Apne wazood ka ahsaas hi
"Rahee ke kuch shabd.."
ka ek nanha sa prayaas hai.
Jazbaat ki juban sabse gahri hai,
yahi in nazmon me samaya hai.
Jivan me sabse jaruri hai muqammal hona,
jindagi se gar kuch maangna hai to apne hone ka ahsaas maang,
Sajane ki khatir kirdar ko mushkilen maang,
Jindagi se seekh kashmakash ka sabak,
Aandhiyon me bhi charagon ko jalane ka fun maang.
In sabko lekar kuch shabd bune gaye, kuch ahsaas bankar ubhre,
Inhi shabdon, ahsaason aur bhawnaon ka naam hai
"Rahee ke kuch shabd"
