2003年5月
|
＊５月２日早（五） 為何難啟齒 但偏偏想你知 ＊
|
|
|
今朝７點半就比細妹嘈醒兼起埋身，都算係我咁耐以黎最早o既一日∼琴日係五一勞動節，亦都係我一生人第一次出糧（i.e.賺到＄）o既日子！其實我以前都試過收到著數又或者慳番＄（譬如幫現代拍廣告就賺左／慳番４位數字學費），不過真真正正o係人地手上因為自己努力而收到一疊現金就真係第一次！本來以為自己收到＄o個一刻會好感動添，點知都係開心多ｄ！^^返到屋企我就將ｄ＄比晒媽咪lu，原先我亦都以為呢一幕會好感動架，不過亦都係開心o既∼我同爸Ｂ媽咪講，不如羅去食餐勁喇，之後又話不如等我拎去買ｄ野比你地啦，然後我又提左出好多好多唔同駛呢一筆＄o既方法……最後ｄ＄當然係原封不動啦∼只係區區幾百＄，又點做得咁多野呀？結果媽咪就話幫我keep起佢，費事我亂駛喎∼是但啦，反正我又唔等＄駛，咪比媽咪keep囉∼賺到＄，第一時間都係想比屋企人，因為我真係好錫屋企o既∼^_^不過當然啦，有一個朋友仔我係好想請佢飲野架，因為佢賺到＄都第一時間請我∼我要快ｄ同佢分享我o既喜悅先得（雖然我到而家都無＄落袋）∼媽咪同我講＄唔易賺，不過我今次又唔覺……可能係我好彩掛？而且對於我黎講，教書或者解答問題不嬲都唔係一件辛苦事，而且又唔係未做過，呢ｄ野次次都做都無＄收架啦∼咁今次唔辛苦又有收入，所以真係覺得好爽∼=)
我要繼續努力比心機∼！by the
way，今日係會考第１日，希望我識得o既所有要考會考o既朋友仔都同我一樣繼續努力比心機，醒醒定定，考番個好成績啦！ 一陣間同朋友仔佢地去行山，雖然就遠ｄ，不過好耐無見佢地喇！真係好掛住∼終於考晒ＡＬ，我地就終於可以名正言順咁一齊去玩喇∼^^之後今晚要去「Beyond超越Beyond
LIVE 03演唱會」，其實我從來都無諗過自己會去睇架，不過竟然有人請plus買埋飛！講真我都有ｄ擔心自己去會格格不入，雖然好多beyond
o既歌我都聽過，不過我又唔係佢地fans，而且，佢地ｄ歌我係唔識背架！除左「情人」，「海闊天空」，「真的愛你」呢ｄ歌係真係識背之外，好多歌我都只係聽過喳！我怕今晚坐我附近ｄ人睇到好high會企晒起身跟住唱呀叫呀，而我就完全跟唔上，依然好冷靜咁坐係度！=_="" 噢∼咁我應該點算呢？？
|
|
|
＠Dream Laboratory＠ |
|
＊５月３日早（六） 去到多遠 我要銘記我起點 不會變 ＊
|
|
|
返到屋企，已經到檯面有一封科大o既信……於是我就一路嗌「 interview 呀 interview 咁」拆開封信（當然，我都係估下o者），點知一睇，原來真係UST BBA o既interview！跟住我一睇日子就覺得唔對路……５月７日？原來我５月７日要考中文oral呀！我真係唔敢肯定假如我２點半開始係清水灣interview，５點究竟趕唔趕得切去考oral！太危險喇，咁博我情願唔去，反正UST BBA都唔係我杯茶，係屋企人鍾意BBA我先揀之嘛∼於是我就暫時無理會佢，準備沖涼換３食飯出門口！ 結果７點半我就已經到左紅磡，不過因為有太多人，所以一直都會合唔到朋友仔∼後來搞左好耐我地先入到場！其實我有ｄ後悔無帶相機架，就算我知影唔到ｄ咩我都想影……不過算啦，反正我永遠都會記得呢場concert，將一切片段留係個腦度咪仲好？到左後期大家都超級興奮呀，雖然beyond好多歌我都唔識背，不過我就fing左足足３個鐘熒光棒！好彩我附近ｄ人都幾high喳，因為我見到有幾段ｄ人好似無咩反應咁，又見唔到有人fing熒光棒喎，一定好冷清！琴日全場爆滿，可能係星期５晚掛？全晚我最深刻o既當然係全場起晒身一齊大唱《抗戰２０年》一齊睇住家駒重現舞台o個一幕啦！雖然效果唔係好逼真，不過個感覺真係好似有４個人一齊jam歌咁，真係感動架∼而另一幕就係beyond佢地坐係昇降台上，全場一齊唱《Amani》…你有無見過成個紅館ｄ人一齊各住同一個方向企係度做和平手勢呀？o個一刻真係好難忘！！唔知點解o個時我真係好似聽到家駒o既聲音（我分到佢地４個把聲架！），可能呢ｄ就係beyond最令人感動o既精神！最後個show係全場大叫encore又再encore之後o既１１點半先完，之後我１２點半就返到屋企（真係好彩），再次沖完涼就訓左lu。呢個時候我個腦依然聽到beyond
o既歌聲，一直係我個腦度係咁播係咁播！〔琴晚返屋企時好唐突咁打比朋友仔，不過無辦法啦，因為條路真係好得人驚！希望佢唔會介意啦！^^〕 今朝一起身，全身都發痛，首先已經曬到個鼻甩晒皮，仲要ｄ手腳同膊頭ｄ關節唔知係唔係因為郁得太頻密同太多，今日我都痛到唔敢太大動作！雖然到左而家仲係好支力，不過我覺得一切真係好難忘！ beyond，始終都係４位一體！
問句天幾高心中志比天更高 《不再猶豫》 |
|
|
＠Dream Laboratory＠ |
|
＊５月４日晚（日） 假如動心 假如認真 不如就早婚？ ＊
|
|
|
琴日一起身就打去科大轉時間interview，點知撞到一個無咩禮貌o既女人！佢個款好似唔得閒同我講野不特止，我連手提都未留佢就收左我線啦！好心啦，今時今日有工你做已經偷笑喇，枉你o係係香港其中一間最高學府做野呀，乜得你咁無禮貌架？好趕時間咩你？車，好叻咩？我真係唔恨讀科大BBA呀！哼哼哼∼
今日先送生日禮物比朋友仔，但願唔算太遲！^^聽日要返學練oral呢！仲有，聽日係......^^
|
|
|
＠Dream Laboratory＠ |
|
＊５月５日晚（一） 只是那種溫柔 再也找不到擁抱的理由 ＊
|
|
|
晨咁早比人嘈醒左，先知道原來今日掛左紅色暴雨警告訊號！仲打算今日返學校練oral添，我後日要考試喇！我估我都應該係練唔切架喇，算啦，反正oral呢ｄ野好睇對手，都係順應天命罷啦∼留係屋企睇下書整下homepage咁又一日，呢ｄ日子真係幸福！^^今日全日都落住雨，時大時細，個feel真係好好∼唔知點解呢，由細到大我都係鍾意落雨多過好天，而且我覺得落雨比到人一種淡淡o既憂愁，仲好浪漫添！（哎呀，好無聊呀可？）落雨o既時候我o既情緒可以有好大o既起伏，會有好多野諗；不過因為太多靈感，到頭來反而會咩都寫唔出呢！;p不過我依舊好鍾意雨天，如果可以唔停咁落就好喇∼到左夜晚王老師打電話比我，超緊張呢∼^^"我今朝先send
email比佢喳，仲以為今次實練唔成添，點知佢咁快就覆我！最後約左聽日返學……yeah∼有得返學喇！到左而家打電話比王老師我都係仲有ｄ驚呢……哈哈，王老師真係好有老師o既威嚴！ 今日睇左一章文章，好大機會解釋到點解呢排我成日都頭痛（有興趣咪睇下囉→ 由今朝開始就見到你online，non-stop咁on左成日呢！係唔係因為落左一日雨，所以唔出去玩？我想問你架，不過......^^"唔知我留o既口訊你睇左未呢？ |
|
|
＠Dream Laboratory＠ |
|
＊５月７日早（三） 我會掛念你 當星光優美 ＊
|
|
|
琴日又係好充實+支力o既一日！一起身就返左學，練oral練到１點幾。因為４點半要幫人補習，費事返屋企再出過黎，所以練完之後就同朋友仔去左做我地最鍾意做o既野∼^^之後就幫人補習，到左１０點幾先有得返屋企沖涼食飯喳！夜晚朋友仔打比我話佢o個邊好黑好得人驚，叫我同佢講一陣電話…好明顯就係戲弄我啦…最多下次比人打劫都唔打比你囉……>_<"'
呢次補習補得唔錯，比起上次好好多呢！２個伯母都勁客氣，不停咁多謝我，仲不約而同咁問我留唔留係佢地屋企食飯！真係好好人呢∼仲有今日係學校撞到Ms
Lam，佢話小妹妹話比佢知佢明左好多，佢媽咪又好開心…聽到之後我都覺得好開心呢∼我o既辛苦（雖然唔多）總算無白費lu！得到小妹妹肯定同Ms
Lam o既信任，我真係覺得好開心∼！^^ 琴曰係學校仲睇左ｄ 歷年UST
BBA interview問o既問題o既list，睇完之後只係覺得自己今次死梗！！條條我都唔識呀，仲要用英文答喎，點死呀？要諗方法去令經濟復甦、要對香港business做評論、要比較其他國家同香港o既經濟環境……咁鬼難架……真係唔多想去in！我怕in得唔好之後反而入到o既機會仲細左！:p 琴日練oral，王老師話我地有ｄ不在狀態，其實我都覺得自已係！太耐無試過咁認真去討論一ｄ題目喇，突然之間有ｄ上唔到手添！而且今年ｄ
format大改變，考個人短講都要戴口罩呀∼我一直都打算用我o個ｄ呃得下人o既笑容去比marker錯覺以為我唔緊張丫嘛，而家係人都封晒成塊面，真係連打喊露或者食香口膠都無人知！小組討論大家又坐到無雷公咁遠，遮實晒塊面真係連邊個人講緊野都可能分唔到；就算我想講野都可能無人feel到喎……呀∼我唔要咁樣！>_<"
之後夜晚打比王老師，本來係代朋友仔約王老師聽日
oral ，點知王老師無端端竟然搭咀同我講「應該無咩問題，做番平時個水準得架喇」……o個一刻真係好鼓舞！搞到我收完線之後開心到we嘩鬼叫∼（其實唔知有咩咁開心，不過聽到王老師鼓勵，又真係好開心^^）王老師仲話考埋聽日就考晒，叫我番黎幫手打debate∼哈哈，乜我仲有得打呀？５月底先打聯中第２round，到時會考ｄ朋友仔都考晒啦，挽下手我地又可以再一次以舊年個陣容出場呢！太耐無打，真係有ｄ緊張∼打
debate 真係好好架，又學到野又可以增強自信，仲可以令校長記得自己個名添！（雖然係讀錯）今日比校長叫一叫，真係好唔慣…我差ｄ以為自已校服唔合規格！>:p
差ｄ唔記得，琴日係朋友仔o既２０歲大日子！終於２張野啦，哈哈∼生日快樂！ |
|
|
＠Dream Laboratory＠ |
|
＊５月８日晚（四） 總覺欠些什麼 教我確定這假定沒錯 ＊
|
|
|
琴晚無咩心情打字，又一直都睇唔到王老師５月７個oral
o既pdf喎……我真係好心急想知考成點呀∼不過可能之前o個晚真係訓得太少，我琴日直情成日都係暈下暈下咁，考oral時還好，有ｄ意志力頂住；到左考完，返到屋企，連飯都唔係太食得落，個腦隱隱作痛，到左１２點左右終於頂唔住，即返房dar落床先好ｄ喳！好彩頭痛呢樣野都唔算太影響我考試……我覺得自己考得ＯＫ啦……真係ＯＫo個隻ＯＫ喳∼本來個人短講應該係我強項，不過可能係開始時有ｄ唔慣，所以開頭個intro同我之前plan定o個講法唔用左……又唔會話甩甩cut
cut o既，不過就唔算出色囉∼好彩之後講番好ｄ，希望可以搭救下啦！我本來打算全場唔望card，不過最後都望左３次，仲要係３次都係頭一分鐘內望…我諗我真係有ｄ緊張……^^""
不過我一直都堅持要笑同要做動作，呢樣我就做到十足……可惜我唔知道o個２個marker
feel唔feel到我笑∼^^
２個男考官都幾後生，而且真係好有禮貌。佢地ｄ眼神都好和善，咁我都安心ｄ∼之後考小組討論，雖然我o個組得４個人，不過因為我係３號，所以都要坐中間，結果呢就成個討論我都要左擰右擰，真係好辛苦∼其他人講野都有紋有路，不過佢地好似唔多審題咁，明明題目話要「試達成共識」，咁我地８個人１人２個points，完全無overlap，當然要搵ｄ人妥協下，搵ｄ人綜合下咁啦；點知佢地又好似無咩意欲咁做，各有各堅持己見……最後到左得番３分鐘仲未達到共識，我唯有好盡力咁去引導其他人……其實我真係好想同大家講：「喂，我地而家目的係達成共識呀！各有各講無分架！大家一齊合作ｄ，做場好戲啦∼！」……好彩最後勉強都叫有共識，我諗應該無離題掛？^^ 今日一起身睇左一陣VCD就出左幫人補習，直落２場補到６點，最後仲用左１個鐘幫左個會考朋友仔最後衝刺補左少少physics（會考個syb真係好少呀！！）……嘩∼支力死∼今日除左早餐食左個飽之外到左９點先食有野落肚，雖然辛苦ｄ，不過今日又有糧出，好開心呀！第２次出糧，我賺到o既錢終於累積到４位數字喇，哈哈∼不過依然比左媽媽，係唔係好孝順呢……^^聽日要去UST
interview，我真係極度唔想去呀！今日聽同學仔同其他icq朋友仔講，原來就算你放個UST
BBA落到Band C佢都會in你架，只要你會考過左２５分同英文考得好佢就會約你做interview！嘩，好似好唔pro咁o既？我覺得個interview應該唔重要得去邊！而聽日肯定有好多會考過３０分o既勁人......ｄ問題難我已經唔識答架喇，仲要全場用英文，仲仲要作２０分鐘文添呀！自從考完UE之後我ｄ英文已經比番晒Patrick，好多野都已經唔記得喇！我真係100%唔想去，不過我媽咪又叫我有機會唔好side……其實應該都唔重要啦？唉，點解我會放UST
BBA做third choice架？放到Band
C都有得in，早知就放後ｄ，唔好side左個Band
A 位啦！！！ 今日做左個姓名測試 ( |
|
|
＠Dream Laboratory＠ |
|
＊５月９日晚（五）
現在做到的 無謂錯 寂寞簡單更多 ＊
|
|
|
問左幾個人，結果我今日終於聽佢地講鼓起勇氣，入科大送死！今朝我訓遲左，８點半先起身，最後早餐都無食就趕住出門口。我由柴灣坐車坐到寶琳，之後就轉巴士２９８坐到總站。唔知點解，一到寶琳我就有一種好熟悉親切o既感覺，可能以前都黎過唔少次掛？等巴士等左１０分鐘，其實我都有ｄ怕會遲到，不過原來車程只係２０分鐘！我……足足早左半個鐘到達呀！係邊個話要９點鐘出門口架？>:(
之後我就唯有放慢腳步咁行喇，好彩令到我咁早去o既朋友仔識打黎比我，咁我至無咁悶喳！之後都係早到左，去左登記之後都只係得我同一個女仔到左。我見到個女仔對我笑好似好nice咁，反正咁悶咁我就撩佢講野喇，原來佢first
choice係揀law呢（滴汗位１）……好犀利！同佢傾左一陣，我地仲講緊我地著ｄ衫好似太casual時（其實佢已經莊重過我），突然又有一個女仔到左……佢著左成套黑色套裝連黑色皮鞋（滴汗位２），個樣又好成熟，頓時我覺得自己真係真係好casual！之後我地３個入左一間房睇左個有關UST
BBA o既video，然後就再有一個著晒全套西裝o既男仔入左黎（滴汗位３）……睇完video之後我地就有２０分鐘時間作一篇文。人人都唔同，我o個條題目就係話「If
you were a car salesman, which car would you show to Nicolaus Tse?」，都幾易作，不過個女人明明話寫一版就夠，咁我就隔行寫左一版多ｄ啦，點知收卷時我見到其他人都無隔行，但亦係寫一版多ｄ（滴汗位４）……咁我唯有同自己講，呢ｄ叫「貴精不貴多」啦……之後我地正式入去interview，有２個男人in我地，一個係印度人，有ｄcool不過都唔算太嚴肅，講cool點都唔夠另一個男人cool。佢係華人，不過講英文就超好聽（仲好聽過Patrick！），又快又準，而且對眼好炯炯有神，眼神亦好凌厲，我諗佢應該都幾靚仔！（←
一廂情願地覺得）好鍾意ｄ男仔雙目有神呢∼^^" 整個interview大約有半個鐘，因為我係抱住「死就死」o既心態去in，反而完全無緊張，而且我勇於去講ｄ白痴野，所以做唔到最勁o個個我都１定做到最勇敢+最creative
o個個∼不過一路interview，我就一路發現其他人真係好勁…o個個想讀Law
o既女仔講英文同我講中文一樣咁快發音一樣咁標準（滴汗位５），而另一個女仔雖然講得唔快，不過就用字好靚，e.g. 有mature唔用會用sophisticated咁，相比之下我……唉T^T∼
最後in完左我地就被派去同ｄ
year ３學生傾計，聽聽下我都開始對UST
o既Business
呢個faculty改觀，覺得UST除左歷史唔久人地耐之外其他野都唔錯，環境又靚喎，都諗得過架！（如果人地肯收我o既話）之後到左點幾我就同我o個組個男仔一齊走，本身我就無咩意欲主動撩佢講野（怕嚇親人^^），不過可能個環境真係太靜好似唔知點咁，最後佢就主動同我傾計，結果我地就一路係科大蕩失路+搵路走，一路講番今日ｄ野。原來佢又係６Ａ
first choice係law
o既人黎架（滴汗位６），不佢同之前o個個女仔一樣都好好人，而且佢成日笑，縱使我見唔到佢個樣，不過睇佢隻眼覺得佢好無機心好細路仔呢（雖然佢個身著住西裝打晒呔），１ｄ都唔似係ＸＸ書院o既學生咁自負∼最後我地順利出到大門口，我就坐返２９８返寶琳lu∼因為朋友仔打電話黎話要同我食tea，結果我就被迫行左好多商場先dump到４點等到朋友仔放學……噢，隔左整整一晚＆半日先食野，１定好傷胃呢∼不過點知食完之後又飽得滯，結果就由杏花村行左一個地鐵站返柴灣！返到屋企，好慶幸自己有去interview，因為真係見識到唔少勁人，而且聽ｄyear ３講原來今日in我地o個２個人係o係出面請番黎ｄ
consultant，好似要１萬定唔知５萬人工１日！嘩，科大花咁多＄黎in我，梗係要去啦∼當遊車河都好嘛∼嘻嘻∼ 而家每一晚開icq就好似比人炸個account咁，幾１０個口訊咁飛出黎，有時我真係唔知邊個打邊個！夜晚同一個o岩o岩識o既朋友仔傾計，原來佢都有玩開debate，仲竟然估到我就舊年基本法o個場季軍戰個best
debater！（原來佢都有去睇）好犀利呢，又比人認得出，又識到debate朋友仔，嗯，好高興∼^__^ 琴晚發夢比老豆比人追殺，我仲幫老豆擋左３刀，一次又一次咁救佢出危險……呢個夢真係好緊張刺激呢∼夢裡面有好多我識o既人，而朋友仔係夢裡面依然係做緊佢平日最鍾意對住我做o既野---當我係受傷失落無晒意志o既時間支持我，拍下我個頭咁……好warm呢∼^^..
|
|
|
＠Dream Laboratory＠ |
|
＊ ５月１１日晚（日） 若我都 有分數 難道你便敬重我清高 ＊
|
|
|
琴日真正放假，全日係屋企無所事事，睇下VCD上下網落下街又一日！咁先似放假丫嘛，不過由於真係放假，所以無咩好寫∼ 今日一直都以為自己唔駛出去補習，所以一直都hair
hair下，點知小妹妹突然打黎，約我個半鐘之後開始補！咁我唯有拿拿聲食飯著３出門口，真係極之匆忙！上一次我應承左１個小妹妹下次教佢French
revolution，不過我完全未prepare……唯有係巴士上面勁讀勁讀咁！^^"我真懶惰呢∼
今日母親節，反而我同細妹無留係屋企陪媽咪。其實對我黎講我日日都咁錫媽咪架喇，雖然有時我係煩ｄ懶ｄ，不過我真係好愛佢架！天下間無一個人可以比父母更錫自己，唔知我第時會唔會都係一個好媽媽呢？:) （呢段可以唔睇）我朋友話佢今日去左佢個朋友間茶餐廳幫手，佢朋友又叫埋佢自己以前個女朋友去幫手，結果要我朋友招呼番佢以前個女朋友轉頭，我朋友就覺得好無聊，但係又驚比人話再嘈唔比佢食飯，所以最後只係敢叫我係呢度寫下。Elisa係呢度報導完畢，多謝收看。 |
|
|
＠Dream Laboratory＠ |
|
＊５月１２日晚（一） 沒有花 沒有果 但我記得他怎拒絕我 ＊
|
|
|
返左學，見左Ms
Lam，見埋星期３要開始幫佢補習o既小妹妹……我預見到眼前o既挑戰呢！今次我對自己能唔能夠幫佢抱有一定o既唔肯定，不過我知道，只要我同佢做到朋友，一切都應該唔難！對於中４o既chem同bio我都覺得唔難handle，而教人都應該唔困難，最難o既就係點樣佢先會聽我教呢？好大挑戰性呀，不過我會努力！而家開始我一個星期幫人補５日呢，真係有ｄ辛苦，不過都係開心o既∼今個星期好忙呀，星期二至四同六日total５日都要幫人補習，星期五又要山長水遠去中大……我覺得自己一點都唔似放緊一個悠長o既假期呢！不過呢ｄ日子比日日留係屋企對住chem
同phy note更加好，所以其實我應該享受！^^ 返完學校之後去左大哈搵同學仔傾album，咁樣傾一起真係令我地諗番起好多呢２年黎發生左o既事呢∼
album個content大致上都傾左一半出黎，星期３仲要繼續開會！如果時間夠我地仲打算拍
video ＆玩偷拍呢！希望我地會有多餘時間做呢ｄ野啦！雖然好無聊，不過好好玩！^^
不過當我地一提起放榜時，大家都好同心地話唔好提……其實我都好驚好驚，考試衰左就真係……唉，都係唔好提，遲ｄ先算啦！我好肯定我放榜之前o個晚一定訓唔著！ＡＬ真係好恐怖呀∼ |
|
|
＠Dream Laboratory＠ |
|
＊５月１３日午（二） 也許還是重返寂寞 畢竟也只有寂寞肯永遠愛我 ＊
|
|
|
今日中午終於dig起心肝同媽咪拎部mp3出去整＆順便買野。哈，我已經係４個月內第３次拎部mp3去整喇，第一次係媽咪拎去，佢話個職員話無得救，換左部新比我地；點知唔夠２個月部機又hang左，今次輪到我拎去整，好彩上到間公司去有個好好人o既職員教左我點係屋企format部mp3喳∼不過當我一心以為下次壞唔駛再拎上去比人整時，上個星期我部mp3又開次唔到機……真係想format都format唔到！結果拖到今日我終於捨得拎去整lu∼今次又撞番上次o個個好人職員，結果不出我所料，佢係認得我架∼^^"
最後佢又換左一部新o既比我，仲要係叉埋電添！真係好唔好意思呢，比一部機o既＄用左足足３部機∼我同媽咪話如果換夠５部機就不如買過部！雖然個好人職員話要我特登拎黎整佢地都唔好意思，仲話如果下次有咩問題可以直接搵佢……不過我實在唔想再拎機上去比人整呢！真係好唔好意思呀！！ 其實我發覺我每一日o既日記都離唔開個「支力」字……真係架，除左個人支力，精神上都支力！今日出左去幫小妹妹補左成個下午，曬到死又講到口都乾，走o既時候仲開始有ｄ頭痛。我估我o個ｄ係偏頭痛，因為佢係時不時發作，又係一下一下咁抽搐。估唔到考完ＡＬ仲會頭痛呢，不過我而家又無時間做運動，真係覺得自己身體好唔健康∼！好想可以放一個星期大假呀∼我而家真係好擔心我第時點返學返工呢？做part
time已經嗌晒救命咁！ Ms
Lam話覺得我個樣而家對比起中６中７時「柔左好多」，我就唔多覺（乜我以前好惡咩？）…我只係覺得自己閒（得閒）左好多∼哈哈∼不過其實我都唔係無晒ｄ戾氣架，今日受左ｄ挫折，從而激發起我落實做某ｄ野o既決心……６月１１日前我希望我能夠做到！ 今日終於填左中大封自薦信，除左第１項o個欄之外其他欄我都搵野塞滿晒佢……因為對於港大social
science我o既興趣已經下降（不過又唔至於唔鍾意），而家好大機會揀中大或者UST
o既 BBA。Ms
Lam話如果我做social worker就好，朋友仔又話讀我social
sci好似side左咁，應該讀Law（
Law
！！！發夢都有諗過下o既……），我自己……我自己到底想點呢？從來我都好少堅持一件事，更加無所謂o既「理想」，因為對於我黎講「理想」係唔可以當飯食（１８歲已經咁樣，唉∼），理想係第４層（價值層），如果無左第３層（生物文化層）真係好難上到去……我都唔知係自己真無咁憎定係比客觀環境說服左，而家o既我對於business已經無咁厭惡，唔通，我真係要讀商科？ |
|
|
＠Dream Laboratory＠ |
|
＊５月１４日早（三） 拒絕承認實已太傻 因我這刻可以想你想更多 ＊
|
|
|
今日傾左4個鐘album，係有ｄ支力，不過有ｄ位就笑到我地６個都喘唔到氣，真係好搞野呢！大致上唔係重點o個ｄ我地都已經傾好晒分配埋工作（反而係咁），下個星期我地就會返學校影相+訪問！到時一定又有笑料呢∼^^ 之後去左幫人補習，今日第一次幫佢補，都叫ｏｋ掛？……係辛苦ｄ，因為唔知佢明唔明，又唔知佢係唔係聽緊我講野，不過我已經落足心機去教架喇！希望之後同佢熟ｄ佢會比多ｄresponse我啦！不得不提一點，佢屋企真係好大呀，而且成座樓o既結構好奇怪，lift跟單雙數樓分（咁當然唔係奇o係呢度啦），如果你去單數樓但搭左雙數lift再行上/落一層，最後你會係o係人地個後門入！（屋企大到有２個門口！^^）今日我就係見識到呢個咁特殊o既場面喇∼
補左個半鐘，之後由中環半山返番屋企，真係好．支力．呀∼！日日都咁充實，我個homepage怕且都係無了期擱置∼ |
|
|
＠Dream Laboratory＠ |
|
＊５月１５日晚（四） 自問共你很相襯 要當你的情人 否則心有不忿 ＊
|
|
|
第３次出糧，感覺已經無咁興奮，不過依然都係值得開心o既∼唔知點解，我開始覺得已經有ｄ教無可教……其實我已經幫晒２個小妹妹追番晒由上學期開始o既所有野，而家開始有ｄ唔知教咩好咁∼其實補習呢ｄ野都係睇需要，我而家一星期教佢地２個各６個鐘，有時我都會覺得太多！不過我又唔知點同佢地屋企人講呢……可能過多一排真係要同佢地傾傾，又或者我要搵ｄ練習比佢地做先得！ 睇左朋友仔日記，睇得出佢好鍾意中大呢∼不過我始終都最鍾意港大同科大，希望可以入到啦……近期科大成為左我o既新寵，因為科大真係好靚！ |
|
|
＠Dream Laboratory＠ |
|
＊５月１６日晚（五） 從前我日記
頁頁都是你 今天努力撕 毫無懷念那餘地 ＊
|
|
|
因為琴晚夜晚又傾電話，今朝一起身已經好遲……起身已經要食lunch，因為今日要入中大聽talk呢∼山長水遠入到中大，結果今次又預早左（次次都係咁！=.="），早左足足４５分鐘就到！中大真係大到唔知點講，一無車搭就邊度都去唔到，最後就唯有同朋友仔就周圍行下dum下時間咁∼個talk都還好，都叫知道多左有關中大社工系o既野；個小組討論就真係坐到我想死……佢地講o既野我全部都聽過晒，真係悶到我訓係度！嘿，跟左Ms
Lam２年果然係無白費，原來我係不知不覺中已經學左好多野見識過好多野，分分鐘今日我企係度都可以扮到ｄ大學生同其他人分享∼！^^..
悶都已經慘架喇，我o個組個導師講野仲好似「Ｘ食泥」咁，聽佢講一陣野我已經頂唔順，如果第時比佢教就真係ＸＸ咯！最慘係ｄ人問問題，稍為長ｄ又或者深入ｄ呢個導師就會話：「呀，呢個真係一個好問題喇！」（不過我一ｄ都唔覺…呢ｄ咁行o既題目我都嘔到十條百條出黎啦∼），講完之後佢又唔會答喎，答o既反而係我地o個組o個ｄ
current o既中大學生！ｄ學生個個都幾smart，講野都有紋有路，我覺得講野仲好過個導師呢∼聽完個talk我都覺得呢科ok
o岩我，不過最大o既問題就係我實在係太５時花６時變喇，讀得呢科就無咩機會可以返轉頭，我怕我之後會後悔呢！不過點都好，我都會拿拿聲dump番呢科上Band
A（反正UST BBA都in左∼），唔係無得interview呢！不得不提，今日比我見識到我今年升大學o既對手……有ｄ人真係好奇怪呢…… 去完中大之後同朋友仔落左旺角行左一陣，想買o既野到而家都仲未買到……我已經搵左好多地方喇，估唔到看似周街都有得賣o既野會咁難搵！唉，又係咁喇，通常愈想搵o既野就愈會搵唔到，你一唔駛買就會周街都有得賣！不過我會繼續留意架∼一定要買到為止！ |
|
|
＠Dream Laboratory＠ |
|
＊５月１７日傍晚（六） 小心的剪接我的戲 遇上你那段戲 ＊
|
|
|
今朝差ｄ起唔到身，唔知點解見到個鐘顯示住８點時我會有ｄ賴死唔起身o既跡像……最後糾纏左15分鐘先肯落床，因為實在太耐無試過咁早要起身喇∼之後坐左一個鐘車去左港大聽talk……唉，真係超級令人無奈呀，佢地ｄ安排實在太差喇！開６個hall，得一個hall有admission
talk聽，我準時去到都已經話full左唔比入去！咁就唯有周圍行喇，好彩比我撞到朋友仔，咁先無咁悶。我地入左間房，原來係係度播ｄ
powerpoint，播４個鐘……最後我就同朋友仔就唯有去左聽social
work o既一個talk∼今日呢個導師同琴日中大o個個就差好遠喇，講野都好聽過人！雖然談唔上幽默感爆膨，不過都談笑風生，最重要o既係佢識答我地ｄ問題！聽完佢講左一個鐘，我都算明多左social
work o既野！原來我都好好彩，成個港大社工系都只係會in
200幾300人，咁都揀到我都算係咁∼聽到１１點左右我就離開左港大，因為一來佢呢日o既安排真係令人好唔滿意，２來我又要幫人補習，所以去左個幾鐘已經走人。今日補習都係咁啦，反應好左ｄｄ，我估佢都應該有聽我講野掛……∼
返屋企時途經會展，嘩，真係超級多人呀！本身我完全唔知ｄ人排晒隊打晒蛇餅係度做咩，後來問左媽咪先醒起今日馬會請人，唔怪得咁多人喇！而家搵工真係咁困難架？我o個時起碼見到有一萬幾千人呀∼ 返到屋企，收到港大中大科大各一封o既信。科大有個「工業工程及工程管理學系」o既talk搵我去聽，不過……我無揀呢科喎！點解會叫我架呢？我仲以為係BBA
talk添！（全個科大我只係揀左BBA一科）之後中大係「政治與行政學系」(GPA)，一收到信時我不停咁係心入面講「唔好係interview唔好係interview唔好係interview……」……好彩，係talk！（都唔知自己諗咩，擺係Band
A又唔想in，咁不如唔好擺？）不過talk我都唔知去唔去好，又要山長水遠入中大，真係唔係好想呢（去我o既新寵科大就唔同喇！）……最後係港大社工系，就正如o個日個電話講咁，係約我去interview∼放心啦，我一定會去而且in得好好睇睇架！快ｄ返學搵Ms
Lam練先！^^ 睇完信已經餓到死，點知食左唔夠２啖麵就有人悶得滯打電話比我……足足傾左廿分鐘我先有得繼續食喳……不過我唔會怪你地架，我會寬恕你地o既罪行∼>;p
食完飯就上網改jupas
o既choice，我諗呢個世界上都無人會好似我咁，連自己Band
A放左ｄ咩都記錯！原來UST BBA我唔係放係第３個choice架，而係放係第６個choice！而我第３個choice正正係我以為dump到落Band
D o既港大社工！唔怪得in我啦，我以為自己咁唔比面都有得in添，原來我第１同第３個choice都有social
work丫！噢，我竟然咁都唔記得咁都會記錯！不過話時話丫，我真係無印象我放左港大社工上Band
A呀！=.="
另外，因為我真係好怕好怕無書讀，所以就新加左６科水泡係２５個choice度，順勢delete埋HKU
Law呀CU 新聞呀BU
BJ呢ｄ勁科∼而且我又即刻調左個中大社工上Band
A，希望佢仲肯in我啦！揀揀下我發現自己Band
A ３科都係social work
/ 有得讀social
work，total又揀左４間大學o既social
work！唔知我最後會唔會真係做左社工呢？ |
|
|
＠Dream Laboratory＠ |
|
＊５月１８日晚（日） 其實我知
天生是你狠心 原諒著我 亳不吸引 ＊
|
|
|
今朝好早起左身，上網睇左３本衛斯理小說就食lunch，之後就出門口去灣仔。超級犀利呀，我今日只係用左１０分鐘就可以由小西灣出到灣仔喇！個巴士司機真係好勁呢，竟然唔怕比人投訴開得咁快！係巴士o個１０分鐘我都係o係擔心之下渡過，其實我真係唔趕時間架司機叔叔，唔駛開得咁快跟得咁貼喎……=.=llll
最後，我足足早左半個鐘就到左灣仔，唉！不過今日好輕鬆，淨係補上半場１場就可以收工返屋企同屋企人食飯！^^ 本來仲想去太古睇下有無，不過最後都無去到。下次先啦，下次要搵晒成個太古呢！
 一直都好想知道拍ＫＦＣ廣告o個個男仔叫咩名，因為覺得佢個樣好親切∼我連ＫＦＣ個網都去過呢，咁當然啦，佢地情願介紹ｄ雞都唔會介紹個廣告啦∼不過機緣巧合地竟然比我係今期新Monday搵到佢！原來佢係Starz
People o既model，英文名係Jeff（！）呀∼太好喇，終於比我知道左喇！（知道左又點！？）琴晚係屋企試著下個星期去港大社工系interview o既衫……嘩，我咁大個女都無試過著得咁正經架！自己係鏡度睇番自己都好唔慣，好似成個人大左好多咁∼不過無辦法啦，琴日聽港大社工系o個個導師講，著得formal ｄ比人個印象會成熟ｄ，咁impression都會好ｄ……佢都咁講，咁我唯有著正經ｄ囉！想睇下我有幾「成熟」？星期２黎港大搵我咪知囉！>;D 
|
|
|
＠Dream Laboratory＠ |
|
＊５月１９日午（一） 讓你知道在孤單的時候還有一個我 陪著你 ＊
|
|
|
今日係一星期都未必有一次o既假期----Yeah，終於唔駛出街可以留係屋企喇！^^ 今日訓到下午１１點，睇左一陣書上左一陣網就去左租VCD睇。租左２套男仔睇左都忍唔住喊o既戲【好心相愛】同【小孩不笨】！呢２套戲都好睇呀，不過第一套我就真係睇到流眼淚，第２套就無∼可能因為【小孩不笨】我係同屋企人一齊睇掛，而且我又無咩共鳴（因為我無試過好似戲裡面ｄ小朋友咁盡晒力都做唔好又要比人埋怨……所以唔能夠切身感覺到佢地ｄ無奈∼），所以眼濕源都無。不過唔喊就唔代表佢唔好睇，我覺得呢套戲好正面好有教育意義，而且又有諷刺性之餘帶ｄ搞笑∼比起某ｄ睇完都唔知點o既港產片，我覺得呢套戲真係幾好∼至於【好心相愛】……其實睇晒第１隻碟我都唔覺得有ｄ咩位可以感動到眼濕濕，可能始終套戲太短，用只不過３０分鐘去交代男女主角點樣相戀得要生要死實在太欠說服力∼不過到左後期當男主角知道左女主角點樣為佢犧牲時，o個一幕個女主角講左一句：「佢係令我改變，係佢將我係一個拉晒簾o既黑房帶到黎呢度，我無諗過會用我o既青春去救一個男仔，我完全無考慮過個後果。有人話天蠍座o既女仔最自私，我唔想比佢見到我個樣，所以我走左……但我好掛住佢，所以我返黎呢度。」唔知點解呢，一聽到呢段個女主角o既讀白時ｄ眼淚就自己湧出黎……可能個女主角o個一種心甘情願為對方犧牲而不求回報兼唔想比個男主角知o個種情操太偉大掛！之後另一個感動位就係個結局…係happy ending呢∼其實呢套戲短就短ｄ，不過內容都幾好，而且景又靚，仲有任賢齊做男主角呢！佢唱歌好聽，做戲又好，o個ｄ唔鹹唔淡o既廣東話仲真係好cute添∼上次【星願】已經搞到我流左唔少眼淚，今次又再次做ｄ有缺憾但樂天o既人，真係做得好傳神呢！好鍾意好鍾意任賢齊！^^ 聽日返學校傾album，之後直落２場補習，我有預感我會支力死！ |
|
|
＠Dream Laboratory＠ |
|
＊５月２２日午（四） 有甚麼 放不下 昨日如煙火 未來如流沙 ＊
|
|
|
我始終覺得暴力係唔可以解決問題，不過今次o既耳聞目睹對我黎講反而係一個好大o既疑慮：我真係有能力處理到呢ｄ問題？我真係捱到每日都面對唔同人ｏ既大小難題＆一個又一個o既悲劇？我未來o既路應該點行？ 「踏破鐵鞋無覓處，得來全不費功夫」，搵左咁耐都搵唔到，最後反而係朋友仔見到！都話架喇，愈想搵到就一定唔會咁o岩比你係條街度見到，愈唔想搵到就去到邊都有！激死∼ |
|
|
＠Dream Laboratory＠ |
|
＊５月２３日晚（五） 愛是掌上的曲折線 握太緊我就看不見＊
|
|
|
下午去左搵Ms
Lam，覺得佢真係一個好叻亦都好有心o既社工！短短同佢傾左個半鐘，我已經覺得自己學識左好多野，而且對於面試真係信心十足∼^^
而家我只係有ｄ後悔點解自己會將中大社工系放到咁後，搞到有無得in到都唔知！希望我仲有機會啦！對於做社工我多左好多認識，其實我某ｄ性格特徵都適合做呢行……我時都覺得自己算係幾好脾氣，最起碼比我知道某人竟然為左XXXXX而XXXXX我都無當面篤爆佢！我希望係我自己諗太多啦，不過我都係覺得自己無估錯……哼，如果你真係做呢ｄ野以為可以呃到我o既話，咁我都阻止唔到o既，反正最後蝕底o既都只係你自己！我初初知道o既時間真係有ｄ唔開心架，之後就變到有ｄ嬲……其實我對你已經無咩好感架喇，而家你咁做令我o既印象更加差！你真係要好自為之，唔好逼到我發惡呀！！ 朝早向朋友仔１請教guestbook
o既整法，不過到最後出現左好多技術上o既問題……唉∼難就暫時都唔係好難（因為有人教:p），不過就真係好煩∼到左夜晚就由朋友仔２（佢話佢叫Tarimo小姐……）繼續教，到左夜晚……yeah，我成功喇∼我個guestbook終於整好左，除左有幾幅圖出唔到之外，其他一切都搞掂晒！而家差在我部電腦有ｄ問題，要靠朋友仔幫我改埋幾句html就大功告成！真係好開心呀，一日就整好喇∼不過，真係好好好好好複雜呀！整多次都未必記得！^^ 警告：呼籲各位千期唔好去銅鑼灣三Ｘ樓下間麵包舖度買麵包！o個度真係勁污漕呀∼ |
|
|
＠Dream Laboratory＠ |
|
＊５月２４日晚（六） 我一步一步一步一步 慢慢走向流沙 ＊
|
|
|
琴晚睇書睇到２點，今朝晨咁早又要出左去幫人補習，好眼訓呢∼今日一切都順利，佢亦都應該有聽我講野……咁至係嘛，唔係我都唔好意思收＄啦！之後為左落實我地AL之後o既一個大計，我就同朋友仔一齊去左搵資料。搵就搵左好多喇，不過唔知最後成唔成功呢？之後上左朋友仔屋企，yeah，今日終於羅到手啦，而且比我想像中靚好多呢∼有ｄ想據為己有！^^ 返到屋企，頭痛又發作！噢∼ |
|
|
＠Dream Laboratory＠ |
|
＊５月２５日午（日） 感覺已消失在瞬間 愛的記憶從此擱淺在昨天 ＊
|
|
|
新guestbook已經大功告成喇，睇睇下我覺得新呢個靚好多呢！話晒都係自己整（不過係人地教），同出面申請o既真係好唔同！^^希望我個homepage都可以快d開張啦！ 肺炎感染數字雖然已經跌到好低，香港人亦都開始係極度陰暗中走番出黎，不過對於某ｄ人黎講，呢一場肺炎o既惡夢仲未完結。陪屋企人睇左一集錄影o既鏗鏘集，睇到一個家庭失去左爸爸，而佢２個女大概都唔過１０歲。睇完之後真係好心up呢，當我地以為一切已經過去o既時候，其實我地都遺忘左不幸o既一群，因為對於佢地黎講仲有好多問題未解決。但願肺炎離開香港o既同時可以將一切傷悲都同時帶走！ |
|
|
＠Dream Laboratory＠ |
|
＊５月２６日黃昏（一） 由點火的那一瞬間 只有褪色的美麗 ＊
|
|
|
今日上網係Akzone（一個比ｄ鍾意唱歌o既人upload自己o既作品同人分享o既地方）度聽到一首曲唱都由一個人包辦o既「半島鐵盒的序」（呢位人兄叫「若林」……emm，同某人同名呢……不過應該唔係佢……=.="）……嘩，超級好聽呀！聽完之後真係覺得而家好多時下好多歌星都要彈開呀∼完全無得比！我覺得呢首歌直情可以放入周杰倫隻「半島鐵盒」碟入面∼唯一美中不足就係中間無啦啦有個女仔o既獨白……有ｄ９唔搭８呢！不過因為首歌實在太好聽啦，我已經download左歌詞同首歌∼ ^^" 如果有人都想聽下就問我羅啦∼Akzone無咩人o既歌聲可以得到我咁高o既評價架，男仔黎講佢真係好勁呢！至於女仔我就最鍾意「霖」，佢把聲真係靚到暈sweet到震∼！唔，聽完之後又突然好想唱Ｋ喇，好似好耐都無去過lu……雖然我個名都有個「林」字，不過就差好遠lu∼ T^T
琴晚明珠又播【生死時速】(speed)，結果我就坐定定咁睇左２個幾鐘呢！雖然中６時Mr
Law播過２幕比我地睇架，不過而家睇番……哈哈，我已經唔記得晒相關o既o個ｄ physics原理lu∼>:p
o個時淨係留意ｄ特技，琴睇就發現多一樣野----原來Keanu
Reeves好靚仔架！拍呢套戲時佢只係３０歲，正值壯年呀！雖然而家已經開始老，不過依然都靚仔∼唉，男人真係come老好多呢！ |
|
|
＠Dream Laboratory＠ |
|
＊５月２７日晚（二） 雙手握不住的時候 終究要各自海角天邊 ＊
|
|
|
今日去左香港大學in社工系……wow，in完之後真係好想讀呀∼（我好似in親咩完都咁講……）一入到HKU已經覺得好熟悉，我諗係因為黎得太多次lu，自己以前又識過自己一個人周圍亂咁行，所以而家已經覺得港大一ｄ都唔陌生∼一上到１３樓已經覺得個氣氛好熱烈，之後入到房ｄ學生仲好周到咁問我要唔要去toilet！真係好細心呢∼！開始時聽左department
head講左唔少HKU BSW
o既特色（極度hardsell o既內容！），之後又聽左２個prof講野…唔，佢地講野都好動聽呢，識講野o既人比人o既印象真係好好多∼之後就係group
interview o既時間，我同另外８個人一齊入左一間房in，個interviewee又係好好人好nice咁，而個interview氣氛亦都ok輕鬆，不過就有ｄ似考中文oral咁∼^^我覺得自己答得鄟都ok，因為之前聽左Ms
Lam講左好多tips，亦吸收左ｄ答題技巧，所以一ｄ問題都無。Group
in完就到individual in喇，入去之前我敲左門，之後聽到一句「入黎」就開門行左入去啦，點知我見到間房除左有個lecturer之外仲有一個智障o既男仔，咁我第一時間就諗，嘩，唔通要考我點同佢溝通！？真係好難喎……（不過好有新意∼）哈哈，不過當然啦，interview之嘛，又點會咁鬼難喎，其實個男仔應該係黎同個lecturer傾計，不過佢未走之嘛∼^^
o係我入去之前ｄ社工系o既同學已經同我講：「唱哥（呢度ｄ學生對住老師都係直呼其名架^^）in你呀？哎呀，佢好好人架，你當同佢傾計得架喇！……」其實我本身都唔多緊張，始終呢度都係社工系，個個都係counseling
o既精英，咁都唔方惡死得去邊啦∼^^最後個interview果然係好relax，比我想像中仲relax好多！連ｄ「你覺得自己有咩長處？」，「你希望學到ｄ咩？」或者「點解你會揀港大？」都無問！呢個lecturer真係好好人呀，友善到唔知點講∼佢仲即場send左email比我，叫我之後有咩都可以send
email問佢！:) 好nice呢∼in完之後就去左同ｄ學生傾計，咁當然啦，又係個個都好nice好玩得好好人（←講黎講去都係呢ｄ形容詞+_="），而且佢地唔多分year1，2定3，總之大家都好融洽啦！一直以黎都好怕大學生活就好似去補習咁，成個lecture
hall坐百幾人，上完lecture就各自離開…好怕咁冷淡o既學習氣氛！不過HKU
BSW就完全唔係呢回事，大家都好熟好friend，咁o既校園生活真係好吸引呀！聽左好多學生講野又問左好多野，最後到左１２點幾先捨得走呢∼仲有呀，今次我又撞番open
day時拉我上去聽社工系o既一個學生（當時就係因為聽左佢講所以先開始對social
work呢個系有興趣），因為佢都係debate人，而我以前（好似係升中４o個時）打debate時佢做過評判，所以我仲認得佢呢！咁佢經過我見到佢就同佢相認啦，呢個時候有個staff行過又同我地搭埋一份咀……突然之間覺得自己好似已經係o個度o既一份子咁∼^^"唔知點解今次真係好想讀呢科！今次（好大機會）係真架∼
in完之後hair左好耐，因為５點先幫人補習，所以要搵地方dum時間。最後去左個cafe坐左一個鐘，之後上左朋友仔屋企hair左一陣，然後就夠鐘補習lu∼又係好支力o既一日∼  |
|
|
＠Dream Laboratory＠ |
|
＊５月２８日晚（三） 你處身何方於哪位置 很想講你知 一些最緊要事 ＊
|
|
|
今朝約左ＢＢ佢地齊齊返學搵王老師，搵左一陣終於比我地搵到佢喇，不過其間就要被不斷行過o既Kan哥捉無帶口罩＆比sister第n次問我考晒試未……+.="
我遲ｄ可能有debate打呢，真係有ｄ期待+緊張∼好想同ＢＢ佢地再full
team出一次賽呀！見完Ms Luk同王老師之後我地就一齊去左皇室唱歌歌，之後同ＢＢ＆賓賓hair左一陣就去左幫人補習lu∼同賓賓係times搵人地guestbook真係好搞笑，我又比左我偶像o既相簿佢睇，仲８到少少Ｐ君ｄ野……wow，我地一家人真係好耐無聚過lu，感覺好好呢∼ 返到屋企睇左「十萬頓情緣」（第一次坐定定睇晒成集），原來都ok好睇喎∼^^
睇到Jason回憶Christine同佢係海邊o既o個一幕……唔知點解突然諗番起o個時同你o個情景呢∼可能你已經唔記得lu，不過我仲記得…仲記得你o個晚係著紅色衫∼係咪好有記性呢？:)
睇完電視之後就同媽咪一齊玩摺紙，hehe，好耐都無試過喇！係有ｄ無聊，不過可以好似細路仔咁同媽咪齊齊做小手工，感覺又真係好溫馨！^^今日唱Ｋ唱其他歌都無咩感動，反而唱「無所不在」時就覺得好感人……因為係我心目中最緊要都係屋企人！媽咪，我真係無左你唔得呢∼ 今日返到學校探左Ms
Lam一陣，同佢傾左幾句。幫人補個半鐘習而個學生有半個鐘係o係度發緊夢，呢件事對其他補習老師黎講可能係一個好discouraging
o既成績，不過對於我黎講反而可算係一大鼓勵。但願有一朝，每堂你只係有半分鐘係發夢，咁就最好喇。 |
|
|
＠Dream Laboratory＠ |
|
＊５月２９日午（四） 沉迷在那鐵石心裡 埋在孤單掌心裡 輕唱下去 ＊
|
|
|
琴晚發夢自己要去ＸＸＸ運動場，不過唔識去，結果就去搵住係o個區o既朋友仔。點知佢又唔識去喎，搵到我地周圍行左好耐。最後我就決定靠自己（唔想依賴+阻住佢），自己一個睇地圖＆問人，最後終於比我去到！之後個夢就完lu∼醒左之後，第一件事就覺得…呢個夢好有寓意！所以到左而家仲好記得∼:) 呢排飲食勁唔定時，食量又vary得好勁，平時仲食埋好多零食，搞到身體差左個胃又有ｄ痛！所以今日開始就實行一個清腸胃大計，食番ｄ健康+清淡o既野。不過唔知點解，今朝成個朝早已經肚痾左好多次……明明我食ｄ野好乾淨健康喎，點解一開始有規律番時反而會肚痾呢！？Quite
Strange！ |
|
|
＠Dream Laboratory＠ |
|
＊５月３０日凌晨（五） 刷不清粉筆見證 滲於黑板一角記認又轉清 ＊
|
|
|
今晚補習早左收工，yeah∼不過我覺得自己呢排把聲沙左，講野一耐喉嚨就開始唔舒服！應該係後遺症呢∼ 今晚晚餐係半斤菠菜+一個蘋果…嘩，食到我想嘔呀∼本來我都唔係咁憎菠菜架，不過而家……+.=" 晚上繼續莫明奇妙地肚痾，果然好清到腸胃呀下…… 琴日先醒起，琴日先突然打算有一連串計劃，點知今日，竟然真係比我見到。原來當你好想好想見到一個人o既時候，係真係可以見到架。不過如果比我揀，我希望一切只係我o既幻覺，因為知道事實有時並唔係一件好事∼ 原來「don't say goodbye」變成「別再打聽」係有咁o既寓意，有ｄ似天意咁呢…… 今日係Tarimo小姐homepage改板o既大日子，賀圖我已經準備好喇，快ｄ黎問我拎啦！^^ |
|
|
＠Dream Laboratory＠ |
|
＊５月３０日晚（五） 卻發覺到你也孤單探問 留下滿地隱約關注碎足跡 ＊
|
|
|
 今日起身on左一陣line之後就同朋友仔１去左朋友仔２屋企，幫佢地影「唱片封套」之餘仲影左好多相呢∼朋友仔２ｄ
twins star珍藏真係睇到我目定口呆呀，又多又新，好多連封套都未拆呢！上次去佢屋企係考完mock之時，o個時大家仲係度話考完ＡＬ之後要上黎影低ｄ
twins star珍藏，估唔時間過得咁快！回想返o個ｄ難頂到嘔o既ＡＬ生涯，一切都仲歷歷在目咁∼真係好唔想好唔想考第２次呀……
朋友仔屋企仲有好多星星野，遲Ｄ上去再影過先！下次去仲可以玩埋印花紙包盒盒，開心開心∼４點時就離開左佢屋企，齊齊行SOGO。買左２盒姆明糖（其實係「醉翁之意不在糖」），抽到科妮（姆明女朋友）同袋鼠公仔（唔知佢叫咩名）呢∼雖然我本人比較想抽到姆明同史力奇，不過抽到呢２隻都好過抽到老伯（成日抽住放大鏡o個個）同呀美……算係咁啦∼之後仲買左Winnie
the Pooh糖糖，因為個罐好美麗呢∼買完野就去左補習，今日我o既表現麻麻，下次要再努力∼返到小西灣，順便打算去埋朋友仔屋企拎埋ｄ notes，點知佢同班friend竟然係度買打邊爐ｄ材料，仲３番４次「lout」我一齊打……人地琴日先開始食番ｄ清淡野，點可以咁快就半途而廢又大食一餐架？我當然立場好堅定啦，堅決只拎notes唔打邊爐∼不過由於佢地仲未買晒野，結果我就同佢地齊齊行左半個鐘百佳superstore∼:p 不過成班friend打邊爐真係一件好開心o既事呢，上次我咁做已經係半年前lu（其實應該係正常，而家大熱天時當然會好少打）∼堅決唔打邊爐，結果返到屋企就當然……依然係菠菜大餐啦！今日又肚痾左N次，無計啦，一係唔食一係就食咁多菜，想唔痾都難∼但願腸胃適應左之後會好ｄ∼ 諗左一日，我覺得係天意∼平時我根本唔會星期４晚７點２５分係銅鑼灣渣甸坊出口出現……如果唔係因為當日小妹妹無野問我，而我又唔想dum佢波鐘，我就唔會話「不如今日補一個鐘好唔好？」；如果我唔係咁直接同佢講，第一場就唔會早左收工，咁就唔會早左成個鐘補第２場；如果唔係同小妹妹一次過溫EPA同IS，咁第２場就唔會overrun左一陣，令到我７點２５分可以出現係o個度……一個結果永遠係由一堆巧合堆砌而成，唔知除左呢次之外，我地係咪仲試過擦身而過呢？我覺得，有ｄ似拍戲∼  |
|
|
＠Dream Laboratory＠ |
|
＊５月３１日晚（六） 無論你現正身處於哪處 心裏衷心的答謝你
＊
|
|
|
今日係考完ＡＬ之後第一次咁晏先起身o既一日∼好彩今日唔駛出街喳，可以hair下hair下又一日真開心！^^hair到３點幾見檯面仲有好多書都未還，於是就出左柴灣圖書館借書。可能因為rate
of借書=rate
of 還書掛，我屋企ｄ書好似一直都無少過咁！不過見到有咁多書睇，其實都好開心∼而家我每一日其實都有好多野可以做，主要工作都係補習，其次就係搞album，如果唔駛做呢ｄ野我就會去街，上網，icq，整homepage，打小說，借書睇書，畫公仔，跑步……實在有太多野要做＆想做＆可以做啦∼絕對唔空虛呢！呢２日先醒起自己６月好大機會要打debate……咁點好呢？同朋友仔o既大計真係波折重重，一係就就唔到時間，一係就係人數問題，而家又到我唔得！其實我２樣都想做架，不過衡量起黎，如果真係撞左時間o既話我會揀打debate！無打過聯中４強賽一直都係我人生中一個好大o既遺憾……中４暑假時我曾經有過機會打架，不過我情願去觀星營都唔去打，而家諗番真係勁後悔！所以如果而家有機會比我打我一定唔會放過架！其他野第時仲有機會做，debate可能我呢世都無得打架喇！我一定唔可以再比自己後悔一世！好朋友，我地o既大計睇黎可能實行唔到呢∼真係好難相信……
唔經唔覺就一年lu，凌晨同朋友仔一齊回憶番o個一日o既情景，拼拼湊湊差唔多都勾畫番晒當日發生o既事∼其實我一直都好感激當日有一個人陪左我一日，雖然o個日只係周圍行下，又無做ｄ咩，不過我都覺得好窩心呢……一年之後，仍然好想多謝你！^^
|
|
|
＠Dream Laboratory＠ |
５月２日：超級疲倦+興奮o既一日！晨咁早我就起左身，之後就同朋友仔一齊出左去行山。我由東區最尾o個度開始搭車，沿住海由東區一路搭到中西區港大o個頭，之後跟住朋友仔爸Ｂo個張手繪地圖就沿山路行，終於係有少少陽光o既情況之下就行左２個幾鐘，行左上山頂廣場！路程基本上都無咩難度，不過開頭就ｏｋ斜，所以都幾支力架∼上到山頂我地就係人地唔比食野o個層落天開餐，我地仲係麥記換左個Betty返黎添∼（而家佢就企左係我個櫃度∼）之後我地都已經無晒力lu，大家唯有坐巴士落去。之後我陪佢地行左集成一陣就趕返屋企喇…因為我今晚要去紅館呢∼
之後無咩心情上網，就一次過睇左３集帝女花（因為太悶∼），覺得個大結局都幾感動架......本來！其實我由第一集開始一直都有睇開，當時仲未開始考ＡＬ，不過我呢ｄ人想睇o既話就真係話之佢係ＡＬ都會照睇可也，所以一直都追開∼不過反而到左考晒試之後我就睇少左：唔駛集集睇，大概知道講到邊已經好ＯＫ。呢套戲有時真係會睇到個人好憫（譬如睇到郭羨妮做左ｄ衰野都好似無人知且大條道理咁），有時又會睇到好悶（譬如成套戲不斷咁重覆住奸人當道→世顯長平愛情堅定→國家陷入苦戰→奸人依然當道→世顯長平仍然堅定→國家將亡→......）！不過終於到左結局，睇到世顯長平o個種始至不渝，睇到皇帝對於國家o個種承擔，有時都會覺得好impressive！最感動就係世顯同長平講o個句「希望今晚合埋眼之後，再張開眼o既時候，就可以見到你！」，原本佢地一齊死係連理樹下我都感動到有ｄ眼濕濕架......點知原來佢地係假死！！！真係有ｄ比人呃左o既感覺！
到左今日星期日，１０點半先起身，不過已經要食lunch換３出門口幫人補習！今日真係補到一額汗......唉，我已經唔記得晒ｄ
geog喇，又要慢慢諗過晒ｄ風係吹邊邊ｄ
climate點轉......我覺得自己今日似係同小妹妹一齊研究geog多過我去教佢！教成咁都收佢＄，我真係有ｄ唔安樂！:(
最後到左６點先返到屋企，已經覺得個人有ｄ暈...我呢排成日都會有頭痛頭暈，但係而家明明每晚我都訓９個幾１０個鐘，無理由係唔夠訓架？唔通係訓唔好？
為左方便其他ＡＬ考生，於是我就係Mini
forum留左個言，點知突然之間真係多左好多人add我……嚇左一跳呢∼原來真係有咁多人考oral架（廢話）！結果個icq
short short地，send唔到個
PDF比人，最後唯有自己打一次！係琴日approach我o既人之中，最特別o既係一個男仔同一個女仔。o個個男仔（係未問過我o既情況下:p）睇左我本日記，之後問左一個好令我愕然o既問題：「你好似ＸＸＸＸ（←verb）喎」……下？竟然連一個唔識我o既人都知？真係咁易睇得出？而個女仔問完我羅左個file之後就問我「你係咪o係現代補習o個個elisa呀?」o個一刻o既心情就好似係街上面比人問「你係唔係無線o個套ＸＸＸＸ個ＹＹＹ呀？」又或者「你係唔係唱歌o個個ＺＺＺ呀？」∼嘻嘻，真係好搞笑呀∼第一次咁樣比人問呢！不過呢個女仔ｄ直覺真係好犀利，仲犀利過我，單憑我個英文就估到我係邊個，唔通今年無咩中７學生叫「elisa」？最後我足足搞到２點幾先有得訓落床，o個時個人已經支力到唔識形容，但係唔知係唔係太熱，我竟然訓唔到！明明個人好支力又訓唔到呢一種感覺真係好難頂呀∼最後到左３點我依然眼光光仲未訓...到左今朝起身我不禁講左句比較粗俗o既說話……我估我琴晚訓左４個鐘左右喳，我怕我今日個腦會實晒，搞到考唔好個oral！其實我係有ｄ懷疑自己係唔係…emm……緊張……∼^^"
可能「要羅Ａ」o既壓力太大，搞到我暗地裡好擔憂，所以訓唔到覺∼！唉∼我１定要同自己講，我best
de.又羅過，即席演講冠軍又羅過，oral一定無問題架，濕濕碎啦！！我一定要咁催眠自己！！！
收到港大社工系o既電話，打黎confirm我個地址……原來佢地打算寄信黎叫我去interview呢！好開心呀有又有得in，之前我將呢一科dump到去好後，仲以為佢地會唔理我唔肯in我添，好彩佢地肯見我喳！Ms
Lam之前同過我講如果要in social
work就搵佢，佢會同我預習一次。等我一收到信就call佢先^^∼！之後下午我又去借左好多書，話雖如此，不過我發覺自己真係無咩時間睇！而家唯有係坐車或者食飯時攝下時間睇書，如果唔係都無咩機會可以坐係屋企好悠閒咁睇∼而家日日都要出街，開始有ｄ厭lu！（雖然我曾經好渴望呢ｄ日子）人就係咁架喇，日日留係屋企就會想出街，日日出街就會想留係屋企；無得上網就會好恨整homepage，到左可以整時又會擱鬼置左；留長左頭髮又會想剪，剪短左頭髮又會想留長……！而家我一星期都無１個鐘會留係自己張書檯前做野，今日一睇，原來我張檯真係好亂∼亂到我都唔係好想執呢……
呢排無咩心機打日記……唔，可能因為呢幾日都無咩特別事發生啦，個
dreamweaver 又成日用用下hang啦，個人又支力啦……好多野都唔想做！返左２日學，覺得著校服真係唔多舒服，不過返到學校又見返ｄ老師，感覺都係好o既∼有ｄ老師依然好似平日上堂咁，妙語連珠，聽到我地拍晒手掌咁；有ｄ就保持到佢地平日上堂催眠o既功力（譬如大冗小冗……），聽到我地６個訪問o既同學都up晒眼訓失去晒活動能力，仲連MD都錄唔到音！真係難為某ｄ同學要對住佢地２年！
今日間上網公司有維修工程，成個下午都無得上網∼不過咁都好，可以比我專心咁打小說呢∼琴晚終於將一直構思好o既小說落實咁打出黎，一定有排打呢，希望我唔會半途而廢啦！好彩臨上唔到網之前o岩o岩download左好多我
*dream
man* o既舊歌（呢排無咩新歌好聽，唯有返聽舊歌），可以一路聽一路打！^^ 其實我覺得自己d
taste有ｄ特別架，男歌手我鍾意任賢齊，邱澤，張敬軒……全部都唔係ｄ大路偶像呢∼！不過係我心目中真係覺得*邱澤*好靚仔架！唔知點解聽到佢把聲又或者見到佢ｄ相（見到相已經足夠）心頭都會為之一震∼我諗就好似朋友仔１見到堂本X一、朋友仔２見到梁Ｘ偉或者朋友仔３見到吳Ｘ祖咁掛∼不過，*邱澤*係我心目中就係最perfect！^^咁當然啦，任賢齊就最cute最man（emm，呢句有無矛盾呢？），張敬軒就有才華∼:)
今日堅決地拒絕左朋友仔佢地無去踩冰！emm…我都好少立場咁堅定呢∼不過人地真係識嘛，又唔係未去過；比＄入去行喎（仲要冒住會跌o既危險），點諗都覺得好無聊……難得放一日大假，都留係屋企
hair 下最好！我好耐都無試過全日hair喇！