I Ti dymunwn fyw O Iesu da

I ti dymunwn fyw,
    O Iesu da,
Ar lwybrau esmwyth oes,
    dan heulwen ha':
  Neu os daw'r niwl
      i guddio'r wybren las
  Na ad i'm hofnau
      atal gwaith dy ras.

Yn fwy bob dydd
    i ti dymunwn fyw
Gan wneud dy waith yn well,
    gwaith engyl yw;
  A gad i mi,
      wrth ddringo'u hysgol hwy,
  Gael beunydd weld
      o'th degwch lawer mwy.
 
Os rhaid ymwadu,
    dyro ras i mi
Rhag cadw dim yn ôl
    oddi wrthyt ti:
  Na chaed nac aur na chlod
      na swyn y byd
  Dy atal, Iesu da,
      i lenwi ‘mryd.

Ni allaf roddi
    fel y rhoddaist im;
'Rwy'n gweld, yng ngolau'r groes,
    fy ngorau'n ddim:
  Ond at y groes,
      er hynny, deuaf fi,
  I'm rhoi fy hunan
      i'th ewyllys di.

Fy hunan oll i ti,
    O Iesu da,
Er dyfod cwmwl du
    neu heulwen ha';
  O fore oes hyd
      nes i'r cyfnos ddod
  Rho im y fraint o fyw
      bob dydd i'th glod.

To thee I would wish to live,
    O good Jesus,
On the smooth paths of the age,
    under the sun of summer:
  Or if the fog comes
      to hide the blue sky
  Do no let my fears
      hinder the work of thy grace.

More every day
    to thee I would wish to live
Doing thy work better,
    the work of angels it is;
  And let me,
      while climbing their ladder,
  Get daily to see
      much more of thy fairness.

If I must deny myself,
    grant grace to me
Lest I keep anything back
    from thee:
  Let no gold or acclaim
      or charm of the world be found
  Hindering thee, good Jesus,
      from filling my mind.

I cannot give
    as thou gavest to me;
I see, in the light of the cross,
    my best as nothing:
  But to thy cross,
      nevertheless, I shall come,
  For me to give myself
      to thy will.

All my self to thee,
    O good Jesus,
Though a black cloud come
    or the sunshine of summer;
  From the morn of age until
      the twilight comes
  Give me the privilege of living
      every day to thy acclaim.