Site hosted by Angelfire.com: Build your free website today!

FEI in Guilin

桂林出發篇:

有時候去旅遊，真係要計數計盡D，否則就會怨三怨四。正如今次我去桂林，我選擇了一條非常便宜但迂迴的路前往。記得出發那天，晨咁早就走到九龍酒店搭直通車去深圳唔知叫乜鬼機場搭飛機去桂林。在車上，我見到個領隊講野有不是太掂，心中已有個突。到了深圳機場，個領隊的"專業服務"更令我眼都突，但由於想到旅行社全程只收我一千三百元咁平，想落都有著數，於是心中的不滿就一掃而空了。

到了桂林後，我們就入住了一間二星級賓館，這賓館的設施也不錯，有酒樓，有六餸一湯，你話死唔死。喂!出面有冇人呀! [picture]

桂林驚喜篇:

桂林山水甲天下，下一句都唔記得lu。但唔好講笑，桂林D景真係非筆墨形容，唔該自己睇睇

第一個推介，漓江呀!兄弟!出發。 [picture]

駛唔駛咁靚呀!叫你畫山水畫呀! [picture]

山水畫睇完啦!睇下少數民族姐姐表演啦。D衫得一個字形容，"掂"。 [picture]

睇完靚女，做D正經野先!去下桂林師範享受下古色古香先。 [picture]

嘩!乜咁多石頭呀!睇真啦兄弟，是石"雕黎呀"，係靖江黃陵影架。 [picture]

阿叔你係到做乜，隻雀駛唔駛咁大呀，阿叔曰﹕"雙料娛樂，鷺池捉魚同阿叔大便。" [picture]

桂林軼事

千三蚊團費，我以為食得唔方好，點知...!好正呀，在酒店六餸一湯不得止，仲有d推介野食，就係米粉宴，成張枱八樣野都用桂林米粉做，你話係唔係嘆為觀止呢。

睇少數民族表演真係值回票價，台上的人同景都好正，佢地表演得好落力，當果d小朋友表演軟骨功時，連我都替佢地牙煙呢。值得一提，表演途中有個新娘拋個花球落台下，我爭少少中招，好彩我隔離個friend話個花球係拋俾佢，在這裏要多謝佢一聲並再强調，係呀!個花球真的是拋俾你架。

去遊漓江真的倒塌咁早，仲要上埋船吹風，心想不如留在船艙訓下，但當見到窗外景色好畫，個種感覺就好似屙完屎咁，舒服哂。

喂!如果你有機會去參觀籚笛岩，千奇唔好浪費菲林，去冠岩到先至見到真正的岩洞，真係好大呀，仲有呀，有激流旅程玩，仲係摸黑感受大自然果隻，我而家都好回味。

嘩!原來國內d師範學生咁愛國，我走過佢地d宿舍，真係旗海處處，d顏色仲好七彩繽紛添。攪到人鬼咁感動，即刻salute啦。

不得不讚，國內的航線真的超準時，何解呢!本人所搭的班機起飛時間是下午6:30，架機夠胆死真係到9:30先起飛，真係準時到如我朋友所料，國內飛機至少要遲三粒鍾先到。

再要讚的係國內機師真的訓練有素，佢自知遲到，於是開了飛機引擎，好似地通拿果賽車咁，全速在跑道飛馳，記住係地上飛馳，不是在空中飛行。你話啦，國內機師真的唔話得，人地d飛機在空中先致引擎全開，佢趕去跑道都開，你話係未正過玩過山車呢。