無線開始做衛斯理，睇左一集之後真係覺得好奇怪呢！跟唔足原著都預左，揀角色亦係另一問題！有乜理由衛斯理會柒金毛小郭咁肥黃堂咁後生架∼！？衛斯理，始終都係睇原著好！

＊６月４日午（三）　每一刻擁有　都是無可取代　＊　

棄絕了包袱後的輕快的步伐
這　是一個預告

　　今日端午節，結果晨咁早就要出去補習…Zzz呢∼今朝都唔知發乜神經，我明明等緊車去金鐘，等左足足２０分鐘呀，點知終於有車黎o既時候，架車竟然係去赤柱！！o下，我架７８９呢？唔通端午節唔停呢個站？結果最後唯有搭過第２架車，終於遲到左少少∼今日都教得ｏｋ啦，係個學生又有少少唔專心咁……不過少少已經好好lu∼補完習之後就去左幫朋友仔買電，今日全日講得最多o既一句說話就係「請問你地呢度有無KX-TC1220HKS室內無線電話 o既電池呀？」，而通常ｄ職員通常都要搵一輪先話到比我知呢ｄ零件係要訂做！最離譜o既係有一間分店話有，點知當我去到時佢竟然拎左一舊完全唔同樣ｏ既電出黎！感覺好似比人呃左咁……>< 個職員仲話我個型號同我print出黎o個幅電話o既相唔同……唔係掛？幅電話o既相係我琴晚係你地公司個網頁copy出黎架喎！好明顯就唔係我搞錯啦！之前打過去另一間分店佢都話自己有o個隻電池賣，但係o個時我就無即刻去（因為好遠呢，唔想又白行一趟），先再打去問清楚ｄ，結果都係……無o既∼好彩未去喳，唔係又比人呃！ｄ職員叫我打去零件部睇下有無，不過今日o岩o岩好係公眾假期，唔開門呢……T^T 唯有聽日先打去問問啦，反正有間分店我聽日會經過∼唉，真係好想買到呢，唔想朋友仔再用手提打比我喇，佢今個月已經用左咁多分鐘，一定好快爆（可能已經爆左）……好內疚添……> <"

　　返到屋企繼續整album ｄ野，然後執左ｄ雜誌…嘩，原來ｄ雜誌咁鬼重呢！可能好多人會認為睇呢ｄ野對於心靈發展同語文水平會有極負面影響，不過我個人就唔覺得有呢ｄ問題……每個人一日裡面都已經要接收好多唔同o既資訊架喇，如果連娛樂+輕鬆+無聊o既雜誌都因為無益唔比睇，好似有ｄ同自己過唔去咁！不過當然啦，如果睇完之後信到十足又唔加以思考o既人就最好少睇為妙，唔係真係好易被誤導！不過我個人認為自己o既中文水平並無被市面ｄ雜誌拖垮，心靈亦都無被荼毒！真係好值得慶幸∼^^

不止用手　也費盡心神
可惜　依然未能扭轉乾坤

　　因為要趕起ｄ album，結果琴晚搞到點幾２點先有得訓，今朝又要９點半起身呢∼Zzz∼１起身print埋ｄ野就出左灣仔，不過今次塞左好耐車……唉，搭巴士真係麻煩，一時就１０分鐘同我由小西灣飛車咁出到灣仔，一時就塞到２０分鐘都仲未到！> <" 今日又傾左５個鐘呢，大致上都傾左好多野，希望下次開會時ｄ稿都可以搞掂晒拎去排版啦！我負責o既係老師訪問，一共有１５頁呢！要努．力lu！^^傾完album之後補左２場習，補到８點時幾不禁偷偷地打喊露…… /:p　今日朋友仔生日呀，佢地一行４人去左９龍灣食buffet，勁食３個鐘呢∼可憐我由晏奏１２點到夜晚９點幾仲未有野落肚……T^T

高估了　判斷錯了
後果　是咎由自取

　　今朝９點９起身，雖然又係好Zzz，不過因為係同朋友仔出街街，所以起得非常情願∼^^本來上星期會去唱Ｋ，不過因為要等朋友仔甲ｄ皮膚敏感好番晒，到左今日先可以同佢一齊去∼雖然唱得３個鐘，不過都足以唱到我喉都沙晒！最開心莫過於唱《帝女芳魂》同《All the thing she say》，mark大喉嚨齊齊大聲嗌真係好high∼！仲有苦榮版《合久必分》同全女版《特別鳴謝》呢∼^^ 唱完之後同朋友仔４圍行下食下tea咁。放心啦，呢種傷口我都已經唔係第一次有，而家仲未覺得好痛住，希望佢將來都唔會覺得啦！:p 行完之後就去左補習，不經不覺就第８堂lu，希望佢真係會比足心機去考試啦！次次教佢我都好辛苦架……

　　今日落左一日雨，到底 ......係唔係一種保償？

那實在是太殘忍了
整天不經意地送予我希望
然後又一聲不哼地把失望遺留於我的手上

　　今日晏奏同媽咪去左配con，嘩，原來我唔止ｄ近視深，ｄ散光都好深呀！我左右眼近視度數已經差成２５０度（鴛鴦眼！☉_．），而左眼散光都有２５０度呢！買唔到即棄型con，唯有訂造ｄ傳統型∼有散光o既鏡片真係貴好多呢，而家一對要成千，希望唔好咁易唔見啦！^^" 個視光師幫我試戴左幾副，有副弧度唔o岩，戴到對眼好痛呢∼初初戴好唔慣，一放入眼就係咁標眼水，仲現晒ｄ紅根呢！不過個視光師話我都幾適合戴con，因為我近視深，而且隻眼夠大，易ｄ放隻con入去！:p 我算乖架喇，睇住有人塞ｄ野入我隻眼度都唔會呱呱嘈＆勁眨眼，結果一放就入左去，眨一下眼就已經戴好左lu∼訂左之後２星期之後就有得羅，到時我仲要慢慢學洗con戴con除con呢！要小心ｄ先得∼ 配左con之後我就去左剪頭髮，其實我揀今日剪真係好唔明智……實在太多人喇！結果要等呢……一路洗頭就一路聽住我個洗頭師傅（我估佢年紀同我差唔多大…可能仲細過我）同另一個客個洗頭師傅（只有１６歲……佢地傾計太大聲喇，我其實唔想聽佢地講野架…）係咁傾計！佢地實在太唔專心喇，明明用我洗緊頭架喎，做咩咁多野講架？仲要係咁洗到我個傷口兼不停咁講咩邊條女得唔得，正唔正……噢，實在太唔專業喇∼之後師傅同我剪左個佢話好有層次感o既頭……嗯，都ＯＫ啦∼最後足足剪左個幾鐘，一出左門我就即刻打比朋友仔。我以為佢已經等左我好耐（非常唔好意思呢），點知打極都唔通……原來佢o岩o岩都係打緊比我！估唔到原來大家都「overrun」呢∼會合左之後就同佢去左圖書館+室內運動場book場打波，之後就行左去杏花村食tea∼出糧咁耐終於請到佢食tea喇（因為我實在太忙）∼:p 好耐都無試過傾咁耐呢！開心開心∼

　　返到屋企到而家都覺得對眼感覺有ｄ怪，唔知係因為太支力定係因為今日試戴過咁多對con呢？

千方百計地留住心思
用盡全力拉緊一切
很怕這一次　最終依然抓不住

　　今朝一醒已經係１１點半，第一件事就係諗：究竟我訓左有無６個鐘呢？有ｄZzz（呢ｄ就係夜訓o既代價^^"），不過一起身無耐就已經要食lunch lu∼食完就出門口，去左朋友仔間茶餐廳比野佢。不出所料，佢仲未起身仲未落舖頭幫手∼我將ｄ野比左佢細妹，之後就走左lu。本來想幫襯佢，不過佢細妹就堅持請我飲野唔駛我比＄……最衰我無散＄呢，唔係１定會放低＄∼比完野之後就冒住大風+細雨出返銅鑼灣補習。銅鑼灣天氣好好，半滴雨都無呢∼補左個幾鐘就返屋企，一返到小西灣就落好大好大雨……真係好^^∼

　　今日見到街邊有ｄ人set左counter係度幫人登記做選民……咦，點解無人叫我登記o既？

＊６月１０日晚（二）　旁觀者即使串我如何幼稚　仍是喜歡這動人的玩意　＊　

在雨點落到地上的一瞬間
感覺連成一線
發出令人心弦的光輝

　　今朝落好大雨，１０點時媽咪入黎叫醒左我，問我今日係咪約左朋友仔……呀，真係嚇死我呀，我以為自己已經訓過籠呢！不過見都差唔多夠鐘，所以最後都起身落床。準時出現係巴士站，之後我就同朋友仔去左室內運動場打毛毛球∼頭１５分鐘朋友仔都係係熱身階段，打極都唔中（比我踢爆左添，哈哈∼）；不過之後１５o個分鐘就到我成日打唔中…我終於知道點解踢波之前o個晚最好唔好傾電話傾到太夜喇，原來訓得太少之後再做運動係會咁架！成個人o既反應好似慢左半拍咁，再加上我今朝又無食早餐，結果打打下真係有ｄ唔舒服呢∼>_<" 不過當然啦，我梗係頂硬上無講比朋友仔知喇，咁難得約左佢打波自己又醒唔起結果又夜訓，呢ｄ負責我要自己承擔番嘛∼好彩之後打打下已經唔眼訓亦都唔支力，仲愈打愈有力呢∼哈哈，因為呢個時間我終於醒晒啦！打完波即刻同左朋友仔去左食晏，之後就去左圖書館（噢∼多麼益智∼），再之後就去左麥記傾計^^！我地傾左好多野，雖然佢應該唔會有共鳴（唉，幾時會有呢？），不過睇得出佢都好努力地想像…係朋友仔面前好多野都講得，嘻嘻∼到左三點三我就返屋企，十五分鐘之後就出門口補習去∼補左２場，不過今日反而唔多支力……朋友仔我都話架喇，有XX係唔同ｄ架！你都快ｄ試下啦！>:) 返到屋企睇左電視再睇左一本亦舒都仲唔覺得眼訓…我諗我已經日夜顛倒左lu！晚晚都鬼咁精神，日頭就訓到中午…哈，唔知係唔係好事呢？今日終於睇左好多人都覺得好好睇o既一本亦舒小說《朝花夕拾》，今次係我印象中第一次睇晒一本亦舒呢，真係幾好睇呀∼最特別o既係呢本亦舒入面竟然出現左衛斯理，白素，原振俠同納爾遜！！（佢無寫明，不過明眼人一睇就睇得出啦∼）哈哈，勁搞笑呀∼倪匡同亦舒呢２兄妹真係好犀利呢！《朝花夕拾》呢本書真係好好睇，而且都幾感動…我終於知道點解咁多人睇亦舒啦！雖然佢ｄ小說內容唔會有好大起承轉合，筆調亦都好平淡，不過內容就幾特別，而且佢唔似張小嫻咁，寫黎寫去都係講愛情。除左愛情之外，亦舒小說其實仲有好多野架！

　　好鍾意好鍾意落好大雨o既感覺，而家落雨o既朝早同晚上我都會覺得好舒服……可唔可以唔好比ｄ雨停呀？？

暗淡的街燈反映出一絲絲的雨點
那就如一絲絲的掛牽
川流不息

　　史無前例，放左咁耐假訓到最晏就係今日！今朝我醒o既時候已經係晏奏十二點，不過因為張床太舒服喇，所以又訓番…結果到左１點幾我先起身呢！我諗呢個時候我細妹都已經放學lu，哈哈∼醒o既時候第一件事就諗番琴晚臨訓前o既對話…嘻嘻，隔左一晚諗起都忍唔住笑呢∼>v<" 起左身食完飯就開電腦繼續搞 album ｄ野…死啦，我驚整唔晒+整得唔靚呀！一個星期對於我呢ｄ日日都要出街o既人黎講真係唔多夠…打就打晒喇，不過排位或者其他美化o既野我都未整，希望呢２日做得晒啦∼到左４點左右（哈哈，我只係起左身３個鐘喳）就出門口去圖書館，因為我預約左o既《哈利波特３》今日竟然有得羅啦！明明我排到第８，估唔到今日已經有呢∼不過我本《哈利波特４》就排到落百幾lu，可能要過多幾年先睇到呢^^"……可惜我實在太唔鍾意睇英文書喇，如果唔係都唔駛睇中文版∼我仲記得中６o個年我問左朋友仔借英文版第１期，但係我足足睇左半年都未睇晒；不過中文版第２期我睇左２日就已經睇完lu∼唔怪得我ｄ英文真係進步得咁慢啦……>_<" 拎左本書之後就去左補習，今日好開心呀，佢真係有問我問題呀，而且今日我諗佢真係明白左好多…上次我講到有ｄ唔清唔楚，結果佢真係唔明白呢；今次我超級比心機地慢慢教，睇佢個樣真係明左好多……好開心呀∼^^補左咁多次今次最開心呢∼返到屋企，繼續整album…不過都竟然比我係電視睇到福山雅治個寶礦力廣告！Wow，真係好靚仔（靚佬？）呢∼

　　今日全日隻右手同腳都好痛，哎呀呀，我諗我琴日打個毛毛球打得實在太狠喇∼> <"

驟雨到來的時候　我會想到你
想起你在想起我的樣子

　　琴日做o既野同大前日做o既完全一樣：１１點同朋友去左打毛毛球，之後去左食晏，之後去左圖書館，之後去左麥記坐+傾計，之後返屋企再出去補左２場習……大致上同星期２真係無分別呢！不過星期２o個日打毛毛球就打得唔好，開頭又暈；琴日就好鬼精神，所以打中率高好多，仲可以連續打一個鐘唔停添！^^下個星期又會再同朋友仔打過呢∼如果無落雨仲可以去跑步呀∼！

　　今日８點半就起身，有ｄｄZzz，不過都要起身整 album ｄ野！好開心呀，連續幾晚整到點幾o既老師訪問終於係琴晚打晒＆print晒喇！不過雖然printer無壞，但係因為無晒ｄ黃色墨，所以printer出黎ｄ相都變晒紫色∼最終都要搵同學仔print過呢！> <" 不過都已經好開心，好過無啦！今日十點就到左大哈，不過一個人都未到…> <，結果我食左成個早餐套餐呢∼嘻嘻哈哈傾下傾下就夠鐘返學，淨係入學校門口都已經搞左足足１５分鐘…太麻煩喇，點解仲要咁鬼嚴呢？又要度溫度又要戴口罩，我已經好耐無戴過呢ｄ野喇！！！超唔慣∼跟住綵排又足足搞左２個幾鐘…好悶呢…不過睇在係尾２一次o既正式function就算啦！今年個畢業典禮搞到騎騎呢呢咁，又cut到鬼咁短，又無晒ｄ表演（雖則我都無咩興趣），又限制入場人數（雖則亦都唔係有好多人會黎睇我畢業）…最衰係肺炎啦！搞到我中學生涯最後一次o既畢業典禮奇奇怪怪咁，真係好唔忿氣呢！> <llll 綵排完就返左班房羅成績表，其實都已經無咩感覺喇，ＡＬ都考晒啦，學校成績表已經彷彿好似一張通告咁平凡∼不過其實睇左都好開心呢，因為今次係我第２次成績表ｄ星星可以排成一行（唔係唔合格o個ｄ星星呀∼^^"）！雖然我諗極都諗唔明一個phy同p.math都考尾４o既人點解學業都會係「優」，亦都對於王老師比我個「好似好勤力讀書好勤奮上進樣」呃左而感到不值…不過ｄ「優」比左我就收唔番架喇∼>:p對於我黎講，呢一行星星已經係最高榮譽lu，同考第１一樣咁開心∼^^ 而且更加surprise o既係我竟然真係有得羅subject prize呀！呀呀呀，今次係我咁大個女第一次（亦都係最後一次）呢！想當年見到師姐朋友拎到時真係有ｄ羨慕架，而家自己個名終於出現到係subject prize呢一欄上面，感覺真係好興奮∼！！！希望呢份prize唔係再黎一本「道在家中」或者「羅馬鐘聲VCD」喇！我屋企已經有好多喇！=.="" 離開左學校o拿o拿聲就趕去堅道補習，今次唔係尾２就應該係我最後一次幫佢補習lu！佢地下星期３開始考試，我諗我應該就失業掛？好想搵份正正當當o既工做呢（最好係唔駛點用腦o既工^^"），不過又想hair左個假喎…真係矛盾∼

　　今日終於睇完本《哈利波特４》喇，其實呢幾日都無咩時間，唯有坐車食飯時先得閒睇∼不過真係超級超級好睇呢，尤其係講魁地奇（唔知英文點串呢^^"……）o個度，真係睇到唔想停呀！好想快ｄ借到第４期呢，最衰我唔睇英文版喇，不過…我真係覺得中文版好睇ｄ喎…

已經踏入了雨季嗎？
還是　幾數天的都只是一場驟雨？

　

　　今日真係超級悠閒呀∼再一次訓到１點先起身（不過仲係覺得訓唔夠=.="），起身之後就食左個杯麵+半個麥記餐，之後就開始半坐半訓咁係一路聽歌一路睇書！簡直係超級輕鬆+幸福呢！;) 其實呢幾個月屋企已經積埋好多書仲未睇，所以我呢個星期一定要清晒佢地∼睇左一本張妙如o既書，覺得佢ｄ書真係好特別呢∼好鍾意佢o個ｄ好鬼cute o既字呀，係佢本書入面如果見到電腦字反而勁唔慣呢！如果我都可以出到一本咁o既書就好啦！我自小o既夢想就係可以出版一本自己寫+畫o既書，不過…真係好難呢…=.=lllll 睇左幾本書之後就上左一陣網，睇左ｄ有關Harry Potter o既網頁（我就係咁，o岩o岩睇完咩書覺得好睇就會好有興趣去睇有關o個ｄ書o既homepage）…其實我真係覺得飾演Oliver Wood同Draco Malfoyo既o個２個演員好靚仔呢∼雖然前者Sean Biggerstaff唔係太紅，點都唔夠Tom Felton出名（因為Malfoy係奸角），但係２個都係靚仔一名呢∼^^ 可惜我諗哈利波特拍到第３輯應該都唔會再拍落去lu，一來因為第３輯換左導演，好多人都唔睇好；二來就係ｄ故事開始愈黎愈長，一年拍一套已經難，要係３個鐘之間交代晒ｄ劇情咁仲難呢！所以我諗第３集都應該會係final一集∼唔知我呢個預言準唔準呢？;p

　　今日收到手提張賬單…嘿，今次真係識替人擔心又唔識為自己擔心喇----我今個月通話時間超出左XXX分鐘，結果要交多＄XXX呢∼> <" 我明明都唔覺得自己手提傾好多，不過可能因為呢個月日日都出街啦，唔知唔覺就用左都唔覺！而家最希望就係朋友仔都唔會爆得太多…唔係我都唔知點算呢∼:(

　　琴晚深夜顧住講野唔小心一腳踢左落件硬物度（到而家都唔知係咩），腳背直接受到撞擊，到到而家都仲係覺得痛呢！但係又無瘀到喎，咁究竟點解會咁痛呢？…唉，我實在太唔小心喇……>_<""

＊６月１５日午（日）　如若過去我太在乎　相遇別離　請准我預備　＊　　

你相信嗎？
雨點不顧一切的由天堂跳下來
目的就是為了親吻身處凡間的雨傘

　　今朝（都已經唔朝）起身時又再次係１２點幾，如果唔係朋友仔打比我我可能仲會繼續訓呢∼
「乜你仲未醒呀？」
「係呀…」（未訓醒o既聲）
「你琴晚又好夜先訓呀？」
「都唔係呀，琴晚好早呀…」
對我黎講，２點就訓…真係好早！^^"

　　今日係爸爸節+細妹生日，不過細妹就考試喇，所以今日無出街。我覺得而家o既生活真係relax到暈呀，可以係落住雨o既下午坐係窗口一路聽住歌一路睇書…呢一種生活真係我夢寐以求o既生活呢！ 我真係好怕十幾日之後我已經無晒心情做呢ｄ野；我真係好怕下一年我又要再考番ＡＬ，又再「中」返入ｄ notes度；我真係好怕自己輕鬆慣左，之段適應唔返忙碌o既日子！如果唔好咁快放榜就好喇！> < 今日收到中大o既信，覆番我話我成功留到位，２１日可以去聽BBA個talk∼唉，其實我真係唔多想去架，不過佢封信又講到話「strongly advise」我去，又話個talk係「exclusively for me」（又會係啦，一定唔止我一個啦∼），講到好似唔去唔得咁！好啦，咁咪唯有去囉！山長水遠真係唔想去呢∼而且１定悶死∼=.=""

　　琴晚發現，原來我隻腳面真係瘀左！另一方面，琴晚我終於有發夢喇…好耐都無試過呢！

　　祝所有爸爸今日爸爸節快樂！仲有祝細妹牛一快樂！^^

＊６月１７日晚（二）　連遙遠也不理只想走近你　疲勞我會裝作事不關己　＊　

陽光普照的時候　我會想到你
想起你沒有想起我的模樣

　　今日臨出門口前１５分鐘先起身…好彩手我腳都仲算快o者，咁先至無遲大到喳∼今日繼續同朋友仔去打毛毛球，打完之後隻手有ｄ支力，不過我地隔離場o個ｄ男仔就真係好勁呢，打得好遠好大力呀！！唔知點解而家次次打完波我成身都會皮膚敏感，起晒紅粒。有時朝早起身都會咁架，明明我都唔覺得凍丫，點解都會紅晒呢？唉，好似比蚊咬咁，好痕喲∼∼！>_<" 打完波之後就去左食lunch再周圍行下咁，最後就去左杏花新城間Starbucks度坐左２個幾鐘∼期間當然係叫左我同朋友仔都最鍾意o既 Chocolate Frappuccino 啦∼^^坐係梳發一路飲野一路傾計真係人生一大享受，我地傾左好多野呀，家庭學業前途愛情友情乜都傾一餐，真係好暢快呢∼上一次黎杏花新城Starbucks已經係ＡＬ之前o既事喇，o個時一直都話考完試要再黎，結果到左而家先有時間去。杏花新城真係好美麗，我仲記得以前o既杏花村商場真係好「up dup」又唔多人，連我都無乜點去呢！不過自從裝修左之後真係high左好多，景又靚人流又多！如果可以係杏花新城 Starbucks 度返工就好喇，又輕鬆環境又好呢！今日全日都聽到有人手握小天使之後發出o既祝福聲，喔，我都好想試下呢∼能夠得到祝福…真係好吸引啊！

　　琴晚上網睇到呢７條問題，好似話係入FBI interview時會問o既問題…有ｄ我聽過，除左Ｑ７之後外我都知道答案（不過我所知o既Ｑ１答案就有ｄ牽強…），唔知有無人聽過Ｑ７o既答案呢？好想知道呀∼

１）企鵝肉
一個女子有一天給一個男子做了一道菜，男子吃完了後，覺得味道怪怪的，於是他問那女子，這是什麼肉啊？女子說：「這是企鵝肉」，男子沉思了一會兒……痛哭了起來，自殺了，為什麼？
２）火車
一個人坐火車去鄰鎮看病，看完之後病全好了。回來的路上火車經過一個隧道，這個人就跳車自殺了。為什麼？
３）水草
有個男子跟他女友去河邊散步，突然他的女友掉進河裡了，那個男子就急忙跳到水裡去找，可沒找到他的女友，他傷心的離開了這裡，過了幾年後，他故地重游，這時看到有個老人家的在釣魚，可是那老人家釣上來的魚身上沒有水草，他就問那老人家為什麼魚身上沒有沾到一點水草，那老人家說：「你是傻呀啊，這河從沒有長過水草。」說到這時那男子突然跳到水裡，自殺了。為甚麼?
４）葬禮的故事
有母女三人，母親死了，姐妹倆去參加葬禮，姐妹倆在葬禮上遇見了一個很英俊的男子，並對他一見傾心。但是葬禮後那個男子就不見了。後來過了一個月，妹妹把姐姐殺了，問為什麼？
５）半根火柴
有一個人在沙漠中，頭朝下死了，身邊散落著幾個行李箱子，而這個人手裡緊緊地抓著半個火柴。這個人是怎麼死的？
６）滿地木削
馬戲團裡有兩個侏儒，盲侏儒比另一個侏儒矮，馬戲團只需要一個侏儒，馬戲團里的侏儒當然是越矮越好了。兩個侏儒決定比誰的個子矮，個子高的就去自殺，可是，在約定比個子的前一天，盲侏儒也就是那個矮的侏儒已經在家裡自殺死了，在他的家裡只發現木頭做的家具和滿地的木屑，他為什麼自殺？
７）夜半敲門
一個人住在山頂的小屋里，半夜聽見有敲門的，他打開門卻沒有人，於是去睡了，等了一會又有敲門聲，去開門，還是沒人，如是者幾次。第二天，有人在山腳下發現死屍一具，警察來把山頂的那人帶走了。為什麼？

究竟係「為什麼」呢？？

就像走在沙漠中　一步一驚心
每一個景像　都像是海市蜃樓

　　今日全日都好眼訓，到左夜晚沖完涼先至醒番ｄ。雖然琴晚已經訓左９個鐘有餘，不過唔知點解起身時仍然好支力好支力，眼都睜唔開；連未夠鐘出門口坐係沙發度都要合埋眼……真係好Zzz呢∼今日結果補左３個鐘，補完之後就去左Times比ｄ野朋友仔。唔知點解今日特別支力，又好似有ｄ失落…我諗唔會係咩咩抑鬱症掛…？^^"

　　睇左１個張敬軒Homepage，雖然香港好似唔係好多人鍾意佢，不過我就覺得佢ｄ歌好好聽，而且佢有時都幾靚仔呢∼ :)

站在困亂局面中　心思反而更加澄明
因為忠於自己　所以無懼決定

　　今日下奏朋友仔１上左黎我屋企，送走左佢之後就去左圖書車還書，之後就出左去搵朋友仔２。後黎我地去左睇《衰鬼上帝》， emm…唔係想像中咁好笑（可能係我期望太大？），最好笑都算係劇中占基利整蠱個新聞主播令佢係鏡頭之前亂咁up 出醜o個一幕，呢幕真係笑到我流眼水呢！:D 其實我反而覺得套戲劇情幾好，幾有意思，唔賣搞笑都好吸引，唔似有ｄ笑片會為左搞笑而唔理內容咁∼套戲後尾真係睇到有ｄ感動架，估唔到睇笑片都會睇到眼濕濕呢∼睇完戲之後就陪朋友仔行左一陣，食埋野就返屋企lu∼今日都幾充實，聽日仲有得拎con呢！好心急想戴呀∼

　　呢排有ｄ朋友見到我info加左個放榜倒數器都走黎叫我唔好擔心呀唔好緊張咁……呃…其實我仲未係好驚喎…∼o岩o岩考完ＡＬ之後次次諗番起自己份份paper都答到一舊野o個時就會好擔心出黎個result，不過時間一耐而家諗起反而又無咁驚。如果成班friend一齊提起再訴下苦再一齊幻想入唔到Ｕ咁我就會再開始擔心，不過係正常情況之下我都仲未係太擔心住……可能係唔識死掛？不過我份人通常有野都係最後一刻先擔心，反正都仲有２個星期先放榜啦，７月先擔心囉！同埋而家日子都唔多，唔通仲唔盡情輕鬆盡情玩咩？７月３晚訓唔著先算啦∼

在劇痛的時候
唯有你才是我的止痛素與安眠藥
助我減退痛楚　令我安然入睡

　　前晚發左一個夢，竟然係琴晚４點實現左呢！我真係好少咁醒訓呢，比著係平時訓著左一定咩都唔知，連鬧鐘響細妹起身媽咪吸塵都一定嘈唔醒∼不過琴晚竟然…好神奇呀∼^^ 不過，之後就訓唔番lu…∼眼光光到６點幾先再訓得著，不過到左１０點又再醒左！好耐都無試過咁早起身喇，本身諗住去拎con先出門口，但係副con竟然仲未送到！好彩我打左電話去問先o者，唔係又白行一趟∼>_< 之後就出門口上去朋友仔屋企食魚旦粉（終於食到喇…TvT∼）同睇《Pay It Forward》VCD。呢套戲好難搵啊，屋企附近間VCD舖都無，最後要朋友仔幫我借呢∼套戲都幾有意義幾好睇，而且係由我最鍾意o既小Haley Joel Osment拍o既呢！佢真係好型仔好cutie呀！好得鍾意佢呢∼^^（不過大個左就唔靚仔喇…）雖然個結局有ｄ搧情，不過又真係幾感動o既∼都好值得一睇呢！:) 睇完戲本來無野做打算返屋企，不過朋友仔好似好唔捨得我走咁（哈哈…>:D），結果佢就提議入將軍澳去探太子爺喇∼我地寥寥然咁就坐巴士入到去，我諗應該嚇左太子爺一跳呢∼點左２個茶餐，今日又比我食到好耐好耐都無食過o既美味西多士喇…Oishi∼而且仲有炸豬扒+冰凍奶茶呢！好味道！^^ 食完之後就比叫極都唔走o既朋友仔強迫地送左番屋企，我地等左好耐先有巴士啊∼> <" 一上到車已經有ｄ頭暈，我諗係因為唔夠訓呢∼

　　返到屋企拎知道副con已經送到黎，羅埋張收據就同媽咪去左拎con。副con有ｄ綠色，咁就算無帶眼鏡都唔會睇唔到呢（最適合我呢ｄ盲人）！第一次戴係戴對dummy，戴右眼時一放就入去左，都幾易；但係唔知係唔係唔就手，左眼放左好耐都放唔到入去！當時我頭痛程度已經升左級，痛到我手都震埋，個視光師仲以為我係太緊張，猛咁叫我放鬆ｄ……唉，我唔係緊張，係頭痛呀∼>_<"" 最後卒之放到入去，不過就流左好多眼水∼學完戴就學除，第一次o係眼度拎ｄ野出黎感覺真係好怪…我成日都型住連眼角膜都會比我扯埋出黎…（咁當然唔會啦…正常情況之下…）！唔駛半個鐘就已經學完戴除+護理，個視光師話我學得好快，而且對眼夠晒大，就算唔駛睜到好大都放到副con入去∼:p 下個星期１就要去reheck lu，希望無事啦！埋單＄1200，幾個朋友仔不約而同地問我又會捨得千幾蚊去配副con…唉，無辨法喇，我散光深嘛，又無即棄型喎∼emm…千金散盡還復來呀嘛…

　　返到屋企，頭痛程度跌左少少，終是就去睇朋友仔借比我o既《Catch me if you can》VCD。睇到１２點時個頭痛到７彩，不過見仲有少少就睇完，所以就頂硬上繼續睇埋……睇完之後真係勁頂唔順，所以即刻offline上床訓。o係無食panadol （其實係屋企無panadol…） o既情況之下足足折磨左成個鐘先訓得著呀，feel住腦裡而ｄ血管一下一下咁擴張，呢個過程真係十級痛呢…直情痛到唔敢郁…T^T 由好細個開始呢ｄ頭痛就時不時都會發作…到底呢個病會唔會好番呢？

＊６月２１日晚（六）　夢裡和相遇　就毫不猶豫　大聲的說我要說　＊　　

請做好隨時跳傘的準備
因為一不小心　便會粉身碎骨

　　今朝８點９就要起身，好彩琴晚可以一覺訓到天光喳，因為我試過有一晚頭痛左一個鐘先訓到，點知半夜醒左，之後又要再痛多一次先可以訓得番∼幸好琴晚唔係咁呢，不過今日都仲有ｄ隱隱作痛∼>:( 出左去幫人補習，教o個ｄ野好似已經教過１次…不過無所謂啦，一定要講到佢都記得為止！！之後去左朋友仔屋企，食到朋友仔親自下煮包o既鮮蝦９菜豬肉雲吞+冰涼柚子梳打，真係好味道呢！^^ 食完hair下到左２點就出發去中大，竟然比我準時到達，lucky∼ 今日個talk真係好悶呢，又得自己一個，真係慘∼唯一得著係得到中大BBA入學formula一條，可以計下自己入學機會大唔大！商學院副department head話如果得3分式以下就一定入唔到，咁就唔好放o係Band A可以慳番個位；如果有3.15分就有機會入到；如果個分over3.25分就好大機會入到（只要你擺佢o係Band A）。我計過喇，入中大BBA對我呢ｄAL應該會考得好差o既人真係好著數呢，因為CE成績同AL成績weighing都係１：１，而且CE中文同Maths係double-counted呢！而家淨係計CE我已經有2.056分係手，只要我中文B到，英文有個D，再加２科D一科E我就會有多1.168分，加埋就就有3.224分！仲有0.03分就夠3.25，即係我都有ｄ機會入到啦∼好彩……！不過真係好憫呢，籌o個3.25分都咁困難，好似電視劇ｄ清窮屋企要籌＄１０但籌極都唔夠咁慘∼但願我可以考好ｄ啦，好多ｄｄ就得架喇……-_-" 去完中大o係火車站撞到同學仔，原來唔止佢，仲有另外２位同學仔今日都有黎，不過因為我係準時到達（i.e. 太遲∼），所以撞唔到佢地∼同朋同學仔１齊坐車坐到紅磡之後我就坐巴士返屋企，途中對眼好乾，唯有不停咁谷ｄ眼淚令對眼舒服ｄ∼以前成日打喊露都會打到流晒眼水，而家我就係靠呢個方法令自己分泌多ｄ淚水！原來打喊露除左可以吸入多ｄ氧氣之外，仲可以保持隱形眼鏡濕潤架∼人體真奇妙∼（又關事？）返到屋企第一時間就係除con，雖然戴左只係６個鐘，不過我覺得好似已經戴左一日咁喇！>_<"

　　雖然有ｄ無聊，不過今日走左去玩《The Book Of Answers》。問左一條問題，一睇，答案係「Yes.」！簡單而直接，不過睇完之後好滿意呢∼^^

　　今日係《Harry Potter and the Order of the Phoenix》全球發行o既日子，對於我呢ｄ睇中文版o既朋友黎講真係好慘呢（仲要中文版我都唔係買添喎∼），都唔知要等到幾時先有得睇！（雖然我連４都未睇…）到底邊個重要人物會死呀？好想知，但又好唔想知喎！噢噢噢∼>_<llll

＊６月２３日晚（一）　不想讓你發現我凌亂的腳步　我努力跟上你的速度 　＊　

這是我的另一種專長
不用深造　也能發揮得淋漓盡致

　　今日屋企停電，１２點幾熱醒左之後就訓唔番∼o係無風扇無冷氣無電視無電腦o既情況之下捱左一個鐘，之後就出左柴灣圖書館還書。借左２本Jostein Gaarder同一本李天命o既書，非常高興呢∼:) 呢１年成日都走去睇哲學書，對於哲學呢方面多左ｄ認識，而且愈黎愈有興趣…唔知大學（如果入到）有無得比我副修下咁呢？真係有點兒想讀呀∼ 由圖書館返到屋企，好難得先坐定定開始睇書，點知又收到電話要出去補習……唯有著番晒ｄ衫戴番副con執野出門口…> <" 趕到小妹妹（其實都唔「小」）屋企之後又開始係咁教oxidation reduction……聽日佢就考chem喇，希望佢pass啦！近排睇得出佢愈來愈專心，ｄ問題又開始答到，真係好呢∼見到學生乖乖又有進步我就最開心喇∼:) 補完之後就坐番車返屋企，唔知點解係坐車途上勁眼訓，對眼又好乾，打喊露都無用…可惜因為我戴住con，又唔可以合埋眼clup一陣喎，唯有不停咁叫自己唔好訓唔好訓咁啦∼！感覺有ｄ似以前返學上ｄ悶悶堂咁，哈哈∼最後終於clup下clup下咁返到屋企，即時除con沖涼食飯∼ 到夜晚本來有ｄ頭痛，不過後來就無事喇。呢排成日都係咁，個頭間中就隱隱作痛，有時又完全無事喎，都唔知想點！希望唔係ＸＸ啦！

　　今日係朋友仔２０歲生日大日子，終於脫離１字頭喇，犀利∼係度祝佢生日快樂啦∼^^

快樂與傷悲其實只是一線之差
只要能把鴻溝變成豁達
一切就能迎刃而解

　　今朝１０點出左大哈傾album，可能對眼太支力，今朝連con都戴唔到呢∼我地本album差唔多起好喇，厚厚o既一疊，見到真係好開心呢；有幾頁仲笑到我地收唔到聲呀，哈哈∼:D 如無意外紙o個份應該好快趕得起，而家VCD個rundown都起到lu，好期待呢∼我相信呢本Album可以幫我係好多好多年之後勾番起我預科o個２年o既快樂回憶呢∼希望各位同學都會鍾意啦！

　　夜晚分別睇左now.com天佑同又南o既《簡單而隆重》MTV……２套片都拍得佢地好得意呢！我諗結婚呢一樣野應該係好多女仔o既憧憬掛？對我黎講呢，結婚生仔組織家庭真係好重要架！我覺得一個女仔無論做野幾叻職位幾高成就幾大，最終都係要搵一個好歸宿呢∼（我o既思想係唔係太傳統呢？^^"）我地本album裡面有一欄係要由全班同學搵張紙寫底大家o既理想，唔知點解我諗左成晚都諗唔到……我就完全唔恨環遊世界（其實我一ｄ都唔鍾意搭飛機周圍去）又或者事業有成，諗就有諗過想出書做作家（諗喳∼），如果可以過ｄ安逸o既生活都唔錯……不過諗到最後都係最想最想有一個平凡而幸福o既家！哈哈，呢個先係我呢ｄ小女人o既終極o既理想呢！;)

感謝你的仗義相助
只要不注視我的眼睛
一切都會安然妥當

　　本來今日約左朋友仔上佢屋企睇VCD，不過因為小妹妹打黎話要補習，所以我呢個都算有Ｄ責任感o既補習姐姐就唯有放棄娛樂o既時間出左去同佢補習lu∼又係一起身就要o拿o拿聲食晏趕頭趕命出門口咁…哈哈，而家真係成日都訓到好晏呢……^^" 補左２個鐘習之後就比一個好熱心o既朋友仔拉左去登記做選民…有得係灣仔登記都唔登，竟然走左去坑口……而家諗番起都有ｄ無聊添！不過最無奈係去到之後竟然無人係度幫人做登記！（可能係收晒工！）噢！我受騙了∼∼>_<" 最後變左行商場+買野，emm…都算唔係白行一趟o既……之後我地就去左某某茶餐廳食飯，終於比我食到聞名已久o既１２號餐【西蘭花花枝蝦仁】喇∼真係*超級好味*呢！而且仲有我非常喜愛o既【是蕉炒蜆】，好味道∼:D 食完之後就坐地鐵返屋企，是日行程雖然有點XX，不過都幾開心！;) 返到屋企之後拎埋ｄ野再上好朋友仔屋企。佢聽日就去日本旅行喇，所以要趕係今晚比ｄ野佢呢。比完之後我地竟然坐係間房度傾計，真係好耐好耐好耐都無試過喇……哈哈，雖然佢只係去５日，不過竟然有ｄ唔捨得佢呢∼:p 希望佢玩得開心ｄ+平安歸來啦！

　　六月二十三日o既日記只係post左一日，已經有２個人走黎問我第２段o既內容，仲各自打埋係info添……乜…乜我咁講有問題咩？？？=.=llll

　　坐係度，嘗試抽離自己去睇番呢件事。突然間，好想離開一個月、兩個月、一年…

從窗往外眺望漆黑的大道
一點一點的光芒就如螢火蟲一般迴旋飛舞
眼中看到的　是倒影上的倒影

　　今日十點就起左身，睇下柯南上下網就出左去傾album。幾經辛苦由二點搞到七點終於比我地搞掂晒成本書喇，排好晒可以拎去印呢！今次應該係我最後一次幫襯英皇喇，以前係呢度都影印過唔少notes架∼！可能因為係大量印刷，本album比預定中平。見到厚厚o既一疊真係超級有滿足感呀∼如無意外６月３０日謝師宴就有得派lu，wow，實在太好呢∼^^

＊６月２７日晚（五）　閉起雙眼你最掛念誰　眼睛張開身邊竟是誰　＊　　

這是一門學問
只要掌握竅門　就再不可能會失敗

　　今日全日留係屋企，睇下漫畫上下網又一日。因為要搵番聽日去港大上social work workshop張通告，結果終於dig起心肝執檯……emm…真係超級亂呢，成埋雜誌睇完就咁放晒係度，圖書館ｄ書又亂咁堆堆堆上去，而大學ｄ信呀通告呀宣單又混雜其中…嘿嘿，ｄ大學見到我咁放佢地ｄ信一定唔肯收我呢∼>:p 聽日就去港大上堂，朝９晚４（搞到我以為自己已經真係入左學咁^^）∼唔知聽日到底去做咩呢？「This is meant to prepare you for university life and the work of social worker profession.」唔，希望我聽日真係可以學到ｄ野返黎喇∼

　　今日已經係６月２７日，６月３０就係album出版日同謝師宴，７月２就要去城大BBA China Business interview，而７月３就係畢業典禮。可能係７月４之前有太多野要做喇，所以到左今日我都仲未太驚住……不過我真係好唔想７月４係王老師手上接張Cert呀！呢樣野一諗起就好怕呢∼>_<llll

＊６月２９日晚（日）　我什麼都不要　知不知道　若你懂我這一秒　＊　

向前走　往後退
由此至終都沒有人犯錯
只是
時空錯了　地點錯了　身份錯了

　　今日二點收到小妹妹電話，三點就出去幫佢補習。出門口時見到o個天真係好藍好藍…好耐都無見過一個咁靚o既天空喇！;) 今日係最後一次補習喇，補左咁耐唔知佢有無真係覺得自己進步左呢？希望佢今次ｄ成績會比以前好ｄ啦∼整個補習計劃已經完成左喇，下一學年唔知佢地會唔會再搵番我呢？係一個暑假賺到＄之餘又體驗到幫人o既快樂（+辛苦），我覺得賺左呢∼^^ 補完之後去左驗眼，視光師話我戴con戴得幾好，適應都唔錯，唔知點解聽一聽之後真係覺得自己今日戴得特別舒服喎∼^^" 不過次次一起身戴都覺痛，我諗我ｄ淚水真係唔多夠∼！

　　花左一個鐘去諗方法，呢次係我第一次用咁科學o既方法去解決一ｄ根本好難用理性去處理o既問題。解決方法一共有５個，只係…我真係應該根據呢個科學方法去決定？

　　朋友仔聽日就係日本返來喇！聽日仲係我地班o既謝師宴+album出版日呢∼好期待呀∼>:D

（P.S. 此日記係o係嚴蛇隨時會出現o既陰影+四周瀰漫殺蟲水氣味o既情況之下寫成…好彩，有daddy係我背後呢∼有爸爸真好！^^）

迷戀結束　遺忘過去
天一亮　就是另一個新里程

　　今晚係中７理科班謝師宴大日子，所以我下奏就去左朋友仔１屋企拎朋友仔２部相機…好多謝朋友仔仗義相助借部dc比我呢∼雖然我都知道到時一定好多人會帶相機，不過又唔想之後周圍問人羅番ｄ相喎，所以就想自己帶喇∼上到朋友仔屋企，照常地食下飯睇下VCD，突然佢問左我一個好突然o既問題……o個一刻真係唔太知道應該點回應，所以我就要求比我考慮一下…其實我真係唔知自己想唔想呢，決定唔到…幸好朋友仔無勉強我∼結果拎完相機佢就送我去銅鑼灣會合同學們。我地因為要幫ｄ album加工，所以就一齊上左同學仔屋企。一推門入去，見到個個都著得好靚呢∼平日都好少可見到同學仔著成咁，真係好特別！執一執個樣再整埋ｄ野我地就一齊出門口，著成咁沿途都幾怕撞到熟人架！^^ 我地呢一堆人原來已經係最遲o既一群人去到佐敦地鐵站，ｄ老師已經到晒到左，好多同學仲已經上埋個場添！同ｄ老師一齊上去，個場都好近地鐵站，一上到去…wow，見到好多同學仔呢！個個都打扮得花技招展，大家真係好耐無試過咁樣聚埋一齊喇！個場好特別，有部大電視又有好多沙發…都幾似大o個Ｋ房呢∼:D 今晚o既節目都真係幾唔錯架，有王老師即席演講講「我的理想對象」，有呀騎呀呢talk show，有唔駛舉紙牌真係同電視玩o既「超級無敵大電影」，有石先生王先生唱羅記o既「激光中」，有Ms. Yan o既得意仔仔黎趁墟，仲有好多人都抽到禮物o既大抽獎…真係好唔錯+好開心呢，我都抽到Mr. Wong送出o既禮物呢！而且個場唔算非常大，所以大家都聚得幾埋玩得幾開心，真係好∼^^ 最緊要就係album今日出版，拎住一本製成品派比人的而且確係好令人興奮o既事！:) Yeah，終於搞掂！見到ｄ老師同學一路睇一路笑，真係好開心∼最後同同學仔一齊唱左一陣Ｋ，玩到１１點９先走，返到屋企沖埋涼已經點幾lu∼好疲倦呢∼雖然如此，不過琴晚都傾電話傾到好夜！嘻嘻，結果有人終於 interview 成功左呢∼由７月１日開始你就要聽晒我話架喇，哈哈∼>:) 由於interview成功，所以大朋友仔聽日寧願去街街都唔去遊行lu∼呵呵∼