今日係我地4E BBQ既大日子
今次都係去烏溪沙
所以我諗我避免唔到去回想上次3B既BBQ
我盡量唔去比較 亦唔想去比較
因為係唔同GA
3B同4E 都係我愛既班
呢2班係響唔同既時間
所以我唔可以講出我愛邊班多D
如果我可以話我愛其中一班多D既
意思係我根本冇好好去感受身為班中一份子既快樂
如果我地都識得去投入 用心去體會
咁樣我地唔會講D咩野呢個比O個個好
因為我地都會明白到 只要你投入過
所有野都會係一樣既美好
無論發生咩野 只要你享受過個過程
咁樣已經好足夠 已經夠你去回味
又記得爸B講過 結果唔係最重要 過程先係
我覺得真係講得好O岩GA
雖然有時好難去唔在乎結果
但係嘗試過 咪可以囉
「我們不明白另一個世界的運作， 所以我們都總是一廂情願地相信我們所以為的。」
我係咁GA :]
＊
呀>>>>>>>>>>>>>>>>>>>>>>>>>>>>>>>>>>>>>>>>>>>>>>>>
我要發癲喇!!!!!!!!!!!!!
點可以咁ga
落雨呀落雨呀落雨呀
B咩野BQ JEI
改期囉 聽日去!?
聽日又唔知會唔會落
OH MY GOD
算啦算啦算啦
落雨都燒唔到GALA
聽日就聽日啦 :[
跟住呀 我出去買SHINE隻碟WOR
點知呀 響我俾左$時
仲要係O岩O岩俾左$時
我家姐打黎話我知新港城賣$79 JA
我買左$89
唉呀今日真係好黑仔呀
不過算啦 我覺得SHINE隻碟真係好靚好正好好聽呀
勁愛天佑勁愛又南勁愛SHINE
各位4E既書友仔
WE WILL BE BACK
嘩＊嘩＊嘩＊好＊正＊呀＊＊＊＊＊＊＊＊＊＊＊＊
勁開心囉 我地４Ｅ終於都去到ｂｂｑ喇
不過呢 我發現 得我同呀ｗｉｎ同飯煲係守時ｇａｊａ
不過冇所謂啦哈哈哈
我地呢 勁冇野做ｗｏｒ
因為我地又唔識買野
佢地去買 我地就好無聊咁行黎行去
最後等齊人之後呢 就開始行去福記ｌｕ
一路行呢 一路望住個天
＊天＊又＊藍＊＊＊ｗｏｒ
跟住勁懶醒咁話好彩決定左去
跟住去到呢 就見到多如ｗｏｒ
勁ｋａｗａｉｉ呀 好耐冇見過佢喇
同佢玩左一陣佢就走左ｌｕ
最後發現原來我地係去左連記囉
因為福記冇位ｇｒａ
燒左勁耐之後
突然間行雷閃電ｗｏｒ
我地咪搬左個爐去入面囉
之後就開始落雨ｌａ
勁恐怖勁大風勁大雨勁狂
我地個個都勁大笑
俾ｄ雨淋濕哂
跟住發現ｄ野食多數都濕左
又冇哂炭ｗｏｒ
於是我地就決定煎ｄ野食喇
勁好玩囉 仲問埋人地借油黎燒呀哈哈哈
不過燒燒下著火呀
所以ｄ雞翼就犧牲左ｌｕ
後ｍａｙ我地見到隻蟹呀
佢地捉左佢 仲放佢響爐上面燒
勁恐怖呀 我地望住佢死呀
佢就咁就真係死左喇
ｄ腳ｓ仲斷哂
又見到隻貓ｗｏｒ
佢地竟然仲可以狂想將隻貓叉ｌａｉ燒呀
ｏｈ ｍｙ ｇｏｄ
雨停左無幾耐我地就番去
去到新港城佢地去食野
我同ｗｉｎ＆ｍｏｅ＆ａ就去左挾糖糖吃
跟住就ｂａｃｋ ｈｏｍｅ ｌｕ
仲未完ｇａ
我番到屋企訓覺時
呢次ｂｂｑ仲響我既夢裡面延續
：〕
2003年5月5日(一)＊＊＊＊＊
ｅｖｅｒｙｂｏｄｙ ｎｅｅｄｓ ａ ｈｏｌｉｄａｙ
＊我＊要＊懶＊＊＊＊＊＊＊＊
I am just a healer.
I am needed only when you are unhappy.
I know my situation clearly.
So you no need to be so worried.
I think I am brave enough to face these problems.
It’s true.
Please don’t bother to think of me.
Although i konw that i am troublesome.
咦尋日11叫我去做o個個IQ TEST WOR
我有117分 但原來佢地個個都勁高分GA WOR
咦咁即係其實我都已經係好蠢GALA
雖然話唔係好準JEI
但係唔準極都有個限度呀嘛
我呀 答錯哂D有關計數既題目呀
太過份喇 點解總係有方法話我知我MATH差GA
點解成日都要兜一大個圈追住我話我知我MATH差GA
不過無所謂啦 我都唔介意知道自己係蠢既
因為我一路都覺得係GALA
人地講D野呢 我成日都會信GA WOR
就算幾離譜都會信
因為我應承過自己要去信人
慢慢我就變得唔經大腦咁去信
人地睇落去可能會覺得我蠢
但係我覺得係應該GA WOR
如果成日都要打醒十二分精神
人地講每一句說話都要諗到勁清楚先決定信唔信
係好辛苦GA WOR
我做唔到 太大壓力喇
不知不覺間 我隻寶貝魔鬼都俾我虐待到變到勁瘦LU
所以我就發現原來自己都可以好容易信人GA WOR :]
我始終覺得 如果要做一個好醒既人
係要好叻叻先做到GA
要成日都好理性 會成日都好似有D光圍住佢咁GA哈哈哈
如果做一個好傻既人 就好容易做LU
ERH 點講呢
覺唔覺得好多開心既人 都係比較傻GA呢
有時諗野好簡單都係幾好GA
所以 如果可以做一個傻既人
咩野都唔駛諗
都幾好GA
至起碼可以變得可愛D呀 :]
>>>主動權永遠都唔會響我度
我可以點<<<
喂我真係好愛今日WOR
呵呵呵呵呵 :]
今日呢 A MATH QUIZ WOR
我之前呢對呢個QUIZ冇咩信心GA
因為我尋日溫完中文就已經勁憫
所以好求其咁睇下A MATH就算LU
跟住今日QUIZ時呢
好似題題都唔識咁WOR
D ANS好似好怪咁
以為自己一定會FAIL啦
點知呀 真係勁開心WOR
我有29/40呀
嘩嘩嘩嘩嘩我覺得好厲害GALA
嘻嘻嘻 係我2ND TERM A MATH第一次PASS呀
多得呀WIN JA
自從同佢坐真係好左WOR D MARKS
我覺得自己好麻煩GA 成日都問佢勁多問題
佢仲要勁耐心咁教我WOR
哎呀太好喇 :]
WOWOOOOOOOOO
今日我真係好開心呀*:]< p> 2003年5月8日(四)＊＊＊＊＊
今日要番去練歌啊
一早CAROL又唔知醒 等左佢25MIN GA呢
不過好彩原來係930練唔係900練JA
MISS TANG今日出奇地好人WOR
又冇話我地WOR
D語氣勁好囉
我地傾計都冇BAE我地WOR呵呵呵
跟住我地又未背歌詞 拎住份譜去REHERSAL
但又唱到勁難聽WOR
不過D人仲要好俾面咁拍手
我覺得好無地自容呀
咦我一定要快D背左佢至得
跟住番去MUSIC ROOM時 見到劉良佢地呀
我勁興奮咁大叫劉良 搞到佢好QOO呀
實在太唔好意思喇 但我又忍唔住WOR哈哈哈
跟住後MAY仲可以同劉良佢地一齊唱一首叫*真愛長存*既歌呀
超級棒啊 :]
好開心咁練完歌
雖然好累 但係就好美好 :]
番到屋企仲食左KFC既燒雞翼呀*蜜蜜&黑椒*
超級美味GA
好開心呢 我呢
變番以前O個個 渴睡+大食既我呀
我諗咁樣既我比較好呀
睡唔夠既感覺係唔好 但係睡好少就睡唔到更加唔好呀
食好多野既感覺
唔駛講 當然係超滿足啦:]
necessary evil
今日segaylo教ga 我覺得係佢咁耐以來講過最有用既野囉
解作必要的魔鬼
我地每一個人心中都有一隻魔鬼
佢可能有唔同既大小 唔同既性格 唔同既喜好
但係佢地都有一個共通點 就係無論我地幾咁唔鍾意佢
佢都會令我地唔可以捨棄佢
唔 的確係冇左佢唔得
好多時都係咁 明明我地可以趕走lee隻魔鬼
但係我地偏偏要令到自己冇左佢唔得
硬係要抹乾淨個位俾佢
做d咩野 都要覺得有d掙扎係好
如果我地一口氣做完一件事 中途完全冇半分既猶疑
我地就會覺得奇怪 奇怪自己點解可以咁決斷
如果我地心中有魔鬼 令到我地做決定時有一刻既遲疑時
我地就會覺得理所當然
即使係要作出抉擇 都會覺得比較舒服 比較安心
咁樣既話 係咪心中有隻小魔鬼響你做決定時左右你
會比較好呢
抑或係做咩都好正義 完全唔會做錯野好呢
我始終覺得
做聖人係好辛苦 亦好無謂
唔好怪我用lee個形容詞
要做咩都o岩 唔係好傻咩
正當每個人都不斷地犯錯時
佢就強迫自己要時時刻刻都唔可以犯錯
唔係話要任由自己做錯事
而係 我諗每個人既過去 都會背負住某d人既傷痛
而我地自己都會曾經被傷害
既然每個人都會在不知不覺間去犯錯 去傷害人
咁樣我地都唔需要介意自己曾經做錯事
係嗎 :]
咦勁衰呀
我今日響利安既711 百佳同埋另一間supermarket搵左勁耐
都搵唔到阿波羅既magic cup[magic cone?]呀
呢樣野可以話係我童年最重要既野lai ga
都有成年幾冇食喇
記得以前o個間華潤有得賣ga 仲要成日特價ga
而家成個利安咁大都冇 太失望喇
我忽然間好想可以好似以前咁 拎住支magic cup/cone
好開心咁坐響度睇電視呀
好美好既童年回憶呀
我記得我試過舊雪糕既上半截斷左 then跌左落地ga
我o個陣好唔開心 可以唔開心成晚ga
家姐又會狂笑我低能 雖然咁樣好無聊
但係又好值得懷念
我決定我一定要搵到佢 帶佢番屋企ga
我唔可以響街度食住
因為咁樣就唔可以真正咁回顧gala
當我試過響屋企食後
我就可以帶佢周圍食喇哈哈哈 :]
告訴你一個魔法
向天大叫 就可以找到最真的你
不必嘗試 因為這個魔法只有我一個懂得 :]
原來我天生就係一個愛笑既女孩 :]
BABA話 佢響我BB 接我出院O個日
佢抱住我搭LIFT番屋企
見到我笑
嗯 我好鍾意咁樣呀
好似好奇妙咁
BB已經咁鍾意笑 一定好搞笑喇
:] 其實咁樣既我都幾好呀
可能人地會覺得我幼稚 成日無LALA笑
但係至起碼我覺得 幼稚都唔係個個做到GA
我覺得可以咁純真咁笑既時候 係好值得令人驕傲GA
所以下次你見到我笑時
唔好怪我低能 唔好怪我失儀
因為我地實在唔知道我地幾時可以笑
請你俾我響有機會笑時笑
我唔想到我變得成熟後
發現我唔懂事既時候冇開懷咁笑過
亦都請你見到我笑時
都笑下啦 :]
因為能夠令到別人笑
一直都係我既希望:]
嘩原來我仲係一個勇敢既寶寶呀哈哈哈 :]
MAMI話 我細個O個陣好大膽 所以我11個月就識行
而D家姐S就要13個幾月先識行
嘩嘩嘩咁樣我咪好似好叻叻咁囉
YYEAH 勇＊敢＊的＊寶＊寶＊＊＊＊＊
我記得前幾日WIN話INTRANET好書分享O個度既人猛咁踩林詠琛
雖然的確好想睇下D人點樣講
但我又唔係咁敢睇
因為我知道我完全唔能夠控制自己 我怕我會崩潰
我曾經好妙想天開咁試過寫一本書
我好明白要成功咁寫一本書 係有系統 而且仲要有懸疑成份既
係好難好難GA 要擺好多心機時間精神落去GA
所以就算我幾咁唔鍾意某D作者 我都唔會唔尊重佢地
我都唔會睇唔起佢地
我覺得佢地好過份呀
有冇諗過可能係佢地自己未用心咁睇本書
每個作者都當自己既作品係仔女咁樣
唔係可以隨便俾人踐踏GA
林詠琛既書 我每一本都好鍾意好鍾意
我好介意人地批評佢 我好介意人地睇唔起佢
我唔明白點解佢地唔可以試下欣賞佢
點都唔會係一面倒既壞呀
半點可取之處都冇咩
至少佢可以令我感動呀
咁樣已經足夠令人敬佩啦
咁犀利既 咁唔會教壞人既
你咪出本書造福人群囉
我真係好鄙視佢地WOR
唔識得去為人想 仲有咩資格去要求呀
如果你都想批評林詠琛既
千祈唔好俾我知道 我會憎死你
我一D都唔覺得 暗地裡既爭論會有咩野幫助
點解你唔試下SEND EMAIL俾佢話佢知 批評佢呢
響度講咁多唔滿意既說話
咁唔鍾意咪唔好睇佢D書囉
講咁多廢話 低能
請＊不＊要＊忘＊記＊
曾＊與＊我＊在＊課＊堂＊上＊
一＊起＊睡＊覺＊的＊日＊子＊＊＊＊＊
呀＊哈＊哈＊哈＊哈＊哈＊＊＊＊＊
好開心呀＊＊＊＊＊
我今日去左新港城買ＭＡＧＩＣ ＣＯＮＥ
買到呀＊＊＊＊＊
呀呵呵呵 超＊級＊棒＊＊＊＊＊
雖然番到屋企已經溶溶地 仲要斷左
但係我都食得好開心 ：〕
好耐冇食喇
雖然我覺得我以前食既咁美味 但係的確令我諗番起好多野呀
:] 美好既回憶
如果朋友相處得耐
大家習慣左大家 好似會幾美好
我食飯時你永遠會知道我食咩
我買衫時你永遠會知道我揀咩色
我開心時會想第一時間話你知
我唔開心時亦會第一時間諗起你
我去玩時一定拉埋你去
我嬲時會搵你做出氣袋
我眼訓時最想搵你做枕頭
我同你冇祕密
我同你心靈相通
我搵你幫手你永遠唔會拒絕我
我亦會24小時STAND BY
我做咩你都支持我
我亦會俾哂我既力量你
我會將我所有既野都同你分享 亦知道你都會咁無私咁愛護我
我最愛既當然會係你
最好既朋友 應該會係咁:]
MY EQUATION : X²+Y²+DX+EY+F=-5
∵X²+Y²+DX+EY+F＜0
∴I AM INSIDE THE CIRCLE.
今天給別人當作是傻子
雖然無奈
但卻十分快樂
我的快樂不是由別人來決定
是由我自己決定的
自給自足的快樂
雖然只有自己一個了解
但也足夠令我再三回味
看見別人不解的眼光
不但沒有覺得他們無聊
反而悠然自得的會心微笑起來
竭而不捨地去追尋這種不會阻礙別人的快樂
我想是對極的吧 :]
今日我同win+carol響pizza hut傾左4個鐘
好開心好relax :]
講左好多野 有好多問題
但係講極都係咁樣
乜野都解決唔到
只係令自己將事情想得愈來愈差
有時唔係我自己想單方面去猜測
但係事情唔容許我唔去想
有好多野我都唔知應該點去衡量
我唔覺得我唔去想事情就唔會變壞
當然我想得多亦唔好
但係唔去解決既問題 始終都會響度
當個結俾我地纏來纏去 愈弄愈大既時候
我地咩都做唔到
唔係我地唔想去解開
而係我地冇咁既勇氣
唔想大家會感到尷尬 唔自然
我怕最後發現
一開始我地已經被擱置
唔呢兩日都幾好呀
我覺得我地choir都唱得唔錯呀
雖然好似受盡歧視咁
行到邊都俾人話
但係我覺得我地唔廢ga wor
佢地唔可以好似我地咁開心呀 :]
勁搞笑囉 我地7個響度狂唱歌狂跳舞狂大笑
雖然周圍既人好似當我地傻左咁
但係都無所謂啦 佢地都唔明白我地既歡樂
會＊掛＊念＊就＊承＊認＊太＊掛＊念＊＊＊＊＊
呀哈哈哈哈哈 極度爆笑囉
基本上我對lee個show都冇感覺lu
睇左至少5次 不過都唔會厭既
因為有好多野都好好笑 kekeke :]
接著我& ca& carol& money去左紅豆子+仙跡岩食野
勁無奈囉 周圍既人都係食煙既
臭到我勁想嘔+勁暈
好開心咁去面對事情
就唔會俾任何野影響到
但係選擇用灰暗面去睇既話
點樣都唔會變得美好
我好鍾意熱熱鬧鬧 :]
咦我愈來愈鍾意寫作LA BOR
雖然其他人可能會覺得好沉悶好難睇好無聊好無稽
但我自己就覺得好好玩 每一篇都好好玩
因為我成日都會覺得
每一樣野都會有自己既生命 自己既思想
即使係別人眼中既死物 都係有生命有感情GA
我地覺得一張紙係冇生命既同時
可能佢都覺得人呢樣野係死物
唔識移動唔識變化唔代表冇生命
邊個可以好肯定一張紙冇佢既思想
我自己就成日都會代入去呢D物件度
想像一下如果我係佢地 我會諗D咩
我會有咩感受有咩感覺有咩感情
慢慢我就會諗到好多好多 好多其他人唔會感覺到既野
如果覺得咁樣好無聊
其實係因為你唔識得去感受呢個世界既美
呢個世界可以美得 所有野都係有生命有思想
即使只係一張紙
都可以比我地人類更識得生存 更有意義咁生活
唔我好似好懶叻咁去教訓其他人
但係我真係覺得
如果你肯去相信呢D野 你會比其他人更加識得珍惜呢個世界既野
又諗起呢句說話
我們不明白另一個世界的運作， 所以我們都總是一廂情願地相信我們所以為的。
我地每一個人都係咁自以為是
我地所想既 原來唔一定係真既
我地唔鍾意有問號
所以我地成日都要格硬俾個解釋佢
令到自己安心D
但係就冇想過呢D解釋原來係咁可笑
我地每一個人 都總係重覆去遮掩自己既無知
但係咁樣做 只會令人覺得自己更加膚淺
我記得呢 好耐之前 我未同AR-YAN交換日記之前
我係諗住 懶浪漫咁 自己每日寫D野俾AR-YAN GA
我覺得佢收到之後會覺得好美好
不過後來忍唔住講左俾佢知
於是我地就開始左我地既交換日記
已經係FORM 2既事LU 到而家仍然好記得
到到而家 我地寫緊第9本日記 係好靚既火柴人日記
人地可能會覺得我地寫左一段好長既時間
但係我自己就覺得呢段時間雖然長 但係真係過得好快
我完全唔會覺得寫日記好麻煩
因為我覺得能夠同你交換日記 真係好開心
即使幾咁眼訓 我都堅持要寫埋日記俾你先
其他人可能會覺得我地寫既野唔會100%發自內心
但係我自己就覺得我寫既每一句說話都係最真最真既
我相信我地之間係冇祕密 我亦唔會收埋自己既野
響呢2年裡面 我覺得好開心
因為我無時無刻都可以話俾你知我既野
即使係深夜既時候 我都唔需要怕阻住你 因為我有我地既日記可以寫
多謝你 多謝我們的日記 :] JUST FOR YOU
我好後悔呀
我覺得自己好衰
我覺得自己好偏激
我覺得自己好記仇
唔 有時我真係唔係咁想自己咁天蠍>>>愛恨太強烈
咁樣會令自己對好多人唔好 因為會好容易嬲/恨一個人
但係如果唔係咁樣既話 又會變得份人好無所謂LA WOR
因為會冇咩鍾意/唔鍾意
咁樣 我寧願選擇愛恨分明一D好
實在唔鍾意*無所謂*呢樣野 令人無奈既一種東西
所有我會揀 做番最原本既自己
起碼舒服一D
或者可以令自己嘗試睇清楚每件事先下判斷
咁樣都幾好 :]
呢個世界每一刻都響度變動
今日PE換衫時 秀秀仲響我既隔離 好平靜咁換衫
但係佢竟然響HALL突然間暈倒
好大聲 我諗應該係個頭著地既聲音
我仲見到佢反白眼
O個刻我好驚 我唔知我可以做D咩
但係響佢暈低既時候
呢個世界上既人 都係繼續做自己既野
唔會因為佢暫時既停頓而有所改變
所有野都係一樣
我地總覺得自己既變更好重要
但係原來我地咩都唔係
我地渺小到 可能消失左響呢個世界上都冇咩人會在乎
每個人都以為自己做D咩都會影響到呢個世界
但係就忘記左 呢個世界唔係只有自己一個
再點樣努力去擴大自己既能力
我地始終都係個體積小得可憐既人
即使我地比小狗小貓兔仔大
我地都唔見得比佢地活得更自主
雖然小狗散步總係俾主人用狗帶拖住
但係至起碼佢地都有自己思想既自由
我覺得 我地人類比佢地更加受束縛
唔止要做D自己唔想做/唔鍾意做既野
就連思想都要被箝制住
被一D唔值得我地去為佢費神既人箝制
被一個充滿黑暗既世界箝制
咁樣同困響籠裡面既野獸冇分別
甚至比佢地差
因為佢地至少有過自由 有過勇猛既一面
我地 一出身就係被人控制住 要倚靠模仿別人黎生存既生物
原來都幾值得被憐恤
唔知道係咪每一個人都係 細個既時候好恨快D大個
但係到左大個既時候又好想番番去以前 做番O個個最天真既自己GA呢
今日我番屋企時 我聽到隔離既一位太太同佢個小朋友講
「番到屋企就訓下啦」
我即時用好羨慕佢既眼光望住佢
唔 我記得我以前細個呢 好得閒GA
勁乖咁放學即刻番屋企 吃飯 做功課
跟住成日都有勁多時間剩 跟住就可以睇下電視
有閃電傳真機 小丸子 仲有好多好多卡通片
我全部都會睇哂 可以一路食住響華潤買既零食
一路睇電視 就已經好滿足
而家大個左 唔會再願意只困響屋企
即使願意 我都冇咁既選擇
實在有太多野要做 太多野要諗 太多野要顧慮
訓覺都變得有D浪費時間
有幾多次渴望可以不顧一切咁去睡
但係每一次我都做唔到 人地可能覺得只係訓覺 有冇需要考慮咁多
但係對於我黎講 的確要顧及好多野
想得太多 會令人變累
大個左都總會被社會感染
即使幾咁希望維持原本既自己
都無辦法逃離呢個命運
屬於每個人既命運 一出生就已經注定
或者我地會漸漸忘記 O個個因為一杯雪糕而滿足既自己
我地被呢個世界既繽紛吸引住
慢慢我地就會連想回復以前既心都被埋沒
我唔想咁樣
希望到到N年後 我仍然會記得呢個我
即使唔會再因為一杯雪糕感動
至少 我希望我會永遠記住 我曾經咁容易滿足
我曾經為一杯雪糕所產生既感動 :]
我覺得有時人都幾得意GA WOR
我地可以為一D好少既事開心
又可以為一D好少既事唔開心
嗯 可以為一D唔起眼既事而開心
我覺得好似幾好咁WOR
可能你會覺得好難做到 但係其實都唔係GA
只要你想下 就會發現自己其實每日都會為一D小事而開心
例如 食飽飯好滿足會好開心 幫到人會好開心
見到個小朋友好可愛會好開心 見到人地向你微笑好開心
好多野都可以令自己好開心 唔知你會唔會
但係只要你肯去試 你就會發現要開心一D都唔難
但係要唔開心都好容易
可以因為食得太飽而唔開心 幫到人幫唔到自己唔開心
見到個小朋友咁可愛自己妒忌唔開心 見到人笑自己唔開心
其實好既野都可以俾自己搞到變得唔好
只在乎我地點睇
睇咩野事物 對事物既睇法
都會因為我地既心情而改變
我知道好難可以成日都選擇事物既正面黎睇
但係響我地控制到既範圍下 我地應該盡量
避免用灰暗既一面去睇 對嗎 :]
人地唔起眼既野
可能我會覺得好重要
每個人既價值觀都唔同
我好希望 我地會有一個交接點
咁樣我就唔會做一D你唔鍾意既野
同樣 你做既野我都唔會唔滿意 :]
呀哈哈哈哈哈 :]
今日真係好開心啊
我地去左家長教師會搞既旅行呀 KEKEKE
勁好玩
開頭要行O個個家樂徑以為會好辛苦LA
點知勁爽WOR 出左一身汗勁美好
不過死牛西D X好煩呀 周圍都係
又有羊仔&兔仔&狗仔睇呀
嘩餵羊食草好好玩啊
不過佢地好慘呀 俾人困住響個籠度
隻狗狗最慘呀 佢勁大隻GAMA
但又困左響個連轉身都難既籠度
點解人總係要將最好既俾自己
唔好既俾人地呢
雖然我自己都好自私
但係我係一定唔會虐待動物GA WOR
同埋即使我唔會對其他人好好
我都唔會將最唔好既野俾佢地GA
咁樣的確好差GA WOR
即使係動物 都唔應該咁樣對佢地LA
唔通人真係萬物之靈咩
就算 人真係比其他動物叻
都冇權剝削佢地既自由
去成全自己 去增加自己既利益
況且 我一直都唔覺得人比動物聰明
有時我地所謂既進步
其實可能都只係會令到自己踏入一個陷阱
有時 動物的確比人類更加識得把握智慧
有時 動物的確比人類更加配得做萬物之靈
哎呀有好多功課好多功課好多功課呀
唔鍾意修ART呀
我唔想講LEE句 但係事實係 我的確後悔修ART
其實我唔明白 點解畫畫要有咁多功課
多功課唔緊要 我唔鍾意佢D功課係限住你做D乜
我唔鍾意有限制 我好想可以自己鍾意畫幾多都得 好想可以自己鍾意畫乜都得
有時佢都會俾你自己鍾意畫乜都得
但係如果你畫D野佢唔滿意
佢俾既分數係狂低囉
即係 你都係要畫番D佢鍾意 即係有限制既野 先會有高分
我唔鍾意咁樣 ART唔係需要自己創作GA咩
點解一定要係佢話既好就係好
難道我花既時間就要白費LA WOR
我之前都已經講過
修ART令到我好厭倦
我鍾意畫畫 好鍾意好鍾意
我以為自己可以鍾意到 有幾多功課都唔會覺得ART唔好
但原來唔係GA
或者我既鍾意原來冇我想像中咁多啦
又或者我鍾意畫既畫 同我修ART要畫既畫唔同啦
我相信係咁 因為我而家仍然好渴望可以每個星期六去陸生度學畫畫
但係偏偏 因為ART既功課 迫到我唔可以去學 冇時間去學
呢個唔係藉口黎GA
我的確好希望可以去學
仲記得之前我講過O個幅我仲未畫完既橙嗎
佢被我擱置左3個月 到而家都仲未畫完
我好想可以畫好佢呀
但係我都冇機會
我真係好憎上ART 我好憎修ART 我好憎ART
到而家我都唔可以再欺騙自己 話咩野既然修左 就應該好好咁做佢D功課
何況自己又鍾意畫畫
但係咁又點呀 唔代表我可以樂意去做功課
我好想DROP 但係我唔甘心 因為我用左一年既時間 心機
我唔想咁就冇左
唯有 咁樣 繼續 虐待 自己
有其他辦法 就係 嘗試 愛上 被限制 既 創作
我唔鍾意忽冷忽熱
我唔明白 點解熱左既野唔係一直繼續熱
如果熱左之後又冷 咁樣就唔應該再熱番啦
咁樣既折磨 我受唔到
我覺得 應該 將熱完又冷既野雪住
等佢一定唔會死灰復燃
咁樣就最好 :]
嘩太驚喇我而家
頭先我開電腦 竟然壞左呀
於是我就照番上次咁整啦 諗住一定要FORMAT過啦
點知整下整下 我真係整到WOR
D野響番哂度 咩都冇變過 我覺得勁神奇呀哈哈哈
家姐話我係電腦神童呀KEKEKE 勁懶醒TIM =]
我要努力D至得喇
我成日都係咁一時懶下 一時又勁懶乖咁狂溫書
搞到D MARKS好唔穩定
咦其實溫書都好睇心情JEI 又好睇溫邊科囉
如果要我溫BIO 我會好開心咁溫 但係要我溫PHY/MATH/A MATH
我會冇心機GA 會發哂脾氣
同埋呀 如果我心情勁好 就算溫D咩我都會盡量溫 盡量唔中途放棄
所以呢 我覺得D TESTS唔可以堆埋一堆 咁樣就一定唔會有心情溫囉
唔想發人脾氣 唯有發自己脾氣
即係 明知自己想做O個D偏偏唔俾自己做
格硬令到自己唔好過
係都要搞到自己覺得後悔
我成日都係咁
總覺得咁樣懲罰自己都幾好
起碼我下次唔敢再係咁
起碼人地唔會俾我鬧
起碼只係得我一個感到不快
你地唔好覺得咁樣好奇怪 其實我覺得
還掂都要唔開心 點解唔選擇 一個可以令自己記住
以後盡量唔再犯既方法
其實同自己鬥氣有時都幾好玩GA =]
嗯其實我愈來愈鍾意呢個HAIRCUT
話係小丸子 磨菇 蓋 低能兒都好啦
我鍾意咪OKAY囉KEKEKE
其實扮細路仲好玩=]
適應了 習慣了 就不會怕 對嗎
那麼 為何過了八個月 我還未適應 還未習慣 還會怕
好多時 被同一樣野打擊 慢慢就會變得麻木
鬥志亦都會因而減弱
唔係唔想再繼續奮鬥 而係已經唔再可能
今日教既敬業與樂業
我覺得講得好o岩
的確 其實只要我地肯去樂業 我地就唔駛苦住口臉去做我地既野
但係咁樣 已經好困難
先入為主已經討厭左一樣野 仲點樣去嘗試愛上佢
我覺得好難好難 始終我係一個比較偏激既人
唔鍾意既野我會距離佢勁遠
咁樣 仍然要去嘗試嗎
我知道點樣都要試GALA
我根本就無權選擇 自己決定左既野
唔應該後悔
GLOOMYAN提醒左我 所有野都係我自己話要先既
呢個決定係我自己選擇GA
我忘記左我之前所表現既一切熱衷
而家我回想起 我諗我應該要回復番O個個 好鍾意 斬釘截鐵話要修ART既我
咁樣起碼令自己畫得開心D
=] 好開心 我又再一次搵到我應該行既路
多謝GLOOMYAN & 傻1 KEKEKE=]
更開心 因為我覺得同你愈來愈近=]
即使知道左個事實又點呀
唔係自己親眼聽到 唔係自己親耳聽到
我地就唔能夠真係相信
我地始終會有D猶疑 有D掙扎
如果事實係咁 點解我唔覺得 點解我會感覺唔到
如果人地講既係真
咁我係咪應該相信 難道我心入面既掙扎就係錯LA WOR
好多時我都係需要真正感受到
我先會毫無保留既相信
我覺得好開心 因為原來令自己愛上修ART一D都唔難
原來以MISS HO既準則黎畫畫都唔係咁悶
原來鍾意畫畫 係應該咩野畫都鍾意畫
原來我都可以鍾意畫任何既畫
原來做功課都可以咁開心
我覺得呢種態度既轉變好好呀
令到自己可以咁開心咁做功課好好呀
我唔會想DROP ART喇 雖然令我D成績狂跌
但係唔修都唔代表我會溫書GALA=]
我會再嘗試更加鍾意ART
快D同我講聲加油啦
*加油* 多謝=]
如果LEE個世界有絕對既黑色
我諗我一定會好鍾意好鍾意
因為我既鍾意黑色 又鍾意絕對既野
我唔鍾意灰色地帶 唔鍾意尷尬曖昧
我鍾意所有野係好就係好 係壞就係壞
可唔可以唔好有D夾響中間 模模糊糊既野
我鍾意愛恨分明 我唔鍾意是非不分
我鍾意分得清清楚楚 我唔鍾意拖泥帶水
我鍾意肯定 我唔鍾意猶疑
我好希望所以野都係絕對 咩野世事無絕對 好煩
做咩唔可以係就係 唔係就唔係
我唔覺得無絕對係好WOR 一D都唔好
雖然可以用黎安慰人 但係既然開心 點解就唔可以絕對開心
同樣地 唔開心都唔可以絕對唔開心 咁樣好痛苦WOR
難道每次開心時都要怕 唔開心時又要怕
如果咩野都係絕對 的確好好
起碼開心時我會絕對既開心 唔會有任何保留
但係我唔開心時亦唔會覺得有咩問題 因為LEE一刻絕對地唔開心 唔代表下一刻我唔可以絕對地開心
世事都絕對既話 呢個世界會少好多無謂既掙扎 無謂既爭論
所以 絕對的確比曖昧好
黑色 係呀 係一隻好深沉既顏色
我就係鍾意 黑色既O個種神秘既感覺
好似你望得耐會吸左你入去 又或者你會響最深處見到異象咁
我成日都覺得太接近黑色會有D奇異既事情發生GA
點講呢 即係如果有一幅好大幅 黑色既畫/牆
我會唔敢接近GA囉
我覺得佢係有靈魂
我覺得凡係黑色既物件都係最吸引
我覺得 最鍾意最鍾意 最無私既鍾意一樣野既時候
你係真係唔會想擁有 遠遠咁去望住 已經好滿足好滿足
唔敢接近 一接近就會心痛
就算連望一眼 都會心痛
呢一篇係第100篇既日記
原本諗住寫D特別D既野 但又發現唔係咁值得
始終呢100唔代表D咩 都係照番平時咁算LU
不過就發覺 原來我都寫左三個幾月LU
嗯我好鍾意養動物GA
我記得細細個既時候成日養
養過五隻倉鼠 四隻兔仔 兩隻巴西龜 N條魚 同埋幫人地暫養一個星期狗仔
每一隻動物都唔係好養得耐 有D死左 有D俾左人
而家唔養 係因為我冇時間 而且我自問唔係一個有耐性既人
除左養貓狗之外 養D咩我都係比較冇耐性 懶
所以我而家都唔想再傷害多一條生命
有好多次 經過一D寵物店
我好有衝動買佢地番屋企養
但係我怕自己又再令佢地受苦
我應承過自己 我一定要好肯定我會對佢好好先養佢
其實我知道如果我養狗/貓既話
我一定會好俾心機時間精神陪佢地
但係我MAMI又唔俾我養 所以最終都冇得養
我記得有一次 我養左兩隻小露寶
係堂哥送俾我既生日禮物
佢話唔想一隻咁孤獨 所以就買兩隻
我好認同佢講既說話GA
但係點知有一次我見到佢地兩個打架
打到流血
我即刻分開佢地
我唔明白點解佢地要咁樣做
我以為佢地唔鍾意自己一個
我以為佢地會想有個伴
但係原來唔係GA
我唔可以知道佢地點諗
又有一次 我養左一隻賓尼兔
養左兩日佢就死左
我好唔開心 因為我睇住佢死
我睇住佢伸起隻手掙扎
但係我救唔到佢 我睇住佢 睇住佢辛苦 然後睇住佢死左
我完全想唔到佢會咁快就離開我
我好怕 於是堂哥就帶我到樓下既草叢 埋葬左佢
我唔知道咁樣有冇用 我唔知道佢會有咩感覺
我以為我俾佢一個舒適既地方住 俾佢好多既食物就會令佢開心
但係原來唔係 我始終留唔住佢
佢需要既我未必俾到佢
以為佢會好好咁生活 點知佢連基本既快樂都搵唔到
我好想可以知道佢既諗法
我好想可以救番佢
直到而家 我都冇忘記過
為何總是這樣 進了又退 退了又進
難道我付出的還不夠嗎
我不以為
我只知道 只有微弱的FORCE
但有大得很的FRICTION
仍然是沒法再進一步的
有一樣野我好叻 就係懶醒 扮乖
由細個已經係咁
好鍾意人地讚我乖/叻
成日都做好多野去令人地讚我乖
仲記得我每個月都總會有幾次 好懶係乖咁狂做家務
每次聽到MAMI讚我乖時 我就覺得即使做到一身汗都係值得
我唔知自己點解自己咁鍾意人地覺得自己乖/叻
我記得有一次TOTAL話係因為我唔叻
我到而家仲好記得
因為我覺得佢講得好O岩
的確 我覺得自己唔叻 又唔夠乖
我成日都係咁 以為自己好有自信
但其實又唔係 一時時囉
成日都會覺得自己好蠢
蠢都冇乜野
最唔想既就係我冇自控既能力
我成日都覺得一個叻既人 係應該好冷靜 處變不驚
無論發生D咩野事都可以好從容咁面對GA
偏偏我做唔到 我做D咩都好衝動
有D咩野唔合我意就發脾氣
令到身邊既人都好無奈
至於乖 我又唔覺得自己唔乖既
不過唔知點解我好鍾意乖LEE樣野囉
人地話我乖我會好好好開心
但始終覺得自己唔夠乖
仲想再乖D
=]KEKEKE酷愛
