後記

我地4個之中, 3個都係第一次去日本, 大家都覺得日本好好玩, 一定會再黎!  但係下次可能會自由行, 因為時間實在太緊迫啦, 好多想去既地方都去唔到, 同埋今次我地冇機會搭JR呢!

我覺得日本係一個好先進(周圍都有洗PAT PAT TOILET), 就算冇rubbish bin條街都唔會有垃圾, d人好有禮貌, 日本人多數都會打扮得好靚先出街, 唔會好似香港d人頭又唔梳, d衫人好似梅菜咁出街!

在日本見到d野實在太多, 太新同太靚啦, 番到黎香港我諗短時間內都唔會有購物欲呢!  香港d野又貴又唔夠新, 所以都冇咩想買野既衝動, 我地一定會努力儲錢再去過!

我覺得今次我地1月頭去係幾好, 一來天氣唔算太凍, d空氣好fresh!  而且過左日本人既新年, 所以周圍都on-sale!!  我諗下次我地都會大約呢段時候去呢!!

有一d野係推介你地買既 - 飛滋貼, 1000yen留下先好買, 在心齋橋既藥房買最平, 好好用!  一盒有10粒, 經常生飛滋, 我臨訓前貼一粒在飛滋上面, 第二朝粒飛滋就唔痛, 之後唔洗再用佢就會慢慢好番架啦!  早知咁好用就買多幾盒啦, 唔知香港會唔會有得賣呢?

在日本最好就係買在香港冇專門店既brand, 例如blue label啦, anna sui(飾物)啦, nike鞋啦(只有水貨果d, 在日本買會平好多), fin鞋, hem, bapy, 總之在i.t.有既日本brand等等!

我地領隊介紹左我地買以下既野, 都唔錯架, 一般在街見唔到有得賣

- 紫菜

- 帆立貝

- 開心果

- 由魚絲

- 抺茶朱古力

- 河豚 (dry)

- 黑白戀人朱古力

- supia mask (以前係出SK-II MASK既, 呢個brand在日本好HIT, NON-NO都有介紹過)

如果你地有咩問題, 意見或想同我分享你地去日本或其他地方既趣事同經歷, 請E-MAIL比我啦!