O hyfryd fydd y moli

Nid wyf ond plentyn bychan
  Yn caru'r Oen di-nam;
Fe'm dysgwyd i'w glodfori,
  Ar liniau hoff fy mam.
Bu'r Iesu farw trosof
  Ar fynydd Calfari:
A'i Ysbryd mwyn sy'n arwain
  Un bychan fel myfi.

    O! hyfryd fydd y moli
      Yng nghwmni mam a 'nhad,
    A'r Iesu annwyl yno
      Yn Frenin ar y wlad.

Os byddaf yn y bore
  Yn ufudd blentyn da,
Caf ganu gyda'r Iesu
  Yng ngwlad y bythol ha'.
Mae fil o delynorion
  Ar lan y grisial fôr;
O, am fy ngweled innau
  Yn aelod yn y côr!

Mi garwn weled yno
  Fy ffrindiau bach bob un;
Mae nefoedd fawr yr Iesu
  Yn ormod im' fy hun.
Wrth gydio'n llaw yr Iesu,
  Cyrhaeddwn yno oll,
Lle nad oes neb yn blino,
  Na neb yn mynd ar goll.

I am only a small child
  Loving the innocent Lamb;
I was taught to extol him,
  On the lovely knee of my mother.
Jesus died for me
  On the mount of Calvary:
And his gentle Spirit is leading
  A small one like myself.

    O delightful it will be to praise
      In the company of
          mother and my father,
    With beloved Jesus there
      As King over the land.

If I am in the morning
  A good, obedient child,
I will get to sing with Jesus
  In the land of everlasting Summer.
There are a thousand harpists
  On the shore of the crystal sea;
O, for me to see myself
  As a member in the choir!

I would love to see there
  My small friends ever one;
The great heaven of Jesus
  Is too much for myself.
Holding the hand of Jesus,
  We shall all arrrive there,
Where there is no-one weary,
  Nor any getting lost.