Site hosted by Angelfire.com: Build your free website today!

Hey, con bai? Ami ta Jimmy.
Mi ta pasa cu bo den aña 2004

Ya caba aña 2004 a yega su fin. No falta mucho dia mas. Un bon momento pa wak patras, mira kico tur nos a haci. Aki ta sigui un index. Si bo kier bai riba un topico specifico, djis click riba dje. Pa tira un bista riba henter e aña, djis baha e pantayatiki tiki.
Mi ta spera bo disfruta di e boletin aki.

Index:
1) Carnaval 50
2) Campamento model
3) Competencia Nacional di Patruya
4) Conferencia Scout Interamericano na San Salvador
5) Actividad social pa lider
6) Jota & Joti
7) Curso Practico pa Lidernan di Troep
8) Koempoelan na St. Maarten
9) Competencia di marcha y comando
10) Y ken di cu nan no ta traha?

1) Carnaval 50

Carnaval 50 mester a bira e actividad turistico di aña y esun carnavalesco mas grandi cu Aruba a conoce. Y asina e tabata tambe. Pabien SAC cu e tremendo celebracion di 50 aña di carnaval.
Di Scouting Aruba tambe varios grupo a participa den diferente parada. Seascouting tabata den eleccion di reina grandi. Anto e tabatin un lama di apoyo. Grupo Scout Santanero, Cascabel y St. Hyacinthus a participa den parada di 'clown' na Savaneta. Seascouting a participa den Lighting Parade y tambe den paradanan grandi.
Y prins cu pancho? Wel den hubenil, ta dos pareha a competi anto tur dos ta di scouting. Seascouting a sali ganador y nan runner-up tabata di San Dominico.

2) Campamento model

Manera tur aña Scouting Aruba den 2004 a participa un biaha mas na e ceremonia y desfile rond di Aruba su dia nacional. Dia 18 di maart Aruba tabatin su gran desfile di gruponan uniforma.
E aña aki Scouting Aruba a organisa tambe un campamento di modelo. Esaki a tuma luga bou di palonan di Kwihi na haltura di Nepthali Park na Playa. Casi tur Troep a participa. E evento riba su mes tabata un exito, aunke e no a logra su meta. Pa e verkennernan cu a campa: "Cos tabata great!".
E tabata un momento pa topa otro atrobe y naturalmente tin un poco di show-off. Y pa varios e campamento di Grupo Scout Sonrisa tabata un berdadero sorpresa. Y asina e lider- y hobennan a topa otro disfrutando di e campamento y ne mes momento preparando nan mes pa NPW-2004.

3) Competencia Nacional di Patruya

NPW-2004 a tuma luga na Hoffie Prikichi, aya na Sero Pita. Thema di e aña aki tabata "Pueblonan di mundo".

Un total di 7 patruya scout di diferente grupo scout a participa. Y un biaha mas Patruya di Grupo Scout Cascabel ta demostra di ta superior.

Patruya ganador di NPW y su GL

Tambe a participa un patruya di Grupo Scout San Martin di Porres, San Dominico, Ora Ubao, Casibari, Cacique Macuarima y St. Hyacinthus.

Un DANKI ta bai specialmente pa Chief M. Tromp, kende tabata e lider di campamento. El a haci un tremendo trabou y cu poco guia. Un berdadero Hopman. Un DANKI tambe ta bai pa AVL R. Paesch kende a dirigi F&B y a haci un bon trabou.

Despues di un hike basta largo y den solo calor, tabatin riba programa cu ta bai Community Pool na San Nicolas. E muchanan a gosa un bol, pero tabata opina cu mester a duna nan mas tempo liber einan. E bieunan tabata opina cu mihor a bai beach na Arashi.

Scouts na Community Pool

Pa finalisa mi kier yama danki na tur lider scout cu a duna su aporte di un manera of otro na NPW-2004. Y na Scouting Aruba un suplica pa dedica mas atencion na e evento aki cu mester ta esun di mas importante pa e verkennernan.

4) Conferencia Scout Interamericano na San Salvador

Delegacion di Scouting Aruba na El Salvador

Desde 31 di juli pa 4 di augustus 2004 a tuma luga e di 23 Conferencia Scout Interamericano (CSI) na San Salvador, capital di El Salvador. Di Aruba a participa 7 lider scout na e evento aki. E conferencia aki ta tuma luga cada 3 aña na un pais miembro oficial di WOSM den region interamericano.

President di Comité Scout Mundial, Sra. Dr. Marie-Louise Correa y Secretario General di WOSM, sr. Dr. Eduardo Missoni

Un stress e delegacion di Scouting Aruba a sinti ora cu a tuma luga e apertura oficial y e bandera di Aruba no tabata den e desfile. Poco palabra fuerte di nos HC den direccion di e organisadornan y cu yedansa di HKC Ridderstaat a pone e bandera na e mihor luga riba 'stage'. Y durante henter e ceremonia oficial aki e bandera di Aruba a para trots. Mir'e aki tras di e president di Comité Scout Mundial, sra. Dr. Marie-Louise Correa.

Durante e prome discurso di e Secretario General di WOSM, sr. Dr. Eduardo Missoni, na tur miembro di e Region Scout Interamericano, el a punta dede riba e delagacion di Aruba y Antias. E S.G. a duna palabra di elogio pa e dos delegacionnan aki cu ta grandemente representa, aunke no miembro oficial ainda, compara cu delegacion di diferente otro pais.

Delegacion di Scouting Aruba durante conferencia plenario

Durante e dos dianan intensivo di conferencia plenario e delegacion tabata bon representa. Conforme e programa tur miembro di e delegacion a duna su aporte pa cubri mas tanto cu ta posibel di esaki.

Stand di Scouting Aruba

Den e programa di e conferencia tabatin espacio pa cada miembro presenta algo cultural y culinario di e pais. Scouting Aruba a tuma parti na e evento aki. E stand a logra haya un luga strategico. Como bocadio a brinda pisca tempera cu su pan bati, prepara pa Martin Ruiz. Di bebe a brinda e bishitante Koekoei of Piña Colada, pero tambe e 'Pink Panter'. E ultimo aki a cai den bon ambiente.

"Jump with your towel"

Ken di cu e Koekoei no a traha? Wel cu e invitacion anima di HC Croes y personal di cada miembro di delegacion a parti e sarbete arubiano y a trece hende riba pista di baile. Te asta Gerardo Gonzalez y Eduardo Missoni a balia cu no tabata por mas.

Aruba scores again!!

Delegacion di Scouting Aruba cu Embahada Hulandes na Brasil
durante cena di gala pa clausura e Conferencia Scout Interamericano

A clausura e festividadnan rond di e Conferencia Scout Interamericano na El Salvador cu un cena y fiesta di gala. Durante e ceremonia aki un biaha mas Scouting Aruba ta presenta su piesa "Jump with your towel".

"Jump with your towel" durante fiesta di gala

5) Actividad social pa lider

Dia 28 di augustus 2004 Scouting Aruba a organisa su actividad social pa lider. Esaki a tuma luga riba beach na Arashi. AVL Robert Paesch a regla un ke otro pa e evento aki sigui. Na tur cu a traha pa e anochi aki bira uno hopi alegre: DANKI, DANKI, DANKI.

Domino bai skeiro

Anto esei no ta nada. Despues a bini un hersengymnastiek y Twister. Manera semper e celebronan no ta funciona bon tur ora, pero loke sigui tabata un exito e anochi aki tabata Twister. Mi a logra haya un potret cu dos lider riba e twister, pero e no ta algo pa pone riba internet. E ta simplemente : "geen gezicht".

6) Jota & Joti

E aña aki JOTA & JOTI a keda pa cada grupo mes organisa su actividad. Asina por ehempel Grupo Scout Cacique Macuarima a uza facilidadnan di IPA. Sigur e tabata un exito rotundo si mira e cantidad di computernan cu tabata disponibel pa e muchanan. Grupo Scout San Martin de Porres y St. Joris tabata di bishita cerca un Radio Amateur na Buena Vista. Por bisa cu aki ta e unico luga unda scouts por a haci uzo di radio pa bin den contacto cu otro scouts.

Troep di St. Joris cerca radio amateur na Buena Vista

Grupo Scout Lord Baden Powell y St Joris a haci JOTI na cas di GL Craigg. Cu algun computer e muchanan por a busca contacto cu otro hoben scout via internet. Un actividad cu semper ta hala atencion di muchanan.

JOTI den full swing na ces di GL R. Craigg

Probablemente tin mas grupo scout cu a haci algo na JOTI, pero ami no a tende esaki. JOTA y JOTI den tur pais ta un evento scout cu e muchanan gusta masha hopi mes, pasobra e ta mas cu solamente e computer of e radio. E ta un experencia unico y solamente pa scouts den e fin di siman ei.
Bo po rimagina bo si un grupo scout tuma e curashi, busca palo, pionier dos toren halto pa e antena di e Radio Amateur. Crea retonan electronico y electrico pa e muchanan y campa den tema di JOTA 8 JOTI.
Scouting na Aruba lo haya un 'push' positivo sigur cu te na television nos lo sali. Wwwhhhaaawww

7) Curso Practico pa Lidernan di Troep

Scouting Aruba e aña aki a conoce su di dos curso practico pa lidernan di troep. Nan tabata 5 lider so, pero e curso a sigui. Pabien na tur e cinco lidernan aki, nan ta AVL Mariano Thiel, AVL Anderson Vrieswijk, AVL Edward Luckhoo, AVL Régine Croes y (entretanto) VL Emile Croes.

Curso Practico pa unidad Troep

8) Koempoelan na St. Maarten

Despues di un tremendo Koempoelan na Aruba den 2003, e aña aki a toca turno na St. Maarten. Bou guia di VL Claudette Kwidama e delegacion di Scouting Aruba a prepara debidamente pa haci su mihor presentacion.

Delegacion di Scouting Aruba durante defile na St. Maarten

E aña aki a combina e participacion na Koempoelan cu ceremonia rond di Dia di St. Maarten. Entre otro esaki a nifica un desfile dilanti dignatarionan di St. Maarten y Antias. Mi a comprende si cu nan mester a cana un distancia basta largo.

Tabata di lamenta cu algun parti di Koempoelan no por a sigui debi na awa cero, pero pa un bon sandwich semper tin (bon) tempo. E bon rubiano sa cu si na cas cuminda ta poco, semper tin un adres eibanda unda por haya mas. Djis mester ta poco creativo.

Na tereno di campamento

No opstante cu por mira e bon partinan di Koempoelan St. Maarten, no por laga afo cu e ta laga un duda pa un siguiente Koempoelan na St. Maarten. E organisador mester tene na cuenta cu e inversion ta basta halto pa yega St. Maarten, pues e expectativa tambe lo ta halto.

Riba e siguiente potret bo ta haya mayoria miembro di e delegacion di Scouting Aruba cu a participa na Koempoelan 2004 na St. Maarten.

Delegacion di Scouting Aruba

9) Competencia di marcha y comando

Anualmente Scouting Aruba ta organisa su Mars & Exercitie den november. E aña aki e evento aki a tuma luga na San Nicolas. E acompaño musical tabata den man di drumband di Grupo Scout Cascabel y di Cacique Macuarima.

Drumband di Grupo Scout Cascabel
bou guia di VL Emile Croes

Lamentablemente mi no por a haya mucho potret di Mars & Exercitie. Pa djis duna un impresion chikito ata ki parti di un neishi ora el a presenta su comando.

Horde Commando's di St. Hyacinthus

10) Y ken di cu nan no ta traha?

Varios biaha mi a haya comentario y mi mes tin biaha ta puntra si nos lidernan ta traha di berdad. Wel, e unico manera pa haya contesta riba e pregunta ei ta door di busca pasa y ... Ata aki algun potret pa mustra cu nos lidernan berdaderamente ta traha, di un manera of otro.