留言板 
舊日記
2004年1月
|
＊ １月１日晚（四） 集各款嘆號寫落記事簿 寫得低要做得到 ＊
|
|
|
〔☆新年新計劃☆〕 新一年，一起身就周身酸軟，喉嚨又痛，好驚自己又發燒呢……好彩唔係！終於知道原來一覺訓醒發現自己仲生歐歐兼健健康康係幾重要o既事！好開心！:p
落去食完野，本來想同大朋友仔租《大隻佬》睇，點知無喎，之後就唯有去行街街lu∼陪大朋友仔睇下手提，大朋友仔又陪我睇下精品，好溫馨呢！^^..
行經某首飾鋪大朋友竟然好認真咁話想買野比我，叫我揀下睇下邊樣好…頓時真係又驚又喜呢…！其實您話買比我我已經好開心架喇，唔駛真係買比我架！唔需要任何物質，只要一個擁抱一個笑容一句甜言蜜語，我已經比收禮物更加開心lu∼^^
行完街街之後就返屋企同屋企人食飯，今日唔係做左好多野，不過唔知點解好支力呢∼要好好休息一下先得… 新一年，我希望自己可以做得更好…希望自己讀書可以專心勤力ｄ，希望自己對住您可以扭少ｄ計發少ｄ小姐脾氣，對住屋企人可以客氣ｄ有耐性ｄ，對住朋友可以主動ｄ熱情ｄ…希望自己今年可以好ｄ咁兼顧家庭愛情友情學業同莊務，舊年自己平衡得唔夠好，希望出年可以做好ｄ啦！新一年，對自己有新要求，希望自己可以有所進步啦！！^^
|
|
|
＠Dream Laboratory＠ |
|
＊ １月２日晚（五） 我們要一起高歌快樂上學去 我們是耶和華最寵愛的兒女 ＊
|
|
|
〔●大肚驚魂●〕 今朝訓到１２點先起身…整整訓左１２個鐘呀∼我諗訓咁耐或多或少都係因為我琴晚發左一個好好好得人驚o既夢：我又再一次大肚喇……！！已經唔知自己係第幾次發呢ｄ夢，總之隔一排就會夢見自己大肚一次…好得人驚呀！>_<""今次與之前有ｄ不同，係特別特別迫真，而且又make
sense喎，背景情況仲同現實一樣，搞到我一額汗呀！最搞笑係我係夢入面仲同人地講：「死喇，今次唔係發夢，原來係真係架！咁點算呀？」，醒番記起，真係好搞笑……不過真係夠喇，唔想再發呢個夢，次次夢到都驚一餐，好辛苦呀∼唔需親身經歷就深深明白到未婚懷孕o既痛苦同難處，我一定唔會做未婚媽媽架！嘿！ 無無聊聊睇左比無線cut到斷下斷下o既吒o宅頒獎禮，雖然cut左好多都覺得比其他頒獎典禮好睇…一直都覺得吒o宅好睇，好睇在唔會好似分豬肉咁咩人都有獎，又唔會話唔出席就無獎，歌手唱自己作品時又可以唱晒成首…我覺得呢ｄ係一個比較好ｄ
o既頒獎典禮o既應有條件囉，對於o個ｄ係又比唔係又比，又或者到=有獎o既頒獎典禮我真係覺得好無謂∼！睇完吒o宅，覺得真係幾好睇：睇DJ啦，睇歌手o既打扮啦，睇人感動落淚，睇人喜極而泣……見到林一峰羅獎開心到唔知講咩，覺得佢真係好得意；見到Twins，呀Gill真係好*靚靚*喔；係心目中一直係乖乖仔o既古巨基羅左２個獎呀，好登佢開心呢（開始有ｄ鍾意佢添^^"）；梁詠琪話叫左屋企人黎睇又好怕佢地見唔到自己羅獎怕佢地失望，最後終於上到台，開心到大叫「呀媽我得左喇」；容祖兒憑住自己一把靚聲一直咁努力，最後終於羅到女歌手金獎……呢ｄ場面其實都幾好睇呢∼舊年樂壇發生左好多事，但願新一年我地會有更多好歌聽，咁就最好lu∼^^ 聽日要入中大開會lu，仲未知之後會唔會返屋企…就黎開學喇，要搬返入中大，要讀番書，要少ｄ見屋企人少ｄ見大朋友仔，心入面真係好唔想呢，開始又係度諗如果XXXX咁就好……哎呀，我唔可以咁架！我應該向前望∼！！新一年，我要凡事積極ｄ先得！！>:o
|
|
|
＠Dream Laboratory＠ |
|
＊１月３日晚（日） 曾遇上幾多歌要天天唱六次 留下了幾多首我喜歡到現時 ＊
|
|
|
〔＞入宿了＜〕 今日一早就起身返到中大，我懷疑自己病仲未好，因為坐坐下車好唔舒服，有ｄ暈，想嘔……好辛苦咁企住搭到９龍塘，之後就禁唔住係月台ｄ凳度坐左一陣，等到無咁唔舒服先轉車∼好怕自己會搭搭下暈左呢，如果係咁就樣衰喇…… 開左成個晏奏會，之後返宿收拾一番+畫logo…宿舍地下好污糟喔，周圍都係塵，抹左我成個鐘呢！之後畫下野就去左NA
Can買左個外賣返宿食…自己一個食飯真係好唔慣，真係要學下大朋友仔咁獨立先得∼！８點去左知行整tablestand，整到１２點先有得返宿…不過仲有一半未整好呢，聽日又要趕工lu！返到宿又係自己一個，唔慣，好彩有大朋友仔一路睇波一路陪我傾電話…好多謝您呀∼^^..
聽日都係留係宿架喇，希望同房朋友仔聽日會返黎啦，有個伴無咁慘慘喔…（不過聽晚成晚我都會出去整tablestand喎…） 今日老友打黎問我去唔去宿營，佢話佢同男朋友黎緊weekend會去，問我去唔去；今日朋友仔打黎話7Sc聽日有gathering，問我得唔得閒；今日，外國返黎o既朋友仔話佢就黎返完工，問我幾時得閒約出黎玩………其實…我已經入左宿架喇…其實…我星期一已經要返學架喇……各位唔駛咁早開學o既朋友仔唔好玩我啦…=.=lll
|
|
|
＠Dream Laboratory＠ |
|
＊１月４日晚（一） 人大了珍惜今次不可有下次 成熟了每天都要精彩過舊時 ＊
|
|
|
〔畫LOGO之夜〕 今朝志文整野，９點幾ｄ裝修就嘈醒左我，搞到人想訓晏ｄ都唔得！結果係宿張床度碌黎碌去到十點先好無奈咁起身！今日同Jacky
farewell呀，２點同左組員去左百佳買野，之後去志文煮∼我地比人fake左呀，又話有十幾個人黎，結果得一半，搞到我地煮左２包意粉食得一包，side晒ｄ野呀！今日我有份煎牛丸＆墨魚丸＆雞翼呀，係我第一次煎雞翼呢∼嘻嘻^^
食完野之後沖涼，之後就去左知行整tablestand，不過整整下變左畫invitation
card∼我畫得好慢呀，不過出效果都唔錯，大家都覺得好呢∼實在太好啦，NABA唔可以出頹野呢！結果我就畫左３個幾鐘野喇，對手１好支力呀，不過而家反而係腳支力……知行ｄ高凳實在太唔得喇，坐左上去腳唔到地，結果吊左成日支力到我死…而家仲痛架，好慘喔∼>_<""
不過大家今晚都各自好比心機咁做野，ｄ tablestand大家都整得好靚呀，PP貼野又貼得好……我覺得同大家一齊咁好努力去做一件事感覺好好，做得好開心！^^
不過我仲有一半Card未畫呀，今晚又要自己一個努力lu！同房今晚唔返呀，好孤獨呀我......=.=llll 莊員朋友話發夢大肚係好事黎架！真係有ｄ咁o既事？哈哈∼ >v<
聽日開學啦！所有中大朋友都要努力喔！ |
|
|
＠Dream Laboratory＠ |
|
＊１月９日午（五） 每一天睜開眼 看你和陽光都在 那就是我要的未來 ＊
 |
|
|
〔開學一星期＊〕 好耐無寫日記lu，因為開左學之後忙左好多，日日返到hall就要開會print
note 沖涼畫logo…etc，有時間都hea下訓下覺，根本無咩心情打日記∼呢幾日發生左好多值得寫o既野呀，不過又懶得打…算吧啦，都係唔打lu∼ 下星期將會勁忙，首先NABA要準備inaug
ｄ野啦，之後就晚晚都要去人地inaug/諮詢，好麻煩呢∼！不過返埋下一個星期再返多２日又放假lu，Yeah！>v<
|
|
|
＠Dream Laboratory＠ |