Vestfirska Ættfræðisíðan

Bæirnir    Hrepparnir    Tenglar    Forsíða    Spurningar    Sóknirnar    Vestfirðir    Fólkið    e-mail    Ættir    Bækur

Hrafnseyri í Auðkúluhrepp, V-Ís. 

Hrafnseyri er í Auðkúluhrepp, í norðanverðum Arnarfirði. Næsti bær fyrir utan er Auðkúla en sá næsti fyrir innan er býlið Karlsstaðir sem upphaflega byggðust út úr Hrafnseyri.

Í landi Hrafnseyrar var um tíma býlið Rafnseyrarhús.

Fornleifarannsóknir á vegum Þjóðminjasafns hafa staðfest þá frásögn Landnámu að byggð hafi hafist á Eyri um árið 900, en Landnáma segir að Án rauðfeldur, sonur Gríms loðinkinna úr Hrafnistu hafi sest þar að ásamt konu sinni Grelöði, dóttur Bjartmars jarls, en á Eyrinni hafa fundist fornar húsarústir er nefnast Grelutóftir. Án og Grelöð bjuggu fyrst í Dufansdal en keyptu svo lönd af Erni er sat á Tjaldanesi og settust þá að á Eyri.

Þegar kemur fram á 15. öld er farið að nefna Eyri eftir Hrafni Sveinbjarnarsyni, sem talinn er fyrsti lærði læknir á Íslandi. Hrafn var goðorðsmaður og helsti höfðingi Vestfirðinga á Sturlungaöld um 1200 og bjó á Eyri (Hrafnseyri) í Arnarfirði.

Átt þú síðu með ættfræði upplýsingum tengdum þessum bæ? Ef svo er vinsamlegast láttu mig vita.

10 mars 2002