Cilët janë hajnat më të ri të ekstradës?

Dita-ditës po zbulohen hajna të rinj. Del që “hajna” janë edhe grupi “Marigona”! Duken origjinal, por disa këngë të tyre zbulohet të jenë të kopjuar fund e krye! Sa gjynah që as kënga e bukur e Znfina Ismailit, “Dashnorët e Ferrarit” nuk është vepër autoktone! Del se është marrë nga Kylie Minogue! Po flitet që edhe kënga “Thuaje” e Jehona Sopit është... e vjedhur! Dreqi e marrtë, origjinali i këngës më të mirë në Kosovë merret nga “Volim te”!

Sigurisht, secilit i bie ndërmend kënga “S’ishte hera e parë”, e këngëtares Shqipe Abazi. Edhe kjo është serbisht! Madje, kënga e cila është kënduar nga një këngëtare Serbe shumë e popullarizuar para 30-40 vjetësh.

Sa keq që edhe Miranda Hashani ka rënë në kurth. Kënga e saj, që u editua ditë më parë, e që mbanë titullin “Mos më lini vetë” del të jetë ë e kopjuar nga Dino Merlin. Si është e mundur që këngët më të bukura të jenë të vjedhura?! Si është e mundur që kompozitorët shqiptarë nuk po arrijnë të bëjnë diçka origjinale? Pse hajnia u është bërë sëmundje e pashërueshme? Ani, prej kujt po vjedhin se ...? Madje, i thonë vetes njerëz të artit, se! Art nuk është ky, ky është turp!