留言板 
舊日記
2003年12月
|
＊ １２月１日晚（一） 發覺你我一樣眼淺 垂頭哭 要抱我也不丟臉 ＊
|
|
|
〔生命因*您*動聽〕 今日返左去reg PE，又一次要去U Gym補選PE，好無奈...上個sem要讀佢assign比我o既體鍛，諗住呢個sem都應該唔會再咁慘喇掛？點知d vacancy又撞晒我d時間，最後去左"不能入組"，再之後...我入左田徑呀!!!天呀，點解又係呢類型架？我唔想再辛苦咁跑跑跳跳喇!!!可惜我又太誠實，其實我可以扮上個sem都係田徑，跟住走番轉頭唔reg，可惜我都係無咁做...唉，我太乖喇......唔知體鍛辛苦d定田徑辛苦d呢...讀埋下個sem話你知丫......T^T
今日好低B呀!!!原來econ係o係UCC C1上呀，我竟然好低B咁去左C3!(平時上開C3)，結果白行一趟，好白痴呀~仲累人陪我都白行一趟添......唉唉唉~~~ 睇左"生命因愛而動聽"o既小說，睇到我情緒勁唔穩定，大朋友打黎時仲唔係太控制到自己情緒，真係失體晒...不過本書真係好好睇呀，好感動，好真摰，搞到我都睇到控制唔到自己，唉！我呢排成日都X，今日大朋友都問左我一次，而家我自己都嚴重認同...哎呀呀，我做咩呢排成日咁感性o既????
hea左一個週末仲未有mood讀書，呵呵~
******************************** 「生命中最可怕的不是死亡...... 「生命中最大的神蹟就是...... 「她不是死了，而是完成一生使命，光榮的回到天父的身邊。 「今天我們雖然分離，但信主的人，必會在天家重聚，永遠不再分開。
********************************
「在世界上，很多人都想找到天使，又我就見過一次。她的身上滿佈傷痕。」 「疾病這東西最沒有階段觀念，不論你之前多風光，多有錢，總之一碰上也要倒下。」 「你們是否願意？在上帝面前立下盟誓，要彼此相愛，一生也忠於對方，不論是貧是富，健康患病，仍然要愛他。」 「你知道為什麼結婚時要在教堂交換戒指？待大家也回到天堂時，就用這枚戒指去相認她所愛的人。」 「有一天，我走完我的人生路，我也會在那兒與他永遠在一起，不再分離。」 「也許人生有得，有失，我們才會學懂如何去珍惜及欣賞這世界，原來是這麼美。」
********************************
「人的愛可以很長，可以經歷生生世世，甚至永恆，可惜人要面對的人生卻很短暫。」 「如果有一天我的靈魂回來，看見萬鴻，我想如果我看見他，抱著一個姊妹，當然我會很妒忌；但若然我看見萬鴻孤單一個人，為了懷念我，他在哭，我覺得我寧願妒忌，我妒忌時最多是我痛苦，如果看見他孤孤單單一個人，痛苦的卻是他。」 「如果神真的要收回我的性命，我最後的一個要求，是要神為他預備一位姊妹，她要比我好，比我更疼他，可以彌補他失去太太的痛苦。」 「為何我感到神的不離不棄，因為祂差派了一群對我不離不棄的人來陪伴我。」 「病，不一定要絕望，病人，亦能對人生有希望，對人生有抱負。患病前，我已很熱愛生命；患病後，並不代表我甚麼也沒有。」 「人就是這樣子，人生如果未曾經歷過患難，我們不知彼此之間的感情有多深，如果不面對這麼大的危難，你不知道自己愛他有多深，多真摰；所以人在苦難和疾病中，確實不是一個人面對。」 「充實生命，用生命去影響生命，如果你要以生命影響他人的話，首先你的生命要被充實。當你充實了自己的生命時，你不要少看這生命的價值，它流露出來的力量，是可以很大的。你會影響到其他人的生命，活得有意義，活得更精彩，我時常提醒自己，要努力活下去。」
********************************
唔知點解,我覺得自己呢排係呢方面諗法好似有ｄ唔同左...我覺得，可能神已經派左佢，令我開始改變...我唔肯定,不過就係有呢種感覺... |
|
|
＠Dream Laboratory＠ |
|
＊ １２月２日晚（二） 這個玻璃軀殼 不算是主角 但很想聽您講 疼愛的是我 ＊
|
|
|
〔溫書日〕 今日開始讀econ,下奏讀左一課之後就同mama出左街…最後竟然係o係G2000買左2件恤衫(襯suit用),完全無預計過會買d咁o既野添~~好彩最後都買左件褸比自己,哈哈^^返到屋企,繼續努力溫書,好乖呀~(因為星期5朝早就要考econ…)
大朋友您都要努力呀!! |
|
|
＠Dream Laboratory＠ |
|
＊ １２月３日晚（三） 您夢幻跟我組合 來日要製造班霸 訓練孩子騎木馬 ＊
|
|
|
〔在家千日好＊〕 全日留係屋企溫econ,讀到7788,不過感覺上好似都無讀過d咩咁,好多野又唔知背唔背好,唔知會考成點呢?不過d人咁勁,怕且我岩到8成都要below mean lu~~ 夜晚媽媽拎左d首飾出黎,我讀讀下書又8卦走左去出睇~聽媽媽同爸爸講返每一件首飾o既來歷同故仔,感覺上好似經歷返佢地o既青春同我o既童年咁...雖然而家比我都唔會帶d金器出街,不過當我見到我細細個戴過o既o個條金鍊時,唔知點解真係好有衝動戴番~(可惜個扣已經壞左)我見到爸爸送比媽媽o既結婚戒指,手鍊,頸鍊...眼前就好似見到佢地新婚時o既幸福同回憶...第時我都要好好咁keep起呢d飾物先,因為到我有仔女時,我都要拎番出黎比佢地睇下~嘻嘻~ 呢幾日日日都訓好多個鐘...好舒服,朝朝都唔捨得起身^^~ 我好似留左係屋企好多日咁lu,而家完全無mood返中大...始終呢度先係我屋企,日日訓都訓得開心d! 不過好似好多同學仔而家日日都係中大...點解會咁o既?點解佢地唔返屋企o既??又或者...點解人考試我考試,我會咁得閒,又返到屋企o既??點解o既~~? (哎呀,學左嘉慧添~~!) 今日全日send左好多SMS添^^ 近期推介：鄭蓉--小神仙(唔知點解,我覺得好有聖誕feel...) ,浮沙,
終生學習 |
|
|
＠Dream Laboratory＠ |
|
＊１２月４日晚（四） 和您結婚一生怎會只生三四五六個 要儲夠二十二位跟您競逐過 ＊
|
|
|
〔偷懶...〕 今日無咩mood溫書,又去左hea...哎呀,d econ好似溫極都唔熟咁o既?好多野都唔知背唔背好...唔知點...書通到而家都未溫,聽講用common sense都答到...不過我印象中自己好似無咩common sense......=.=""" 頭先聽新聞,外國有個爸爸係網上拍賣個腎(for HK$百幾萬),因為要幫個女籌$睇醫生...父母o既愛真係好感動呢~如果我有→∞既$,我一定會免費捐比呢個爸爸呢...... 好想快d到聽日呀~好想快d見到*您*^^ |
|
|
＠Dream Laboratory＠ |
|
＊１２月５日午（五） 慶幸有著您 帶著每日裡最新鮮 世界最美的給我 ＊
|
|
|
〔等考試~〕
而家等緊考書通,好眼訓,不過又唔見得可以訓好耐,所以都係算吧啦~~頭先econ d long question好深(我個人覺得),3條都唔肯定,睇怕o個35%都係凍過水…MC還可以,不過我讀唔熟,所以有d都係撞~算啦,考左o既野我係唔會再諗架!要向前望! 今朝7點起身,返學時好有走讀生feel,哈哈~^^  |
|
|
＠Dream Laboratory＠ |
|
＊１２月６日晚（六） 期待用我心情 激起感動神經 ＊
|
|
|
〔跑吧！孩子！〕
睇左2套戲,“無間道２”真係麻麻,絕對無第一集咁好睇~不過睇左1唔睇2又好似唔係幾好,所以都睇左~好彩睇VCD平o者~~另一套係“跑吧！孩子！”,呢套就真係好好睇喇,又睇到我喊咁口,唉~:p
無辦法啦,最受唔住d小朋友做苦情戲~ 套戲個女仔雖然唔可愛,但做得幾好,尤其係對眼充滿眼水o個個樣,真係會覺得佢好好好慘架~* 套戲好有意義,又有內容,之前我都想睇”小鞋子”架,不過無睇;而家睇呢套仲好啦,d小朋友d樣仲熟悉,仲有親切感~真係好好睇呢~^^
近排睇左3套戲,3套都好好睇呢~大朋友仍果然有眼光^^ |
|
|
＠Dream Laboratory＠ |
|
＊ １２月７日晚（日） 浪漫是您陪著我 世界美境或太多 我卻看到的只得一個 ＊
|
|
|
〔搬遷日〕 訓左10個鐘，起身之後就用左３個鐘整diary...終於比我將d野搬返晒黎呢個網址喇！講到尾都係自己用dreamweaver整日記靚d有個人風格d∼雖然係就係麻煩左小小，不過為左靚，麻煩少少都無所謂啦∼^^
反正我呢排得閒∼晏奏就開始溫account，不過讀左好耐都係得課幾....唔知點解全日都覺得好好好眼訓，唔知係唔係因為之前夜訓左，所以之後就算訓返多ｄ都補唔返呢？夜晚用用下電腦什至會有ｄ暈o既感覺...好辛苦！我諗有ｄ野下次真係要『適可而止』喇...
|
|
|
＠Dream Laboratory＠ |
|
＊ １２月８日晚（一） 若我不普通 變得堅毅無忌 幕後有一個最大原因：因為您 ＊
|
|
|
〔疲倦了!〕 好遲好遲先起身，今朝又唔舒服，個人又好支力…應該唔係有病，不過就係個人無咩力，唔知想點∼成朝都hea左，到左３點左右先開始溫account。Account真係好複雜呀，讀左咁多日都係讀左３課喳，仲要好唔熟添！天生對於錢銀唔敏感，又最憎執數，所以對住ｄaccount真係Ｒ晒頭！下個sem仲要讀呀∼好彩我唔係PAC喳……呢幾日讀書精神都好唔集中，又好心散；以前我都已經好懶架喇，比起以前而家o既我仲懶…唔知係唔係人一升上大學就會開始鬆散o既呢？我ｄ成績己經由初中o既優秀期一路就係咁跌，一年比一年差，希望到左谷底可以反彈啦∼（不過我無咩心機讀書已經係不爭o既事實……）見到大朋友咁努力讀書咁認真，我一定都要比多ｄ心機先得！！ 今日全靠有您o既支持，我先集中到精神溫書！多謝您呀！^^
|
|
|
＠Dream Laboratory＠ |
|
＊ １２月９日晚（二） 能伴您走
無論人在哪 風光永如畫 不需多牽掛 ＊
|
|
|
〔無心戀戰@_@〕
夜晚偷懶去左睇電視，今集《新丁實務科》請左周國賢，睇睇下原來佢都幾靚仔架喎，講野把聲仲好好聽呢添呀∼今集ｄ小動物都好可愛，搞到我都好想養小動物呢！不過我呢ｄ自己都搞唔掂o既人怕且都係唔適合養任何野，而且第時住hall我一定會好想拎埋佢返中大呢…咁到時新亞可能唔止有志文貓lu∼^^ 聽左好多次，到左今日先突然間發現Cheers
o既【十年約會】好好聽……聽聽下仲覺得幾有聖誕feel呢∼之前都唔係好熟呢個樂壇新組合，不過睇左個MTV之後就覺得３位成員都各有特色：Wattie唱歌唱假音都幾好聽，講英文仲好好聽添；Stanley就好日本大男孩feel，唱歌都好好聽；Selina把聲就好靚…首歌唔少位都好高音呢，不過佢都唱得到，好犀利呢∼雖然唱歌唱得好，不過唔知呢隊組合係香港有無得發展呢……？ |
|
|
＠Dream Laboratory＠ |
|
＊１２月１０日晚（三） 試過了 沒結果 不管怎樣出錯 我只想今後好過 ＊
|
|
|
〔炒Account
+ 頹讀語精!!〕 考完account喇，一如我所料，真係唔識呢！考完聽到前面有人話「long
quest好易，早知做左long
quest先啦」，聽到真係極度無奈……我正正係做左long
quest先呀，不過都唔見得做得好好……仲有ｄ
MC呀條條都要人計一餐，我無溫到１－６課，佢就有一半題目都係問呢幾課，真係好灰呀∼一路做就一路撞，真係計都唔識計+無從入手時就撞Ｃ……哈，第一次做卷做到咁灰！今次個exam佔50%，上次個test我都係mean左右，唔知最後會拉個咩grade出黎呢？希望唔好要retake之餘都唔好太低啦∼ |
|
|
＠Dream Laboratory＠ |
|
＊１２月１１日晚（四） 祈求那天 若是大家出現 冬天變夏天 ＊
|
|
|
〔考晒試喇喇喇~!!!
XD〕 考完晒試即返屋企，本來好想去玩去輕鬆下（雖然我無緊張過），不過坐坐下車返屋企時個人好暈……呢排身體成日唔舒服，好易頭暈，仲會暈車浪同作嘔作悶，大朋友仔話我可能血壓低，我自己就怕係有咩病…結果今日成個下午都留係屋企休息∼好支力呢∼一陣都係恰下先∼
=.=llll |
|
|
＠Dream Laboratory＠ |
|
＊１２月１２日晚（五） 由點火的那一瞬間 鐵盒的序已經不變 ＊
|
|
|
〔Ｄay Ｏf Ｈea∼〕 琴晚無聽到莊員電話呀！！佢地唱Ｋ唱天光，我諗真係會好開心呢∼下次莊聚一定要到啊∼ 有人好似重蹈緊我覆轍，有ｄ擔心添…不過是但啦，我而家都無事啦，我諗佢都應該唔會有咩問題掛…總之唔好不能自拔就得喇……
|
|
|
＠Dream Laboratory＠ |
|
＊ １２月１３日晚（六） 我戒不掉 他的微笑 洋溢幸福的味道 ＊
|
|
|
〔天生購買狂^^〕 今日無出街，留係屋企又咩都提唔起勁做，悶到我心情極之底落，本來真係幾唔開心架；不過４點幾o個時就同左媽咪出街，仲買左好多野，心情就１８０度改變，好開心呢∼^^
雖然買錯左野之後返到屋企搞到夜晚又要拎番出去換好麻煩，不過見到有收獲，心情真係靚靚呢∼女人果然係鍾意shopping！^皿^
唔想日日留係屋企呀，好想出去玩呢∼咁早考晒試其實唔代表有得玩，因為我ｄ好朋友仲未考完啊啊啊∼慘∼！T^T
|
|
|
＠Dream Laboratory＠ |
|
＊ １２月１４日晚（日） Angels
we have heard on high Singing sweetly through the night ＊
|
|
|
〔*Family
Day*〕 今日全日留係屋企唷，仲上左一整日網……哈哈，我都覺得自己好勁，咁都竟然可以hae到一整日，勁野呢∼呢２日都收到消息，原來有２個好朋友仔分別會係１２月２６同２７由外國返黎香港呀，到時就可以約齊人出黎玩lu，期待期待呢∼^^
不過我好似有個朋友仔都返左黎香港十幾日，但係十幾日都去左返工，唔返工ｄ時間又要留番比某人，真係想見下都難啊……>v<（不過聽到我咁講，佢又一定會話『你夠成日要陪呀邊個啦，我夠難約你咯……』，嘿∼）聖誕真係一個好開心o既節日呀，又有氣氛，又有靚靚燈飾睇，又唔駛讀書，又可以見到好多朋友，之後仲有要除夕倒數，慶祝活動一浪接一浪呢！呀∼抵我咁鍾意聖誕∼^____^ 聽日一訓醒就可以同朋友仔出去唱ＫＫ喇，好開心呀∼ |
|
|
＠Dream Laboratory＠ |
|
＊ １２月１５日晚（一） 相愛
十日就算不見 不見 十日後更掛念 ＊
|
|
|
〔行銅鑼灣∼〕 今日同左朋友仔去唱Ｋ喔…不過唔知係唔係因為少人唱，間房太凍，又或者唱得耐會無咁珍惜（可以由１１點唱到４點呢…太多喇…），我竟然唱唱下都無咩mood唱落去，同朋友仔２點就走人lu∼有點可惜呢，不過我竟然對唱Ｋ失去興趣，真係有ｄ不可思議∼:P
離開左Ｋ房之後就怒行銅鑼灣，買左ｄ野比自己又買左野比人，然後我地就去左食美味o既壽Ｃ，好飽飽好滿足呢∼同朋友仔分道揚鑣後返到屋企附近又買左好多野……哈哈，最後銀包只係剩番十幾蚊呢…之後仲有排出街喔，睇黎真係要慳ｄ呢∼^^ 今日差ｄ唔見左大朋友仔送比我o既禮物呀，好彩最後搵得番喳，真係一額汗！一發現唔見左o個時真係嚇死我呀，因為實在太有紀念價值喇，唔見左我會好好好心痛呢！！最後失而復得，真係好開心呀∼TvT
雖然返到屋企都發現跌左隻耳環，不過算啦，當係隻耳環幫我擋左「唔見野」呢一劫，光榮咁殉職啦∼最緊要大朋友送比我o既野無唔見，咁就夠lu∼！ |
|
|
＠Dream Laboratory＠ |
|
＊１２月１６日晚（二） 有沒有終點
誰能知道 在這塵世的無間道 ＊
|
|
|
〔無間道３之終於睇左∼〕
去左睇《無間道３》，因為有左心理準備內容會幾亂，所以由頭到尾都好比心機睇；再加上有大朋友不時o既提點，慶幸自己對於了解劇情都無出現太大o既問題∼不過走o既時候都帶走左ｄ疑問呢，譬如一共有５個臥底，但係點解數黎數去都係４個啦；黎明到底係一個咩角色啦；劉嘉玲最尾o個一槍又有ｄ咩深層含意啦……諸如此類∼走o既時間帶走ｄ問題，不過都覺得套戲幾好睇，話晒咁夾硬要拍完一套又一套都可以拍到呢個效果其實都已經好好，係複雜同亂左少少，不過聽講呢種拍法係參考唔知咩咩咩大師o既咩咩咩手法，其實都幾勁下∼^^
之後再上網睇番好多資料，終於完整知道晒成個故事到底係點，驚嘆劇本之餘就覺得成套戲其實都真係幾高水準！好多人都覺得《無間道》一集不如一集，不過我又唔覺得３真係咁差，反而ｄ主題曲就真係愈黎愈唔掂，聽Beyond同李克勤唱，真係好無feel呀∼！我覺得今次ｄ演員好好戲呀，個人覺得陳道明真係好得，一行出黎就好有勢；黎明都還可以，成日都無咩表情咁，似晒佢本人；梁朝偉個角色今次都演得幾搞鬼，尤其係佢食蝦餅o個度，真係好搞野∼佢同劉德華今次個角色就有好大對比…睇完之後其實真係好同情劉健明，行錯一步之後就返唔到身真係好慘呢∼劉華今次拍得好好呀……下次影帝都應該輪到佢喇掛？ |
|
|
＠Dream Laboratory＠ |
|
＊１２月１７日晚（三） 是誰
在敲打我窗 是誰 在撩動琴弦 ＊
|
|
|
〔無得組聚呀!!!!!>_<..〕 |
|
|
＠Dream Laboratory＠ |
|
＊１２月１８日晚（四） 然後要記事
記住我學習成熟 每日多一吋力度 ＊
|
|
|
〔開會嚕！〕 |
|
|
＠Dream Laboratory＠ |
|
＊ １２月１９日晚（五） 要記事
記住我的進步 陪住您 進入下年度 ＊
|
|
|
〔→網上著衫公仔遊戲←〕
今朝好努力咁做stat
project，做到１點幾終於起左個draft喇∼完成左個draft之後即刻上網hea，因為小銀o既介紹就去左個【網上著衫公仔遊戲網】玩……一玩就玩左成個下奏呀∼原來小銀無講錯，真係會玩上癮架∼^^
自己細細個都有玩barbie，不過就好少會去買好多衫比barbie換；大個左已經無玩呢ｄ野lu，不過頭先上網見到ｄ公仔樣幾靚（不過靚o既樣得o個一兩個…），ｄ衫又多款，而且仲有背景揀呢，真係好吸引呀∼同類o既網我都玩過，不過ｄ野就無咁多款式咁好玩呢，所以一上到去就沉迷左落去，好似自己去shopping咁，見到件件衫都靚都想著上個公仔身呢∼大朋友仔２點幾打黎o既時候問我做緊咩，我話「換緊衫∼」；到左５點幾打黎，我依然都仲係「換緊衫∼」！哈哈，比佢話我無聊呢（雖則其實都幾架…），不過見到我整好o既圖佢又話好似喎，嘻嘻∼搞到我又好有動力咁繼續整落去呢，哈哈！不過男女ｄ樣得一兩個係靚，其他就好醜怪，所以用黎用去都係o個幾個呢∼不得不提，整好左o個ｄ圖絕對係比真人靚身裁正皮膚好…架，不過像真度都幾高架（我覺得）！:p
如果個網可以再多ｄ景同物件，而且又有中文版（ｄ日文睇到我眼都花，開頭想著對鞋都要搵一餐先搵到個button呢∼）同埋load快ｄ咁就perfect喇！（不過咁樣我會更加沉迷呢……）玩左一日好似有ｄ內疚添…其實我今日應該諗下NABA
logo同寫聖誕卡架……=__=lll
|
|
|
＠Dream Laboratory＠ |
|
＊ １２月２０日晚（六） 嘗試天天謹記每點相處的甜味 能夠學懂怎親您定會很回味�<＊
|
|
|
〔水洩不通＠旺角〕 今朝比個鬧鐘fake左，我見到個鐘顯示９點半，本來諗住早ｄ起身睇下報紙食下早餐啦，點知刷完牙先知已經十點９，極度無奈囉…人地本身諗住十一點出門口架…唉∼自己一個搭地鐵去佐敦搵大朋友仔，沿途不停地"目及"仔…哈哈，係"目及"ＢＢ仔先o岩∼今日見到好多小朋友呢，好得意喔∼到左佐敦之後行左去poly搵大朋友，然後我地再一齊行去旺角…嘩，旺角真係超逼呀，去到邊都係咁多人，尤其係ｄ商場，有時真係行都行唔到架∼勁多人呢∼無辦法啦，今日星期６，ｄ中學生又開始放假喎，旺角ｄ咁o既地方就當然多人啦！今日買左靚靚頸鍊，大朋友又送左耳環比我，我地仲發掘左一隻好香好好味o既燒魷魚絲，係街上毫無儀態咁食（大朋友：您不嬲都無儀態架啦……），好開心呢∼雖然我地今日見得o個幾個鐘，不過都好幸福呀∼^^
之後大朋友要趕返屋企，我就自己一個人坐火車去９龍塘，其間匆匆咁去左又一城買左ｄ野…又一城ｄ電梯好麻煩呀，我要去最高o個層就要係咁兜來兜去先去到，行到腳都軟！今次又係急急腳走人，無咩時間欣賞o個棵極靚極閃聖誕樹添∼呢個聖誕我已經係第２次黎又一城喇，次次都好匆忙呢，哈∼離開左又一城之後就轉地鐵返屋企，沿途唔係諗NABA
logo就係o係度睇人地ｄ小朋友…哈哈∼講到自己有ｄ似變態婆添∼XP
|
|
|
＠Dream Laboratory＠ |
|
＊ １２月２１日晚（日） 能伴您走
無論人在哪 風光永如畫 不需多牽掛 ＊
|
|
|
〔= 纖體工程 =〕
好努力咁幫hard disk先生進行減肥計，事緣我o既C Drive係我肆無忌憚地save o野o既情況下宣告破產，只係剩番幾十Ｍ空位…忍痛咁delete ｄ其實save左都唔會睇番o既圖/download左又唔用o既software/聽左幾次就無聽o既歌…再將有紀念價值o既相/歌/文件pack好，下次返到中大就叫細妹send比我再燒落碟先∼哈哈，單係呢一項瘦身工程就做左我成個晏朝喇！真係好麻煩呢∼ 電話較左震機又無電又唔記得叉，最後仲熄埋，搞到大朋友仔今日搵唔到我呢∼一見到電話熄左即時打比大朋友仔…真係好掛住您喔！！ |
|
|
＠Dream Laboratory＠ |
|
＊１２月２２日早（一）至２５日凌晨（四）
喜歡您 那雙眼迷人 笑聲更動人 ＊
|
|
|
〔快樂的聖誕前夕〕
２２號，好開心呀，同到大朋友仔去唱Ｋ…識左大朋友仔咁耐第一次同佢單獨去唱Ｋ呢！我知道佢唔係太鍾意唱歌架，不過都肯陪我，所以真係好開心呢！聽到大朋友唱歌比我聽，好開心呀∼唱完Ｋ之後路經馬會入左去買左呢生人第一次買o既６合彩，今次聖誕金多寶有４千３百萬呢，於是就同大朋友仔一齊夾份買左＄２０lu∼買完之後不停咁幻想中左頭獎之後點用咁大筆錢…大朋友仔話要損一成比嶺南大學呢，又話要捐比教會同慈善機構，好有善心呀∼相反，我淨係o係度諗點駛筆錢呢……^^llll
之後我地去左又一城睇閃閃聖誕樹…終於比我真真切切咁睇到棵水晶聖誕樹喇，真係好靚好閃呀∼^^ 周圍行下睇下影下相，之後因為一ｄ小事我又發脾氣，搞到要大朋友仔不地咁tum我先無事∼後來我地就買左外賣返去睇【魔戒二VCD】lu∼其實【魔戒一】我已經唔記得７７８８lu，好彩大朋友仔好有心機咁係我身邊解釋比我聽，我先睇得明【二】喳∼原來【魔戒】真係好好睇架，到左今日先發覺添！^^" ２４號，返去開會，不過遲到…但係o係小巴上撞到o岩o岩去完台灣o既莊友仔，好橋呢！沿途同佢不停咁講去台灣ｄ野，原來我地都曾經住過同一間酒店呢∼哈哈，突然好想去多次台灣添！開會開左３個幾４個鐘，之後我就返去搵大朋友仔，點知原來佢剪緊頭髮，仲有排整，而且ｄ野又未買喎…開頭真係有ｄ埋怨架，因為我地買左飛睇【魔戒三】嘛，搞到ｄ時間好「憫」咁，都唔知會唔會遲到呢…不過後來見到大朋友仔其實都已經好早落去剪，又剪得幾好睇，仲要染到同我差唔多咁o既色咁就算啦∼^^
剪好之後大朋友就跑返上去換衫，我就去左買Ｍ記入場食∼之後我地就趕去睇戲lu，好彩o岩o岩好準時入場，大朋友仔仲有時間出去買爆谷呢∼一坐就坐左３個幾鐘，真係絕無悶場呢！不得不提，係套戲入面精靈Legolas真係超型呀∼最鍾意佢同Aragorn呢∼:D
睇完戲之後就周圍行下，去左買米同ｄ日常用品，大朋友仔仲買左mp3添呀∼之後就返到去時大朋友就用我講今晚唔駛煮飯喇，因為佢買左個聖誕蛋糕…突然間好感動呢，原來佢偷偷地咁買左個蛋糕同我慶祝，為我做左咁多野我都唔知道…！陪大朋友整左半個鐘mp3，之後就一齊食蛋糕睇電視，然後先出門口去尖咀睇燈飾∼去到尖咀第一件事就係去搵朋友仔，佢今年係度擺檔做生意呢！大朋友仔買左一頂閃閃聖誕帽比我，我諗我都有ｎ年無戴過聖誕帽喇！之後我地行去海旁，雖然已經係點幾，不過都仲有好多人係街上面，超逼呢！今年ｄ燈飾唔係太靚，而且海旁好短喳，行一陣已經行晒∼因為我已經好支力，所以之後就走lu∼係地鐵上我支力到郁都唔想郁，好彩有大朋友仔陪喳…一上到床就即刻訓著，支力到死呢∼不過我完全無諗過，呢個就係病o既先兆…… |
|
|
＠Dream Laboratory＠ |
|
＊１２月２５日早（四）至２６日（五） 我只想 身體健康 要活到過百歲不需拐杖都可跟您相擁 ＊
|
|
|
〔病倒了！〕 「都叫你著多件衫啦…平安夜一定玩得好夜啦，係唔係？」 「我都要檢討一下，學下點照顧人！幾日就搞到您病左，我都好內疚呢…」 如若我 患了傷風 怕就怕您惹了我的咳嗽 我不要做弱質病人 變一個負累您不幸 我只想 身體健康 我害怕您要照顧我擔心得出一臉倦容 我只想 身體健康 看著您替我蓋被 關心得心有點痛 那刻您問我為什麼流淚 其實我哭並不是因為病得很辛苦 得到您這般的愛護我 眼淚這刻難自控 finally, I realize
that the most precious gift in Christmas, is neither money nor jewelry,
but Love and Health. |
|
|
＠Dream Laboratory＠ |
|
＊１２月２７日（六）至２９日（一） 要過今晚 或許艱難 借我厚冷衫 ＊
|
|
|
〔悶〕 留下我似個小孩獨自冀盼… 呢幾日都好悶…留係屋企上下網（不過我電腦個Internet
explorer壞左…），畫下logo，同大朋友仔傾一陣電話，訓下覺又一日…眼見人地個假期就放到月底，自己都個假期就得番幾日（其間仲要抽時間去開會搞莊務），咁樣虛渡緊ｄ日子，感覺好浪費……不過而家o既我其實咩地方都唔想去，咩人都唔想約，心入面只係想……唉，都係算吧啦，唔想諗太多… 自從病左之後低落o既情緒不停咁包圍住我，好易唔開心，好易諗埋一邊…好討厭呢種感覺…… |
|
|
＠Dream Laboratory＠ |
|
＊ １２月３０日（二） 出年 我要記得今天 可以翻揭手記睇下邊頁最閃 ＊
|
|
|
〔∼開心聚會∼〕 今日下奏去左觀塘同ｄ莊員整tablestand…個design好快就已經出左，之後我地就一齊去搵物料，然後好努力咁整整整∼雖然唔算整得好靚，不過最後個tablestand都企到兼轉到呢！^^
好開心∼^^ 搵左大朋友一陣之後就出左銅鑼灣join番ｄ舊同學食飯…原來已經年半無見同學仔啦，時間過得真係快呢！同舊同學仔坐係Starbucks傾計，大家講下自己呢年o既趣聞，雖然(我)好餓不過都好開心心！:)
等埋City o既同學仔學完舞之後終於有得食飯喇，成半個鐘無野落肚，一食完成個麵之後個胃就開始痛…咁o岩同我一樣叫左豬軟骨拉麵o既同學仔都肚痛，令人不禁懷疑個麵唔知有無問題……不過縱然唔舒服，食完飯我地都一樣去左隔離間杏花樓食糖水∼我叫左碗冰花燉蛋呢，印象中好似係第一次食燉蛋，都幾好味架∼（如果個肚無咁舒服就應該會再好味少少）之後我地就走lu，雖然今日唔係見左好耐，o岩o岩先病好就去到１２點幾先返到屋企，不過我都覺得不枉此行呢！期待下一次大家o既聚會∼希望我得閒啦∼！ 返到屋企沖完涼再整埋莊ｄ野再post野上newsgroup…整整下２點先有得訓呢！好支力支力喔，希望聽日起身唔好發燒！ 一朝就比收音機嘈醒，收到梅艷芳離世o既消息…唯一感覺係好突然！梅艷芳好多歌都好好聽架，好真係可惜呢！身體健康真係好重要架…大家要好好保重！！！ |
|
|
＠Dream Laboratory＠ |
|
＊ １２月３１日（三） 今天
值得記念 將會因你長進點 我想得最好一年 ＊
|
|
|
〔03
bye bye！〕 老喇，人年紀一大就開始唔鍾意大時大節上街狂歡慶祝……今年同大朋友選擇乖乖留係屋企渡過03！租左２套VCD，一套係《魔盜王-決戰鬼盜船》，而另一套係《40
days and 40 nights》∼前者有魔戒o既靚仔射手Orlando
Bloom做主角喔，今次佢唔再白白淨淨，下下出招都乾淨俐落lu，反而又比人扑暈又比人整到成塊面都係泥都係沙呢！好彩始終都係做正派，仲有同女主角熱吻o既場面添…有ｄ唔慣之餘又好得意，哈哈∼
而另一套就比我想像中正經ｄ，並無瘋狂爆笑o既場面出現∼睇完戲，靜靜地、好舒服咁坐係度倒數，我地好齊心咁迎接新o既一年。對於我黎講，０３同其他年都無咩分別，無特別令我唔開心o既事發生，開心o既事亦有唔少；不過０３年係社會上，似乎真係好艱苦o既一年∼告別０３，但願呢ｄ衰野都快ｄ快ｄ離開我地！新一年，我希望屋企人同每一個好朋友都健健康康開開心心！我o既０４年o係您o既陪伴中開始，由０３愛到０４再愛落去，但願我地o既愛能夠橫跨新一年！我愛您，我愛你地每一個！ 新年快樂∼！ |
|
|
＠Dream Laboratory＠ |
|
[★２0０3年大事回顧
★]
|
|
|
〔０３大大大事回顧！〕 最開心：→瘋狂７Ｓ← 最難捱：【非典型高考】 最悶：…無聊之提早暑假… 最幸福：＊心中最愛＊ 最大打擊：４２０２？ 最大改變：新生活．宿舍生活 最大決定：！上莊！ＮＡＢＡ！ 最病：＜大病一場＞ |
|
|
＠Dream Laboratory＠ |
今日早左起身呀，不過讀書都唔係高效率左好多…今日讀o個幾課有ｄ都幾易明，不過有ｄ地方就睇極都唔知佢想點…ｄ數都唔知點乘出黎o既，搞到我愈計愈無心機，唉∼不過捱埋呢科就一天都光晒架喇∼我一定要支持落去呀…!!
今日見到呢幾格圖，好搞笑呢∼睇完真係突然間好想華仔羅影帝噢∼
-︿-""
