今日起身好支力呀，不過上marketing時都ok比心機架！派左第一份test，係我o係中大第一份收到o既paper呢！今次marketing我無比心機考呀，所以個分過唔到mean…80幾係最高分，最低就係53…我有68呀，不過mean係72.8，仲爭少少！下次一定好努力呢∼不過我下一次test岩岩好係NABA第３次pre諮之後o個日呀！我真係好怕自己又會再考得咁差！！！唯有功課同project做好ｄ拉下分啦！

　　上完marketing之後就上中文，上堂之前我同同學同左４個字就搞掂左我地個lunch喇~哈哈~之後上完中文就有一堂free，我地返左hall，不過我就用左呢個break黎hae左半個鐘囉∼唉，無咩心情讀書添！之後PE，我仍然做唔到屈臂懸垂…一秒都唔得呀，點算好？之後跑２個圈+快行一個圈，我跑到個半之後肚附近就開始痛，痛到頂唔順就唯有行埋o個個半圈去…唉，老師話我橫隔膜缺氧呀！我ｄ體能真係好差呢！T^T

　　好支力咁返hall，之後晚飯Melody準備煮左大部份野…同到佢一齊住真係我o既幸運囉(其實我一早都估到會係咁…)，ｄ"食送"佢又成日係屋企準備好晒，地又成日都係佢抹，每個星期仲要幫我拎ｄ衫落樓下洗…好唔好意思呀，不過我又唔知可以做咩…今個星期我要爭抹地先得！！

 

　　今日朝早返學前係車站見到大組長…好驚喜呢，無諗過會係個咁o既地方同時間見到佢呀∼不過因為佢黎到時架車已經full左，所以佢上唔到車呀∼隔住個窗見到佢（佢見唔到我），發現原來大組長真係幾型幾有魅力…哈哈，我唔可以變成另一個莊員朋友仔呢，唔會會比人笑呀∼^^”

　　今日上左account tutor，個TA仲惡過Andy，唔多鍾意佢呢。之後返左hall整左個忌廉汁長通粉，估唔到自己竟然會自己整野食（雖然係超級簡單…）而唔係求期沖個杯麵食算…哈哈，我覺得係好開始呢！（？）食完搞左一陣新日記簿就去左上econ，今次成堂掛住同同學仔傾計，所以唔多聽到頹基講咩…唉，今日教ｄ野岩岩去到AL Econ程度，我未學過架！又要自己睇番添……

　　好慶幸而家我無入到中大/新亞辯論隊，聽講佢地而家ｄ training好harsh又好辛苦，又要成日通頂，ｄ人又嚴，好彩我作左明智決定o者！辯論呢ｄ野都係唔岩我架喇，都係留番比喇X呀堅X　ｄ人玩啦∼而我就要專心一致為NABA服務！^^ 聽日BB佢地有Debate打呀，今次係o係九龍塘比賽，唔知聽日我去唔去得成探佢地呢？

 

　　今日本身已經無咩堂，今朝我連唯一o既major都走埋，真係頹上頹…今朝走左1,2堂，無起身上到Marketing…無辦法啦，咁之前一晚２點幾先訓，朝早眼訓丫嘛，邊有精神上堂喎…況且上左都唔明架喇，不如自己係房讀仲好啦…(開始多藉口)…結果訓到十點幾，之後食左晏就開始做account。今次我好乖呀，好早就做起，亦都無抄人架∼^^ 做完畫左一陣NABA logo就夠鐘上書通，今次個topic都講得幾好，所以全程我都有留心呢∼上完書通就返左hall，今日我同同房朋友仔宴請好友一齊係志文食飯，４個人有３”食送“一湯，都算係咁喇掛∼^^ 食完飯我就去左知行溫書，不過因為聽日考o既econ我已經係４年前讀過，所以半個鐘已經溫好晒lu∼感覺真係好好呢∼好慶幸自己當年揀左econ！仲要多謝E. Wong呢！

　　今日朋友仔生日，我地好似好耐都無試過咁耐都無見過面喇！;-( 好想搵日同埋其他人一齊同你賀下佢呀∼∼∼快ｄ考完mid term就好lu…

　　琴晚發左一個夢，夢見我+大朋友+同房+同房男朋友(夢入面係一個外藉人士!)+黃秋生+曾志偉+余文樂一齊去睇《無間道２》…其間我地仲蕩失路，又比我係戲院入面見到NABA現莊o既其中一個莊員，內容極之無厘頭呢……我諗我可能潛意識好想去睇《無間道２》……

　　今朝我同同房朋友仔都起唔到身，明明較左鬧鐘７點起身，不過最後我地拖到７點９先起到身，之後用左４個字去刷牙洗面換衫整早餐∼哈哈，最後都準時到達圓廣呢！今日我係新亞院慶Happy Run o既EC，負責行李寄存個counter！其實我都想想地跑架，尤其係見到組爸組媽同朋友仔整裝待發準備出發時，真係有ｄ後悔自己無報名呢…但係無辦法啦，我晏奏要考ECON，如果真係跑左７公里先去考，我怕我會支力死！！結果睇住６百幾人由新亞書院朝住威爾斯親王醫院出發，唯有希望下年自己有時間去跑下啦∼今年最快o個個跑左２０幾分鐘就到左啦，平均４分鐘一公里，好勁呀……

　　做ＥＣ做到９點半就收得工，之後我就返hall洗左ｄ碗同拖左個污糟地，hae左一陣之後已經收到朋友仔電話話佢跑完lu，真係好犀利呢！煮左lunch同朋友仔一齊食，之後我地就一齊落左去sci centre考試…１個鐘１５分，份卷就幾易，半個鐘已經做晒兼check埋，做完因為太眼訓，仲趴左係度訓著左…點知考完一對答案，竟然錯左好多…唉，我同呢一科真係好無緣，我仲記得會考時我對於econ好多野都明明好清楚好明白，不過考出黎成績就麻麻…咁當時當然覺得無所謂啦，我又唔係真係讀左好耐比左好多心機，而且我讀理科丫嘛，econ又係屋企人叫我先將就下去讀；點知而家又係咁，明明識做，明明check左卷，都仲可以錯埋ｄ無聊野！真係激死我喇∼我而家呢個分數一定係below average啦，個個都錯得o個１題２題（有５０題ＭＣ），我錯左咁多，真係……唉…好灰呀……考完就去左med can傾pro，〔順帶一提：今日終於食到馳名o既檸檬pie，果然又真係幾好食，不過我就覺得佢似檸檬蛋糕多ｄ，唔知點解會叫做”pie”……〕今次econ project我又係負責powerpoint…唔知幾時開始我次次做project都係負責呢ｄ post，但係我明明係電腦白痴喎……傾完之後就返屋企，返到小西灣時已經６點幾lu，今日無帶遮，所以最後都淋濕左…唉……

　　我覺得我地而家好多莊o既野o既進度都好慢…個人黎講我真係好擔心…唯有自己努力ｄ，有理無理都出多ｄdesign先算啦…唉，會唔會趕唔切架？好擔心呀！=.=”

　　今日係朋友仔同占美組爸生日，大家都２０歲喇∼好老呀∼>:D

抱著一切的期待　被社會現實的一面淘汰
再發現時間不為我等待　我需要自愛　對自己交待
多麼辛苦都忍耐　只想給自己美好的未來
卻發覺不知如何渡過現在

所以我得選擇　要傷心或快樂　要自信或自責
問自己要甚麼　就算不知未來會給我帶來些甚麼顏色
就算失去一切　至少我有個選擇

陳文媛 《選擇》

要積極向前呀！

　　呢排心情麻麻，因為太多野想做，太多野要做，不過又有太多野未做…我已經好耐好耐無行過街唱過K喇！點解而家會咁忙架？忙莊務都唔緊要，因為我鍾意呢個莊，而且做ｄ野又係我自己鍾意，辛苦ｄ都唔怕；讀書追唔上先係我最驚…而家壓力好大，書又跟唔上，功課考試我又應付得差，真係好無奈……太多野要做，情緒變得好差……不過我忙係唔會變得煩躁架，只會自己情緒變到好down，所以應該都唔會傷害到人，大家唔駛驚…

　　無咩想講，唉…連朋友仔生日都無時間買禮物（更加唔好講畫野），又無時間+mood搵番ｄ舊朋友，真係由心覺得自己好冷漠…本身都已經被動架啦，而家仲變本加厲添，我覺得自己好衰仔囉…

　　今日全日都幾眼訓，上一鍾econ訓左半堂，之後難得上stat，點知唔係教書，純粹比我地問問題…半個鐘就放學囉……全日上堂時間只有１個鐘，但無咩都好似無學過咁…今日我到底做左ｄ咩呢？

　　夜晚同同房朋友仔竟然創造左一個好好味ｏ既“咕嚕肉”(→)，好開心呢∼呢個簡直係我地煮食送o既里程碑！之後幫大朋友仔手整ｄ野整到好夜…雖然已經好支力，不過唔知點解我又好精神，依然好有心機做落去∼如果我讀書都有呢份魄力，咁就好喇…

　　天氣涼左少少，大家記住著多件衫呀∼

　　今日凍左好多，尤其係中大新亞，ｄ風真係勁到嘔，搞到我好似已經去左１１月底咁，真係幾凍呢…聽日唔知更加會係點……

　　今日成日都好眼訓，marketing訓左一堂，我都唔想…=.=""，之後中文反而好比心機上，然後就係PE，雖然今次跑都痛，不過情況比上一次好，係一大進步∼

　　見到CCBA o既table stand，佢地件莊suit都幾?，不過個table stand就頹左ｄ...NABA o個個一定要靚過佢地o個個呀∼好想快ｄ考完mid term，全心全意做莊野呀！！！

　　聽日考ACCOUNT喇，不過我到而家都仲未開始讀，有Ｄ擔心…不過有大朋友仔支持，我一定會好比心機讀架！！

 

　　今日好開心，全日只係上左個半鐘頹基，剩番ｄ時間我都奉獻晒比account，全日好努力咁讀讀讀！今日上頹基我係第一次咁專心喳，無程無訓過覺，仲要聽得明晒佢教ｄ野…而家econ我覺得幾有趣呀，學ｄ野都好得意呢∼呢一科成為左我現時最鍾意o既科∼！（不過上堂唔排除依然會怒訓∼！）

　　讀到５點左右，我已經開始煮飯，拿拿聲食完就去Lady Shaw考Account。今日唔知係唔係考ACCOUNT吉日，我呀sir同人地miss都係同時間同地點（不過唔同班房）開考，考場一片人頭湧湧，真係有好考AL o既feel∼入到去之後已經派左卷，個半鐘時間岩岩好，long quest都OK，balance到已經好開心；ＭＣ反而仲難，有Ｄ都唔係太識∼考完已經８點半，原先打算趕返房溫Stat（聽日朝早１０點半考），點知返到房之後同左同房朋友仔出左去ＵＣ大笪地行下，一行就行左成個鐘！哈，有ｄ”括”左去出o既感覺……不過今日收穫都ｏｋ架，我同同房各自買左一個筆袋同耳環，成為左我地o既”房飾”呢∼哈哈，呢ｄ野係志文５１４先有架喳∼嘻嘻∼

　　最後返到宿沖埋涼再hae下已經12點，溫到１點我已經頂唔順左去小休，２點半再起，點知到左３點又再訓過…大朋友仔第２日都要考試，大家都要捱夜呢∼T^T mid term唔該你快Ｄ完啦！！　

　　今朝同大朋友仔一齊都係6點起身（換言之，我訓左３個鐘又要起身），可惜我個鐘響左我又訓返，最後要大朋友仔打黎我先起到身……起完身，純粹抄晒ｄequations入一張紙（可以帶入試場），之後又再頂唔住訓過…其實d　equations抄左都無用，因為我都唔知點解，咁又何來可以用到佢而做到數呢？最後８點又要起身上中文，之後即刻落CC考試，份卷個半鐘，我9個字已經做完…做完我識o既部份之餘仲撞晒我唔識o個ｄ，可想而知我識答幾”多”……之後9個字我都係度扮check卷，其實係訓覺（因為見到無人訓！）∼今次考得好差呀∼唉∼不過我都唔識，一晚又點追呢∼？不過終於考晒mid term，心情都特別好∼所以之後就同左大朋友去食飯，仲爭ｄ返唔切上PE呢…不過今日PE都勁輕鬆，學左D健身儀器點用喳，勁他條呢！之後成個下晏都係度執房，然後同同房朋友仔煮左好多食送，食完又傾左好耐計，之後就去左搵現莊出版拎Ｄ資料，之後就返屋搞莊ｄ野啦∼哈哈，考晒mid term好開心呀^^（不過final唔知點死∼）

　　今朝又起唔到身啦我…哈，本來７點９醒左架喇，不過自己衰囉，又訓返落床，卒之８點４先再醒……咁我呢ｄ係好學生嘛，點可以遲到架呢？咁咪索性唔到囉…星期５ o既marketing我走堂o既機會率不嬲都係繼星期４o既statistics之後最高o既一堂，哈哈∼（基本上我次次走親都係呢４堂…）

　　成個星期５晏奏都勁free，傾下電話做下功課就hae完，之後上書通，我地成班女仔就不停問呀Ｐ拍拖ｄ野…哈哈，佢真係一個好特別o既男仔黎架，又識做手工仔又識化妝仲識煮飯，真係好犀利呢…希望佢早日成為唔知「全方位」定「無定向界女王」啦……^^”上完堂之後就同朋友仔去左百佳入貨，之後就返宿lu∼成日都好free呀，好開心∼∼^^

　　聽日開會+買莊suit啦，好期待呢∼

　　今日支力死啦，第一次開GM，因為唔想遲到，所以就勁趕咁行行行，最後都趕得切２點９去到開會，好彩喳∼我地由３點開始一直開到７點幾８點，之後就去左沙田買莊suit…可惜睇左好耐都睇唔岩…唔係同人撞左就係無咁多貨唔岩色etc，最後都係空手而回∼最後１２點先返到屋企，已經好支力呢∼尤其係對眼，戴左１４個鐘con，真係有ｄ痛∼雖然仲未買到suit，不過已經傾左唔少野，定左莊名定到PIC，好開心呢∼所有莊友大家都要努力呀！！！

　　今日hae左一日，同屋企人去左買床上用品同鞋，畫下莊logo咁又一day lu∼有時覺得每個星期返屋企一次都無咩mood讀書，感覺有ｄ似渡假咁∼唔知咁係好定唔好呢？

　　今日拎左好多野返學，好在唔算好重喳，就當係練o下體鍛囉∼走左stat堂，點解佢今堂竟然派卷，唉，比人發現左我走堂添，灰爆∼而且雖然我仲未收到卷，不過都有預感自己會係全班最低分o個個…無辦法啦，呀sir話全班得3個人低過55分，但係份卷full mark係90，我有一題２５分唔識做，而且我真係無可能錯１０分咁少喎…由此可見，我絕對係５５分之下ｏ既人…好灰囉…好難接受呢個現實，有ｄ想死……=.=llllll

　　夜晚係知行開會，我o係最後一秒先跑住踏入conference room，好在無遲到o者…今晚傾左好多野，好開心呀∼傾完返到宿畫畫下logo又突然好有靈感，幫每個莊員都design左一個logo…哈哈，做呢ｄ野我就會好精神好開心呢∼唉，不如我唔好讀BBA罷啦……

　　今日上左４堂再直落PE，跑左半條環迴半路，好HIGH唷…之後就約左成班莊員就出左去旺角，先去Mastina睇款，再去兆萬訂suit∼好開心呀，終於訂到喇，仲要有得度身做，好正呢∼下星期一就有貨啦，哈哈∼

　　而家日日都見到ｄ莊員，感覺上同佢地熟左好多，相處得都好開心∼希望之後一年大家都會咁融洽啦！唔要有暗湧唔要有內訌呀！！為左ＮＡＢＡ，大家都要努力呀！^^

　　今日派左Account卷，個分係mean個分左右…已經係我咁多卷成績最好o既一份lu…econ就同我之前所料一樣,就係我個分應該係全班尾5左右…唉…唔知講咩好…聽日仲要收stat卷…我怕我受唔住打?……

　　夜晚同同房朋友仔傾計hae左好耐,始終都唔係讀左好耐marketing,唉…不過一讀又眼訓嘛,無辦法啦~