دموع على بوابة الوطن
الى استاذي الشاعر هاشم جعاز السماوي
اجاك الليل
وعيونك كمر مطفي
وعل شفافك جرح وعتاب
وبحضنك غفت دنيا
وصور من اخر الاحباب
تهتز لو تحرك باب
تصرخ لو تحرك باب
ويزورك خيال امك وصوت بعيد
( هب الهوى وتحرك الباب)
(عدالنه زارونه الاحباب)
(ثاري الهوى والباب كذاب)
اجاك الليل
ماكو بالثلج موكد ولا كانون
ماكو التشتهيه الروح
غربه الناس
ودروب البرد وحشه مثل تابوت
وين تروح؟؟؟
وين الينتخي ويعبر بحور الليل
ويسلمك قلب مابيه قهر وجروح؟؟
اجاك الليل..
..مر بيه ولكاني هموم
ودموع وقلم مشلول
محتار شاكلك وانته تمطر ضيم وتنادي منوا المسؤول؟؟
منوا المسؤول؟؟
ايتام وضحايا وموت وسجون ووطن مقتول
يا هاشم منوا المسؤول؟
ابو زيدون الوائلي
