係呢度我想同大家講幾句野。有D野係要大家注意既，有D係想話比大家知既。

首先，我想同大家講我寫日記既目的。我一向都無寫日記既習慣，不過我一直 都覺得寫日記係好習慣黎既，不過我就唔會有恆心去寫，有時又會覺得無聊， 唔知寫翻自己做過既野做乜。我本來決定寫日記係因為我想整個網站同大家聯 絡，咁我又諗個網頁總要有D野睇架，唔係淨係得聯絡方法咁悶架嘛，咁我又見 到好多人都有keep住寫網上日記既習慣，所以我就想整個網頁，寫下日記咁， 又可以比大家知道我英國既生活，又可以有一個聯絡方法。不過近排寫寫下日 記發覺原來寫日記都幾好玩，每日發生過既事，都會記低，又可以同你地分享 下，慢慢變成一日唔寫日記就好似做少左一樣野咁。何況我係英國都唔會有咩 娛樂，寫下日記整下網頁就最好。大家如果有收到我既紀念冊，都知我其實鐘 意整網頁，不過我平時唔多講jei。其實我之前有一個網頁架，不過因為諗唔 到有咩更新所以我大約係六月至七月，我已經唔記得左，結束左佢，個網頁維 持左兩年零三個月，咁結束左都有D可惜。而且我都鐘意整網頁，所以諗到可 以整個網頁同你地聯絡下，講下我既近況，就已經想整，一諗到可以加埋日記 入去就開始寫日喇。而家只要我有時間我都會寫日記，寫下每日發生既事，寫 下每日特別既事。通常都係每日訓覺之前寫，可能寫完就沖涼訓覺，可能食完 晚飯得閒時寫。總之唔寫就好似一日未完成咁。不過都有可能我遲D就唔寫， 可能遲D我又覺得寫日記晒時間......?

仲有一D野我想同大家講，就係唔好同人講關於呢個日記網頁既事，日記始終都 係日記，當然我寫既時候係寫比大家睇，不過假如比左一D我唔expect佢會睇， 即刻我根本唔係寫比佢睇，或者根本唔想佢睇到我寫既野既人睇到，咁的確唔係 幾好。所以大家唔洗同人講我整左個網頁叫人去睇。我係想同你，分享我既生活 同一D瑣事，就係咁簡單。仲有就係，我對每個人講既野都會唔同，我都唔想係 呢度整D咩login同password，講一D兩個人之間講既野，如果淨係同特定既人講 不如send email。所以其實係度講既野大部份都係同大家講既，不過有時我 都會講一D淨係同一個人講既野，可能係一兩句，除左果個我想同佢講既人，其 它人正常係睇唔明既。不過我係突然諗到D野同果個人講我先會咁樣，一般我會 盡量避免既咁既情況既....