaalay guudka suuqyada

37.  diraciyo googarad intay gaari xidhanaysay

38.  intaan gaar u haystiyo waxaan garan lahaa uun

39.  guryihii dhisnaa waxaad raarta gurataanba

40.  waxaad gidaaradaydii mar-markii ka goysaanba

41. geeliyo lo’daydii iyo intaan garo riyaad haystay

42.  intii geed bustaanada ku tiil goboladii degaankayga

43.  wax taariikhda galay oon lagana goynaynin

44.  waxaad geesiyaal iga disheen gaasaska isaaqa

45.  ama guunyo iga dhacdeen geela iyo moodba

46. waxaan godob kuu haystay, tan iyo guumaale

47.  ayuu gaal iyo islaam ogaa inaan galab ku saamaxaye

48.  cadho igu gabowday markaan diiday gibirkaaga

49.  gebagebo colaadeed markuu galowgu eedaamay

50.  ee gaadmiyo badheedhba la isku gabaxsiiyey

51. guulahaa I bixiyey ee ilayn nolol iimaad galine

52. markay SNM guulaysatey een goostay dhinacayga

53. riyaaloon gashi u haystay intaan cafiskii gaadhsiiyey

54. siiraanyoo garabtaagan intaan geesta uga leexshay

55. ayaan go’aan wadari leedahay saaray garabkiise

56.  gadhwadeenkayagu waa wiilkii gudabguure

57.  ma gun baa sidaa yeeli lahayd waanad garanayne

58.  gobanimada lama iibsan karo garow sidiisiiye

59.  ma gadaan dukaamadu intaad dhiibto giniyaade

60.  miduu guule noo dhaliyeybaan gaar u leenahaye

61. adna ku garwaaqsaday inaanad gabadh u doodayne

62.  hunguraa halkaas kuu galay iyo googo lacageede

63.  gabdhaha kuma taagsano sidii gadiiniiye

64.  garoomada raggaan walee goolka dhaliyaaye

65.  godobtayda waan aqaan ninkaan ka goostaaye

66.  waligaa nimaanad gaadhayn baad daba guclaysaaye

67.   waxba ha I  garab joogsan waan kaa gu roonahaye

68.  afartaa sidii gantaalaha  ma iska daba geeyey

69.  ga daan kaga bilaabiyo miyaan gaafkii ka habowshay

70.  gedii cabdiqays iyo afloo galin ma waydaarshay

71.  gunuuskaabay badiyeen ee ma u guntaday caawa

72.  guubaabo roob iyo ufiyo gaydh ma soo kiciyey

73.   ga da kalena waa maansadaan soo gudbinayaa

74. geeridii cigaal iyo maxaa geesigii kuu geeyey ?

75. diyaaradii ina geele iyo waftigii guudsaarnaa

76. maxaa adiga kaa galay eed goortan u soo qaaday ?

77. caasimadan gobta ah iyo  ganacsigaad sheegayso

78.  geed canbe, gosha wabiga, iyo galeydiyo hadhuudhkaas

79.  gogol raaxo, guur jaban, iyo laydhka aan go’aynba

80. calankii shanta geesiyo waxaad is wada guud saartay

81. haday kula gu’wayn yihiin aniga waa ila gabaahiire

82. maahmaah guuna tidhaa oon oday kasoo gaadhay

83. haday garo dub leedahay dabaan gilicda hayseene

84. guudkeeday ku qarin lahayd goor iyo ayaane

85. adiguna gedaasaad tahay iyo caydh gorfaale ahe

86. sidiiyood nimcadaan gaadhiyo hayso giniyaad

87. ama nabada geed ka geed aad gama la jiifayso

88. ama nin gilgishay aad tahay oo goostay dhiniciisa

89. ama calan u gaara iyo haysta ciidan gooniya

90. ama lacag giniyaada oon waliba gadoomaynin

91. ama golayaal asxaaba oo gidigood tartamaaya

92. ama sharci aan gufi lahayn uu geesi soo xulay

93. ama garsooriyo cadaalad dalka wada gaadhay

94. ama gaashaanliyo saraakiil talada goynaaya

95. ama gadhwadeeno iyo shicib is wada guubaabsha

96. ama guurti iyo cuqaalba geed ka taliyeeno

97.  ama dhakhaatiir wax garanaysa oo dadka gargaaraya

98.  ama guryihii aqoontiyo dugsiyada garaajwayjka

99.  ama jaamacad giraydh bixisa oonad ganbo ka dhiibayn

100. ama musheekh gabawdiyo wiilal diinta ganayaaya

101. ama gidigeed suugaani galalkay ku aasnaydba

102. ama is gaadhsiinta tiiviiga oo geedi ka hadlaayo

103. ama awnaadiyo gabyaa iyo dhalinta geeraarta

104. ama garaad iyo suldaan ku dhalay sidayda aabe geesi ahi

105. waxba gabaygu yuu ila durkine waxaan kusoo gooyey

106. waligaa nimaanad gaadhayn ayaad daba guclaysaaye

107.  niyow gabaygii ceebeeyey iyo waliba  geeraarka

108. niyow gaangida leh een aqoon googaa-cigalayska

109.  niyow aan waxba garanayn ee gudcurka rooraaya

110. niyow xamarta la gu’weyntahay meeshaas gubanaysaa

111. boqolaad wax oon is gayin niyow meel iskugu geeye

112. siduu geesigii dhirbaaxo yidhi gabay majeerteenle

113. waxaase garasho kaa liita uu dhacay gabalkoodu

114. kuwaad gaariye u tahay ee jooga garabkaaye

115. labadan gobol iyo nikaaxaad galisay maankaaga

116. intay dunidu geedkaas tahay ee gacalku sii joogo

117. galbeedkiyo barribaynu kala nahay labada geesoode

118. garka wadnahaygu waa horuu daayey galowdiiye

119.  gocashana maba aqaan niyow gabi ahaanteede

120.  waxba indhaha ha igu gubin gaabsi ma aqaane