心動
(第四話)
今日係翼同雪蔚第一次o既約會，雪蔚特別重視今日，因為係佢第一次同佢心愛o既男仔出街，係佢出門時，鈴木修女去雪蔚間房搵佢……
鈴木修女：「雪蔚，着得咁靚去街呀？」
雪蔚有o的怕醜面紅紅咁答：「係… 係呀……鈴木修女你搵我有事呀？」
鈴木修女：「係呀，有對外國o黎o既夫婦想收養一個女仔，我想叫你去見一見。」
雪蔚諗o左一陣：「鈴木修女，多謝你每次有人o黎想收養我o地o既時候，都會第一時間搵我，但係你可以將"lee" 個機會讓俾其他人啦，因為…. 因為我已經搵到我o既幸福啦！！多謝你，如果唔係你提醒我，可能我失去o左一個爭取幸福o既機會。」
鈴木修女看見雪蔚o既笑容，同平時有好大分別，今次o既笑容真係由內心笑出o黎，而且仲有好幸福o既眼神，鈴木修女係第一次見到雪蔚咁燦爛o既笑容。
鈴木修女：「睇你笑得咁燦爛，都知你一定解決o左之前o既問題，加油呀！你唔係出去咩，再唔行就遲到啦！」
雪蔚：「多謝你呀！」雪蔚就出o左門口…… 雪蔚到o左M. Y. Restaurant唔見翼，就搵個位坐低等佢。 隔o左十五分鐘，翼終於到o左……
翼：「對唔住呀，我錄影遲o左，等o左好耐呀？」
雪蔚可以同翼一齊，再等耐o的雪蔚都冇所謂，雪蔚：「唔係呀，我都係o岩o岩到！我o地行囉！」
翼：「吾」翼一出到門口，就即刻拖住雪蔚隻手，雪蔚停o左係度望住隻手。
翼：「做ǜ呀？」
雪蔚：「你唔驚俾你o的fans見到呀？都係保持距離好o的喎！」
翼好緊張同雪蔚講：「邊有男仔同女朋友出街，唔可以拖住女朋友隻手o既道理o家？唔怕啦，我都戴o左眼鏡，冇人認到我o既！」
雪蔚聽到女朋友三個字已經由心裏面笑出o黎，佢同翼講：「咁我o地行啦！」
翼比起頭先更加用力捉住雪蔚隻手，因為翼怕自己一放手就會失去o左雪蔚……
翼係商場到見到幾部貼紙相機，便拉住雪蔚要一齊影相，佢o地影o左幾張貼紙相，雪蔚第一時間將貼紙相貼在銀包內，而翼就呆o左咁望住張相。
雪蔚：「做ǜ呀？我影得好核突呀？」
翼：「唔係呀，只係覺得你今日同平時唔同，你笑o個陣，我覺得你眼神充滿好溫暖o既陽光，你可唔可以每日都咁笑俾我睇？」
雪蔚：「你唔記得啦，你話過要將我眼神裡o既孤寂、可憐感覺趕走，換上最甜o既笑容，如果你冇將我孤寂、可憐感覺趕走，我點每日可以笑俾你睇呀！」雪蔚暗示希望翼永遠都唔好離開佢……
跟住翼同雪蔚行o左入去一間精品店……
