日本七日團
出發日期: 2003年1月5日
第一天: PALETTE TOWN, VENUS PORT天幕購物城, 古今未來汽車, AQUA CITY, 彩虹橋, 可樂趣緻精品店, 池袋太陽城酒店
6:55 在機場集合, 9:20搭CX504前往東京!
我地一行四人懷著好緊張同好眼訓既心情向日本出發啦!
經過約4個小時既機程, 終於到達成田機場啦!! 一落機覺得D空氣好好, 好FRESH!! 但係都幾凍下架!
集合晒D團友(37人)後, 我地就上車去第一個旅遊點 - PALETTE TOWN, VENUS PORT天幕購物城, 古今未來汽車 (估唔到呢3個景點竟然係同個地方)
解散後, 我地4個好似前世未行過街咁, 跑去睇野呢! 一入到去PALETTE TOWN見到一個超可愛既長毛芝娃娃
呀! KAWAII~~一路行一路見到好多人帶住狗仔行街呢!
我好希望終有一日我可以帶MOMO黎呢度玩呢! 我在PET
PARADISE買左D狗仔衫就走啦, 因為PET CITY實在太大啦, 根本唔知電墊(我一直想買一張比MOMO)會放在那裏呢, 而家我地只有得2個鍾既時間,
所以一分一秒都唔可以"SIDE"架!
之後我地去左COMME CA睇野, 阿盛買左銀河香水比佢家姐做手信, 因為香港專門店冇入貨,
我只係買左盒糖走LU.
跟住我地去左VENUS PORT天幕購物城買2件衫
, 再以超快既腳步去左古今未來汽車行左一個圈,
再跑番去集合既地點,
我地竟然係最遲既呢 >_<
下一個景點 - AQUA CITY,彩虹橋,可樂趣緻精品店
聽落好似3個地方,事實上可樂店在AQUA CITY頂樓, 彩虹橋在AQUA CITY出面, 行3個地方只得45分鍾咋!
領隊ERIC帶我地上可樂趣緻精品店, 我地行左一個圈就跑番落樓下SHOPPING MALL行街啦!
首先在SONY PLAZA買左POSTPET
同AYUPAN精品, 跟住就跑去GAP買衫,
完全冇試, 係咁易度下身就買左啦! 時間差唔多啦, 我地睇唔到其他鋪頭, 在彩虹橋影左一兩張相就上車LU.
今晚既酒店在池袋太陽城酒店, 我地將D行李放在酒店LOBBY就去行街啦, 因為日本D鋪頭多數8點就閂門架啦, 所以冇乜時間行啦.
我地只係買左d HELLO KITTY, BABYCINNAMON精品,
化裝品
同零食
就要集合去食飯
LU!
食完飯之後, 番酒店抖一抖我地又出發啦, 今次我地唔係去買野, 而係去夾公仔呀!
可惜今晚乜都夾唔到 >_<
<-- click here for pic
