Siissisoq aasaq 1998 Sisimiuni immiussipput. Nipilersoriaaseq sakkortooq Heavy-Rock-imik taaneqartartoq nipilersoriaaseraat. Siissisukkut erinaataat tamarmik sakkortuumik nipilersoriaaseqarluni immiussaapput. Siissisukkut namminneq assersuuttaangassaavallaaratik nipilersorsuaartut tusarnaarneqarsinnaapput.
Nipilersoqatigiit siuttuat Karl Enok Mathiassen 1978-imi inunngorsimavoq. 1992-imi nipilersornermik aallussilersimalluni, taamani Thomas Lange (TAAQ) siuttoralugu inuusuttuaraallutik aallartissimapput, nipilersornermik sungiusarneq aallaavinginerullugu. Karl Enok meeraallunili nipilersornermik tusarnaangaqarluni alliartornermini nipilersortartut 60´-kkornisat tusaamasat naliginnaanngitsullu tusarnaangarisimavai.
Nipilersortaleqqaarnermi nalaani Cover-version-inik soorlu The Shadows-ikkut atungaannik tusarnaartitsisarsimallutik. Eqqarsaatigisalereersimallugulu nammineerluni nipilersoqateqarumaarnissani. TAAQ tusarsaanngikkallarmat Karl Enok nipilersoqataasimavoq, guitarimik rythmertuulluni. Maannalu nammineq band-imini Siissisoq - erinniortuullunilu taalliortuuvoq, nipilersoqatigiinnilu siuttuulluni.
Oqaaseq Siissisoq nunatsinni ulluinnarni tusarsaavallaanngilaq, tassami uumasoq Næsehorn ateqaatigimmassuk, Afrika-mi uumasoq. Soorliuna taama eqqumiitsigisumik ateqalersimappat ? Siullermik namminneq band-inngoramik atissaarussimapput, nipilersoqataasalu ilaata Karl Enok Siissisumik ateruseqartissimavaa tamannalu tunngaviuvoq, Karl Enok ukiut marluk Danmarkimi Juelsminde Efterskole -mi atuarnermini atuaqatinilu Afrika-mut angalasimapput, tamaammallu Siissisoq maanngaannarmiit tigusaanngilaq.
Siissisukkut taallartaminni uumasut nunatsinni ilaatigut naliginnaavallaanngitsut eqqartorpaat, quiasuaatinillu paqumigineqarsinnaasunillu taallartaqarlutik. Nipilersungaat tusarnaartariaqarpoq namminerlu isummerfigineqartariaqarluni pigineqartariaqarlunilu. Siissisukkut tusarnikuunngikkukkit aajuku tusagassat naatsukullaat: Nipilersungaq una tusarniarukku pingisariaqarpat Winamp 2.08 for Windows 95, 98 and NT - Intel Version. Taannalu akeqanngitsumik internet-imiik aaneqarsinnaavoq DOWNLOAD HTTP - exo.com (California) USA. | ||||||
