而家o既日子真係頹廢到極點！只係考晒試一個星期o者，我已經hair到hair無可hair啦！好想出街好想搵野做好想行街呀，最衰都係肺炎啦∼我估仲要等多３個月左右政府先會控制到個病況！而家o既感覺就好似比人軟禁咁，唔知距離可以自由o既日子仲有幾耐呢？整homepage整到有ｄ悶，我諗今次應該有排整掛？今次如無意外都要６，７月先會整晒。比起上次，「要努力完成」o既堅決志氣已經不復再，或者呢個就係整極都整唔晒o既原因啦！

　　朋友仔話你怕羞，我都希望你只係怕羞而唔係其他原因。到底你個腦諗o既係咩呢？我真係估唔到呀！

累嗎？
你已經在我的腦海中走了整整的一天了
是時候休息了嗎？

　　細妹開始返學啦，而我亦就黎頂唔順呢ｄ日子！我真係有試過上網睇下有咩工架，不過我發現我實在欠缺一樣好重要o既野：working experience！大佬呀，你都唔比機會我，我何來會有工作經驗呀？唔係我唔想做，不過真係搵唔到，又無人介紹喎∼唉，夠喇，我唔想再做廢人喇！我係唔係應該搵ｄ野學呢？而家甚至連街我都無得出呀！其實我都唔知屋企人諗咩，我已經考晒試啦，日日出街都唔過份喎（我覺得），更何況我都唔係成日出？好似驚死我會肺炎咁！咁好啦，你就睇住我日日都全日online全日hair囉，睇下邊個頂唔順先？哼∼

　　琴晚睇icq history睇到１２點幾，比朋友仔話我痴Ｘ∼真係咩？其實你都應該明架，仲記唔記得你o個時講過一句野叫做「掛念時ＸＸＸＸＸＸＸ」？琴晚我就完全陷入左呢個狀態！

　　呢排我每一餐都食少左２０－５０％呀，成日都好快就唔覺得餓，唔知係唔係有病呢？...但願我唔係茶飯不思∼！

如果你運自己想要的東西也不肯爭取　總是願意將之拱手讓人
那麼　我又應該憑甚麼去爭取你呢？

　　琴晚我又做左一樣好耐都無做o既野lu，就係傾通宵電話！好開心呀，同朋友仔由天黑傾到天都光埋（仲有埋雀仔叫添），玩「大踢爆」玩左成晚！^^因為朋友仔有好多野其實我都知，所以我相信朋友仔琴晚一次過所知道o既野比我仲要多！其實我一早已經想講你聽架喇，不過我又驚講左會嚇親你，而且真係唔知點開口話比你知嘛，所以先一直唔講喳！琴晚我地傾左好好以前o既野，講番我地由小學開始o既到而家對某一ｄ人o既感覺，wow，真係好懷念以前o既某一ｄ日子呢！而家大家都大個晒喇，身邊o既好多朋友亦都唔再癲癲得得；我地同有ｄ人就由仇人轉做朋友再變得好好感情，有ｄ就開始生疏，有ｄ又已經成個人唔同晒！突然之間覺得世事真係好難預料∼而且真係估唔到朋友仔都feel到我o個時係鍾意邊個呢！我仲以為無人知添，點知原來成村人都feel到，仲要而家大家先黎問我……哎呀，原來我真係做得好明顯呀？=.=" 琴晚到最後我地都有３個疑問一直解唔開：
１） 到底o個段日子發生左咩事，從而令到一切都變得咁突然？
２） 到底佢係唔係一早已經暗地裡隱藏自己o既意願而將我送比人？（朋友仔想像力真係存神乎其技！）
３） 雖然佢對朋友仔好好，不過到底朋友仔對佢o個種係唔係真係鍾意丫拿？（放心啦，我99.99%係唔會鍾意佢架！）
呢ｄ疑問可能一世都會估唔到，不過我就相信自己唔會開口問佢喇。我同自己講過架，唔可以由我開口先；如果要我主動，咁我情願就咁算！佢唔可以再係咁架喇！>_<"

　　今日１０點幾起左身，２點幾要返學見社工。拎番件夏季校服出黎，發現自己真係好耐無著過喇！可能著埋今日，著埋練oral o個日，著埋畢業禮rehearsal同畢業禮o個２日就無得再著lu！對於中５會考、復課、教改我而家已經無咩興趣知咯，我覺得自己正一步一步咁遠離中學生涯！

我有預感
我有預感我這次是猜對的
這是專屬於我在這方面不曾出錯過的第六感　

　　因為琴日行左好多路＆抬住漫畫同雞精行左好多路，所以隻手同隻腳超支力呀！琴日下午返左學校，覺得好空洞呢∼可能係因為得３級人要返，我又係非繁忙時間去掛。見到Ms Lam，仲見埋２個補習o既小妹妹！有一個好好好乖呀，又靜喎，我真係驚佢會怕左我而唔敢問野呀！你知啦，我個樣又唔仁慈喎=.="，而且大家差５年，我真係驚佢會怕左我呀！另一個就active 好多，識左佢唔係好耐我已經同佢傾到唔少計，初頭我仲好驚佢會係曳o個ｄ人，點知原來都乖架佢，而且同佢friend仲好啦，無咁拘謹嘛∼我真係好好好希望我可以幫到佢地考番個好成績，不過當然啦，更加希望佢地生生性性，比心機……我唔想幫２個而２個都repeat呀∼到時真係不敢想像！之後呢我就番小西灣搵朋友仔，然後渾渾噩噩地又同朋友仔一樣填左表見工（係完全唔知做咩返幾耐幾多＄o既情況之下）！咁當然啦，我希望佢會請朋友仔啦，因為我又唔等＄駛，份工對我黎講唔重要。不過我覺得好怪呀，間舖頭已經有３個店員啦喎，而且又唔係好旺（我o既印象），咁請人黎做咩呢？

　　琴晚睇左５本半柯南，睇到勁眼訓；今日１０點幾先起身，之後睇左１本又落左圖書車借書！同之前o既日子真係好唔同呀，我而家ｄ日子好充實！我借左９本小說，已經有排睇喇喎；之後仲有３本電腦書：Dreamweaver我就仲有ｄ野唔識，所以決定再借（之前已經問朋友仔借過一次）；Photo Impact又唔記得晒點用（唉∼>_<"）；而最後呢就係Firework，好想識用呢個software呀，裝左好耐都無理過佢！哈哈，我諗淨係呢３個software已經有排學lu！你知啦,，而家咁o既時勢最重要就係識自我增值，學多ｄ野一定無壞o既！除左呢１２本書之外，我本身仲有１３本半漫畫未睇，再加上我聽日就開始幫人補習啦，又要重新備課睇番晒中２ｄ課程……我真係有ｄ擔心我會應付唔到呢！

當我的日子愈充實 愈忙碌
你的影像就會變得模糊不清
我開始要花氣力才可再次想起你的臉

　　今日第一日幫人補習，嘩，真係比人考起呀∼咁我朝早就教人E.P.A.啦，點知原來自己對於社會o既認識係咁少……我連現任立法會主席係邊個都唔知呀！之後問呀媽，先知原來係范徐麗泰（原諒我啦，我有閉固性人格架>_<")，不過見識淺薄o既我依然唔知范太英文名係咩…最後唯有靠朋友仔幫忙，先查到佢叫Rita Fan喳！而家ｄE.P.A.真係難！（其實係我蠢…我仲學人大學揀GPA添∼）之後補下半場，係咁教voltage，current，resistance咁，雖然看似係我強項，不過由於唔知小妹妹識ｄ咩，又好難由中間教起，所以我覺得自己今日表現麻麻呢∼下次要努力！

　　之後呢，我就趕左去朋友仔屋企整蛋糕喇，勁麻煩呀！不過我已經算好，唔係辛苦左好耐；朋友仔就慘喇，整個成個晏奏，又要執頭執尾！我真係覺得我地２個都對你＆妳都好好呢！你＆妳都要好好珍惜呀！終於最後到左７點幾我先有得返屋企。今日又抬左一大盒野係條街行左成日啦，我估聽日我隻左手又無lu∼

　　今朝出門口之前發生左一件令我好無奈o既野，事緣係我今朝收到我間手提電話公司o既一個SMS，一睇竟然係「生日快樂」！跟住我就忍唔住笑喇，因為我生日明明已經過左好多個月，而且今日應該係我一個朋友仔o既生日喎，點解反而係我收到一個咁ｏ既SMS呢！？之後我就同媽咪講啦，仲話間公司咁都搞錯；點知媽咪講番比我知，原來今日係我爸Ｂ生日！噢，我竟然遺忘左（其實係一直都無留意）……>_<"　希望我爸Ｂ同Sh朋友仔可以一年比一年英俊，一年比一年有型啦∼生日快樂呀∼！

　　收到jupas同中大社工系o既信，仲以為後者係約我去interview添，點知原來係talk......失望∼

　　星期日，無咩做，我就繼續好努力咁睇柯南，終於比我睇剩一本喇！我仲有好多相未upload＆好多書未睇呀，而且ｄ中２note我又未打晒……唔知星期２之前打唔打得晒呢？下次幫佢地補習一定唔可以再咁失敗！我真係要係去之前準備好晒一切！

　　好耐都無見過媽咪笑得好似今日咁開心，我真係好希望佢一生一世都可以咁快樂。雖然我係屋企就真係好懶，咩都唔做，不過世界上我最愛o既，始終係爸爸媽媽同細妹。至於某一ｄ人，對唔住，我真係哩世都唔可能將佢地當成係我親人。邊個對我好為我設想，我又點會唔知呢？其實係我周圍好多野我都知，好多野我都睇得出、感覺到。唔好以為我成日都無咩表情就即係懞盛盛啦，其實好多野我都估到架！

　　我呢排有的肺炎病徵，譬如有腰骨痛啦，肚瀉啦，仲時不時頭暈。不過我直覺自己無事，所以大家放心繼續搵我啦∼（如果我有事一定會通知你地一聲等你地排期去驗身，放心！）

遠方的你知道嗎？　我又再之的一次入侵成功了
不過我最想知道的
就是正如你所講　我何時才能真真正正侵入他的內心

　　又出左一日街啦，好開心+支力呀∼今日訓到９點幾，先後就出左銅鑼灣。早知就約朋友仔１１點半啦，我企係條街度等左足足半個鐘呀∼>_<不過算啦，反正之後有得唱ｋ，真係好開心^^可能係因為而家好多學校都只係要ｄ學生返半日掛，準時一到２點Neway ｄ人真係cut歌呀∼我覺得唔多夠喉呢！上次我去可能因為間野無人掛，所以比我地唱多個半鐘架！走左之後我同朋友仔就周圍行下，之後就去左三越食tea buffet啦！都幾多野食架，而且真係好飽，飽到可以當lunch咁食！食完之後我地已經飽到傻左咁，之後就周圍去，去左Times呀，Page 1呀，集成呀，漫畫舖呀，電腦城咁。o係好好人o既 sales哥哥介紹之下陪左朋友仔買左一個LCD mon，之後我地就就一齊返屋企喇（仲送埋佢返屋企添）∼噢，又玩左一日呢∼好喜歡呢ｄ日子呀！不過唔知係唔係因為考完試之後少左唱ｋ呢，而家成日都好想唱呀！我要唱ｋ我要唱ｋ我要唱ｋ！！（可以請我幫Neway拍廣告^^"）

　　今日去左Page 1睇書，睇左李天命本「寒武紀」同張小嫻本「慾望的鴕鳥」（好似係咁叫）。後者ｄ書我不嬲都有睇開，最鍾意就係佢ｄ散文。至於李天命……嘩，我真係超鍾意佢呀！o個本「寒武紀」真係寫得好好∼佢真係好叻呀，諗野又勁，係我近期最欣賞o既作家！好想睇晒佢ｄ書呢！^^

　　一口氣買左３條手鍊，突然醒番起o個一晚發生o既事。我仲記得o個一晚之後你叫我送左條手鍊比你留念，雖然我都好鍾意，不過我都留底左比你，無帶走到。我知道邊度有得買番一條一模一樣o既，不過我無咁做到----o個晚發生o既事，我真係情願自己唔記得。

　　今日睇左李天命o既一ｄ網頁，比呢ｄ問題觸發到思考。唔知你睇完又會唔會諗到ｄ咩呢？^^

１）科學實驗可否證明科學唔可靠？
２）矛盾與對立o既分別：「世上有無堅不摧的矛」同「世上有永不可摧的盾」到底有無矛盾(contradiction)？
３）「我唔愛你係因為我太愛你」呢句話有無矛盾？
４）甲︰「我份人比較隨便，咩都無乜所謂，你份人就有d執著……」
　　乙︰「唔係！你都好執著架！你執著於隨便，有著對隨便o既執著。」
究竟邊一個講o岩？
５）A loves B, B might love A or might not love A.
Therefore, Love is non-symmetrical.
A loves B, B loves C, A might love or might not love C.
Therefore, Love is non-transitive.
So, would life be better off if love was symmetrical and also transitive?

除左２之外其他我都無答案架！（雖然其實我連答案都唔多明……）唔知呢ｄ提問對你又有ｄ咩啟發呢？^^

　　下午出左去同人補習，今次pre定晒ｄnote，所以補I.S.都無問題，點知最終都係比人問EPA問到口窒窒......哈哈，原來EPA先係我最弱o既一科！下次真係要讀熟晒成本EPA書先得啦！之後又教小妹妹tenses，初初我都以為自己死梗架，因為我太太太耐無研究＆溫過o個ｄpast perfect呀present continuous tense呀咁，好彩自己原來仲記得（好彩！^^"）∼不過上次小妹妹問左我一條math，model answer係1/2；o個時我計極都計唔到呢答案架，之後佢就同我講佢爸爸同佢哥哥（亦係中７）都係計唔到1/2，咁我先定ｄ。於是我就以為真係答案錯啦，點知佢今日同我講應該係可以計到1/2 架，不過佢唔記得帶張worksheet返屋企，所以下次先比我睇......突然之間，我真係唔係太敢承認自己係讀pure math...我竟然要一個中２下次show番一條數比我睇？唔係掛！？不過到而家我依然都唔相信o個條數係可以係計到1/2！Impossible!!!

　　補完習之後，我又做左一ｄ你呢一世都會唔知道o既事lu∼雖然我真係搵左好耐，不過結果都係空手而回。算啦，我唔會氣餒架，星期四我會繼續努力！雖然你唔會知道我做o既野，不過是但啦，算數啦∼最恐怖o既係o係途中我撞到o個個「塞左好多＄入我袋」o既人呀……好彩我時運高，佢見我唔到喳！真係好∼得∼人∼驚∼！

縱使我們曾經只是相距咫尺
可惜最終依然是緣慳一面
不過我深信我們一定會相遇的
而且　會是在一個令我心碎的時空

　　今日１０點幾起身，早餐同lunch一齊食，之後睇埋o個半本林燕妮o既書就開始執相。其實之前我一直係用開pbase.com黎放相，貪佢又靚又係無限大，可以有幾多相放幾多；點知唔知係唔係因為太多人都開始用，突然之間間公司個capacity limit到得番１０Ｍ！我ｄ相總共有百幾Ｍ，為左費事比人delete，最後唯有將就ｄ，搬晒去yahoo囉∼不過yahoo都係得３０Ｍ，所以我一共開左４個 account，塞到個個滿一滿！將ｄ相搬黎搬去呢個工作好沉悶呀，不過我就做左足足一個下奏，到左５點幾先同朋友仔一齊去跑步∼今日天氣好好呀，而且有人陪真係好好呢，可以一路跑一路傾計，最後７點幾先返到屋企沖涼食飯。希望我地今個暑假可以有恆心ｄ，keep住多ｄ運動啦！遲ｄ可以一齊去打羽毛球呢∼嘻嘻∼^^今日執左好咁多相，回想番起好多以前係學校o既日子……真係好懷念呢！