心動
(第二話)
自從翼同雪蔚食完飯之後，腦裡面都不停浮現雪蔚o既影子，佢好想幫雪蔚趕走孤寂、可憐的感覺，換上令人覺得開心o既感覺…… 但係已經一個禮拜，雪蔚都冇搵過翼，令翼臉上掛着失落o既臉孔，錄影時都集中唔到精神……
信五：「翼，你"lee" 幾日做ǜ呀？成日都心不在驀，係唔係掛住上次o個個叫雪蔚 o既女仔？」
翼有o的唔好意思：「我都唔知…… 自從同雪蔚食完飯，就有種唔知點o既感覺，成日都會諗起佢個樣，不過成個禮拜佢都冇搵過我，我諗佢應該有男朋友……」
信五：「唔好諗咁多啦…… 緣份o既o野話o黎就o黎o家啦，順其自然啦。」
裕：「喂喂！！你兩個有ǜ咁好傾呀？好肚餓呀，去食飯啦，我知道對面街開o左間料理店，o的烤肉超勁正o家，我o地去食咯！！」
翼同信五聽到烤肉兩個字，即刻異口同聲：「又係烤肉，你食少一日唔洗死呀？？」
裕一邊行一邊反駁：「冇錯！對於烤肉忠實fans既我o黎講，食少一日真係會死！」
翼同信五都冇氣理裕，只係跟住佢去o個間料理店。
料理店裡
女侍應：「先生，想食o的ǜo野？」
裕：「我要個A 餐。」
翼覺得女侍應把聲好熟，於是抬頭望一望，原本係雪蔚……
翼：「雪蔚…… 你係度返工o家？」
雪蔚見到翼，真係好開心，因為佢同翼一樣，腦裡面都浮現對方o既影子，雪蔚有諗過打電話俾翼，不過佢最後都冇膽打俾翼……
雪蔚：「係…係呀，我係度做兼職……」雪蔚幫佢o地3個落完order 就走o左……
裕：「翼，ǜ你識"lee" 個女仔o家？個樣幾清秀喎！！係唔係你女朋友o者？」
翼聽裕o既說話，好緊張咁講：「你唔好亂講o野呀，我同佢識o左唔係好耐。」
信五：「終於俾你見到佢啦，開心啦！」
翼聽完信五咁講，由心裡面笑o左出o黎！！
正當裕好享受佢碟烤肉時，翼o既視線都走唔開雪蔚o既一舉一動，翼覺得雪蔚對住客人o既笑容特別燦爛，但係眼神仍然俾人覺得孤寂、可憐……翼好想知道點解…… 另一方面，雪蔚雖然好努力做o野，但成日都偷偷留意翼o既神情，雪蔚覺得翼俾人好有朝氣同好有安全感o既感覺…… 翼同雪蔚不停留意着對方，有幾次兩個眼神都同一時間望住對方，大家都非常尷尬……
裕：「o的烤肉真係好味，食到我飽飽，下次一定要再o黎過！！」
信五：「知啦知啦……」
翼：「信五，你o地走先啦，我o的o野要去做。」
信五：「吾！」
但係裕好似唔係好想走，佢問：「翼，你有ǜ做呀？我o地陪你呀，我o地都冇o野做……」
信五立即斬斷裕o既說話：「人o地都話有o野做咯，我o地唔好阻住翼啦，走啦！」信五就咁拉走o左裕。
翼今次知道自己真係鐘意o左雪蔚，佢決定今晚鼓起佢咁大個仔最o既勇氣同雪蔚講清楚…… 另一方面，雖然翼已經走o左，但係雪蔚仍然不停諗住翼，雪蔚o既理智不停阻止自己唔好去諗翼，因為雪蔚認為佢同翼係冇可能，但係理智又話俾雪蔚聽，佢冇可能忘記翼。雪蔚佢諗住將"lee" 份感覺永遠埋係心底，唔會俾任何人知道……
晚上10點，雪蔚終於放工，當雪蔚一出餐廳門口見到o既第一個人就係翼，雪蔚當場呆o左，而且面亦都越來越紅……
翼：「雪蔚，你終於放工啦，我等o左你好耐呀！」
雪蔚好驚訝：「你… 你等我？你等我做ǜ呀？」
翼：「你得唔得閒呀？我有o的o野想同你講。」
雪蔚雖然好想知道翼想同佢講ǜ，但係佢又唔想俾自己有希望，因為雪蔚再望多翼一陣，可能會忍唔住講出佢心底o既說話。所以雪蔚對翼講：「我諗唔係好方便，我走先啦。」
正當雪蔚轉身走之際，翼捉住雪蔚隻手：「阻你一陣咁多呀！！」雪蔚對翼突然捉住佢隻手，並沒有反抗，因為佢覺得翼隻手好溫暖，俾人一種好舒服o既感覺。雪蔚係"lee" 個情況只好應承翼。而翼捉住雪蔚凍冷得有o的可怕o既手時，佢覺得心好痛，佢不停問自己點解雪蔚好似受o左好傷害o既女仔，翼希望可以每日都將溫暖送雪蔚，令佢唔會再有寂寞o既感覺。
