Dancehall Domain

Title: Peace

Artiste: Spragga Benz
Label: Hi Profile
Rhythm: Baddis

INTRO:
Can imagine badman gun a
Run under discipline,
Man from Tivoli, Matches Lane,
Dunkirk, Southside
Man from Grants Pen all bout
dun wid war
Is all about peace and love and unity

Wi see dem loving and shoulder rubbing, no body bugging
And every man act equal only God above him
Eye water mek wi eye full wi see everyone a live
like dem a brother
And a big up one another, what a joy an what a pleasure,
Man a help dem brother up the ladder
Money a run an every man a share the pleasure
No man nah seh dem bigger or better or richer
An socialist an labourite a friend oh what a pretty picture
And wi see every man a try, nah be a hitcher
Food a run an every man a eat

CHORUS
We tell yuh bout peace,
Peace is when yuh see yuh
emeny an di least,
Peace is when yuh lef yuh
window open an a sleep
Peace is when yuh see Tivoli
man dem an not even pin deh pon dem
an dem a go up West street
We mean peace
Peace is when Dudus a bun him
chalice up a Zeeks,
Peace is when no gun nuh bust
fi weeks pon top a weeks
Peace is when police dem get a
ease an afi run like dem a theif
because the gun fire cease.

We see dem reasoning whole
evening a feel the powers
And we see happiness a bloom
just like a pretty flowers
All a di barrier pull, we see
love a start fi take over Jamaica
Every inch an every acre
And we see di undertaker,
Dem a no longer the money maker
The love is genuine, the man
dem a nuh faker
And man from over Jungle gone
a Rema fi go check Patrina
JLP area but a socialist colors him inna
And man from South dem deh a Kirk
inna dem green merina
Top Range an Nannyville a mix
at National Arena
Dun with di hypocrite love
and stop be like hyena
Couldn't want dem heart fi cleaner
Yow mi happy fi di peace,
Peace is when yuh happy fi
see an area dance a keep
Peace is when all a the big
machine dem bury deep
Peace is when the man weh shot yuh
friend can circle near you base again
and yuh mek blood leak
Wi mean peace, peace is when yuh diss
we and still have all a yuh teeth
Peace is when all a the area leader
dem a meet
Peace is when the gun dem under discipline
And any man weh bruk it a get chase and beat

BACK TO LYRICS ARCHIVE