استمع للقصيده

دموع على بوابة الوطن

<bgsound src="m.wav" loop=infinite>

محتاجك حلم مرسوم علنجمات وخيوطه بذهب علكمر مكتوبه

محتاجك خلك وسع الارض يفلان واشرحله الخواطر ليش متعوبه محتاجك جرح يتوسط الدلال ويحني بنزيفا اطراف محبوبه محتاجك فرح بكلوب الحديثات لو كعدن سوه بنيشان مخطوبه ومحتاجك جدم ماتوجعه الصدمات ومن تثكل بلوته يعاند دروبه ومحتاجك عمر مايمر بيه الموت مو عمري الكضه وايام محسوبه ومحتاجك دمع يبجي على حالي من يصفن دليلي ويذكر ذنوبه ومحتاجك صبر بس موصبر ايوب لان كبلك لبسته وماستر ثوبه محتاجك.... حضن روحي تلفف بيك لو فزت غفل بليل مرعوبه مهدول الجتف وجدامي مشلولات والغيره انتهت والناس مجلوبه وانا بوسط سحرك جتفاني الضيم وسنيني لعذابك دوم مطلوبه ياهو اليفك حزني وانابلياك دنيا من القهر وبيوت مكلوبه يااول جرح محتار ضني وياك وايدي شماتغلبك ترد مغلوبه علمني الهجر بلكت اصد وانساك وابعد مااجيك ومنك التوبه لميت البخت من ردت اشور بيك شوردت عليه الشاره والحوبه سودني العشك من ردت اكلك روح.. شور بالدليل ولعب بيه طوبه عمار الوائلي <bgsound src="m.wav" loop=infinite>