Ich (Jay) schrieb jez dä Text, will ich alles 
beschtens no in Erinnerig han.
Es het so ahgfange: Dr Christian het vo irgendwo 
här e LimpBizkit Cd beko. Ich ha se ahfo lose. 
Ha aber ziemlich lang brucht, bis ich mich an
de Sound gwöhnt han, ich wo doch immer Hip Hop
glost han. Natürlich händ mir die Cd au am Beatmaster-Vögi geh.
Ziemlich rasch het uns die Musik ahfo gfalle. 
Merci LimpBizkit, dass ihr uns in richtig Punk
gleitet händ... Ich ha denne mit dr Ziit au ahfo
andere Sound lose, wo immer meh an Punk Rock gliche
het, und au Vögi und Bamert sind noch und noch
vo Sounds vo Offspring und Bloodhound Gang beiflusst
worde. Doch s'allerentscheidende wo passiert isch:
Wieder het dr Bamert vo irgendwo här d'Cd "melancholy
collection" (eini vo de beschte Cd's uf Erde) uftriebe. 
E Wuche spöter isch für uns
alli klar gsi was uns am meischte Kraft git uf
dere Welt: PUNK... Mir händ uns alli Millencolin Cd's 
kauft. Jedes Lied händ mir kennt und händs könne mehr oder
weniger nochsinge... Zwüschedri hets denn au moll es
Offspring Konzert ka und es Millencolin Konzert 
und au es Schwimmbadkonzert, wo uns voll begeischteret het. 
Wo ich denn au no d'RHCP mit em weltbeschte Bassischt Flea
 unter d'Lupe gno han, isch
alles klar gsi. Dr Vögi, dr Bamert, und ich bruche
jez öbbis wo unsers Läbe meh ussfüllt. Mir händ ammigs
kli fantasiert wies wär, wenn mir so Musik würde mache.
NOFX-, Pennywise-, NUFAN -Cds händ mir täglich ustuscht.
Vor kurzem isch denn plötzlich en entscheidende 
Entscheid gfalle: Ich kauf mir e Bass-Gitarre (mit
Unterstützig vo mim liebe Mammi). 
Das isch s'Ding gsi, wo unseri Band zämmebrocht het.
Am Ahfang het d'Meret Pike au no mitgspielt. 
Bi "Machinery" und "Who I Am" het au si immer gärn
mitgspielt. Aber leider het d'Mexy so vill Stress
im Moment, vor allem mit ihrer neue Arbet, dass si
usträtet isch... Schad! Mir alli händ se mega gärn...
Uf jede Fall, kurz druf kauft sich dr Bamert 
no e E-Gitarre. Und 
mir sind komplett, do dr Vögi scho sit 7 Joor Schlag-
züg spielt. Und denn hets numme no keise: üebe üebe
üebe, und das mache mir jez no täglich. 
(Kora, ich lieb di, merci für dis Verständnis, merci
für dini Unterstützig) 
Nachdem mir kli Nirvana coveret händ,
het dr Master-Song-Writer Bamert unsers
erschte Lied "The Machinery" komponiert (Text by Yves
Schaffner)... Bald druff schriebt er nomoll
es Lied ("Who I Am", lyrics au vom Yves).
Und jez isch es so wit, mir läbe unsere
Traum... 



HoME