فضفضه
على الصفحه دى, أنا هكتب كل اللى ييجى على بالى بدون مواربه أو إستثناءات
هكتب كل حاجه حسيت بيها وإتعلمتها وإستنتجتها فى الفتره اللى فاتت من حياتى, الإتنين وعشرين سنه اللى عشتهم
أنا فكرت اخلى الصفحه دى لنفسى ومش يطلع أى حد تانى عليها على إعتبار إن الحديث مع النفس لازم يكون بالطريقه دى علشان تتم عملية التطهير كامله زى ما علماء النفس بيقولوا
بس أنا رجعت وفكرت ولقيت إن أنا بمجرد كتابتى للصفحه وقبل نشرها على النت هأكون خلاص فضفضت مع نفسى بما فيه الكفايه وخلاص معدتش أهتم بالرقابه على أفكارى لأن أنا هأكون خلاص بره دايرة الضوء. وده إللى أنا محتاجه بشده فى الوقت ده
أنا على الصفحه دى هأتكلم عن حاجات كتير, مصطلحات كلنا عارفينها وكلنا بنلاقيها فى حياتنا, وبالطبع أنا لقيتها فى حياتى واتعلمت منها وعنها كل اللى هكتبه هنا
أنا عاوز بس أقول رأيى فى حاجات عشتها وحسيتها واتعلمت منها, وجايز رأيى يكون غلط وجايز يكون مش موافق رأيك. بس فى النهايه دى أفكار مرت على بالى وفى اللحظه اللى أنا بأكتبها بأكون متأكد منها
أسيبك دلوقتى مع دقايق من الفضفضه عن حاجات كلنا عارفينها, ومحدش فينا يعرف عنها حاجه
الأمان , الإطمئنان والسلام النفسى
