Fréttir

Leikur er á miðvikudaginn gegn Kóngunum. Vefsíða þeirra er www.kongarnir.com

Fundurinn sem ráðgert er að halda á morgun hefur ekki verið staðfestur. Fundurinn er ekki á morgun sunnudag

Einhver óvissa virðist ríkja um hvar æfingin verður í kvöld en æfingin verður ekki á Kaplakrika eins og sagt var frá hér á síðunni. Hugmyndin var að hittast hjá FG í Garðabæ og spila bolta þar en sumir ætluðu að hittast á kapla.

Eftirfarandi forfoll verða í kvöld. Ekki hafa borist fleiri fréttir af forföllum.

Metaðsókn var á síðuna í gær þann 10.Júní þegar að 64 heimsóttu síðuna okkar. Það verður að teljast mjög gott miðað við að síðan hefur ekki opnað formlega.

Við minnum á æfinguna sem verður miðvikudaginn 12.Júní kl 21:00 á Kaplakrikavelli

Það er aldrei gaman að tapa en það var staðreyndin sem blasti við í lok leiksins í dag. En Carpe Diem F.C. átti skilið að fá meira úr leiknum en þeir fengu.

Hvar er metnaðurinn hjá sumum leikmönnum liðsins Valdi, Anton, Egill og Hörður mættu ekki í leikinn og létu ekki vita. Það er lágmark að láta að vita ef menn ætla ekki að mæta í leikina. Þetta er óvirðing gagnvart öðrum leikmönnum liðsins.

Byrjunarliðið hafði verið ákveðið fyrr í dag og þurfti þjálfari liðsins að grípa til ráðstafana rétt áður en leikurinn hófst því nokkrir leikmenn mættu ekki. Hugarfarið og sjálfstraustið var því ekki alveg í lagi í byrjun og Rovers skoruðu 2 mörk í fyrri hálfleik. Einn leikmaður Carpe var síðan rekin af velli í fyrri hálfleik. Hann hafði áður fengið áminningu í leiknum en brottreksturinn var vægast sagt fáránlegur hjá slökum dómara leiksins. 3 sinnum í leiknum fór boltinn í hendur varnamanna Rovers í þeirra vítateig en dómarinn sá ekki neitt. Carpe náðu síðan að skora þegar að Rovers gerðu sjálfsmark eftir góða pressu frá Jóa. Carpe Diem F.C. börðust hetjulega í seinni hálfleik og voru óheppnir að ná ekki jafntefli.

Meðal þeirra sem áttu góðan leik voru þeir Trausti, Jói og Gústi sem fremstir í flokki í dag en seinni hálfleikurinn var mjög góður hjá öllum leikmönnum liðsins. Óli sneri aftur eftir meiðslin og var í frammlínuni í dag.

www.carpediemfc.com er komið í fullan gang en síðan er í vinnslu þegar að þetta er skrifað. Búast má við að síðan opni formlega þann 17.Júní næstkomandi.

Leikur gegn Khumo er á morgun sunnudag kl 17:00. Við minnum á Sýn í nótt þar sem Lennox Lewis - Mike Tyson ætla að berja hvorn annan.

Engin æfing var í gær Fimmtudag en þetta er í fyrsta sinn á þessu sumri sem að fimmtudagsæfing fellur niður. Léleg mæting á þriðjudagsæfingu er orsökin. Það er ljóst að það þarf að hugsa þessar æfingar upp á nýtt því það er nokkuð ljóst að okkur vætir ekki af æfingu.

Ákveðið hefur verið af eigendum Carpe Diem að kaupa URLið www.carpediemfc.com

Mótsjórn utandeildarinnar þurfti í dag að breyta úrslitum í leik í bikarkeppni utandeildarliða þar sem annað liðið notaði ólöglegan leikmann.

Svona var bréfið sem okkur hér á Sportinu barst frá mótstjórn:

Heilir og sælir

Þar sem FC Hjörleifur var með ólöglegan leikmann laugardaginn 25. maí í bikarleik gegn FC Kidda, Guðfinn Þórir Ómarsson, og reyndi að fela það með því að falsa annað nafn á leikskýrslu hefur úrslitum verið breytt.

FC Kiddi vinnur leikinn 3-0

fyrir hönd mótstjórnar Utandeildar

Bjarni Gaukur Þórmundsson

Leikurinn í dag er gríðarlega mikilvægur fyrir liðið og verðum við að fylgja eftir sigrinum á strumpunum með góðri frammistöðu gegn NINGS UNITED. Við vitum ekkert um þetta lið en allir leikir eru erfiðir.

Heimsmeistarakeppnin í Knattspyrnu hófst í dag með leik Frakklands og Senegal.

Stjórn Carpe Diem ákvað í kvöld að Bento Costa verði aðalmarkmaður liðsins það sem eftir er sumri. Benti lék vel í markinu á síðasta ári og var frábær gegn Strumpunum

Æfing í kvöld kl 21:00 - Mætingin undanfarið hefur ekki verið góð en við vonum að leikmenn sjái sér fær að mæta í kvöld

Bikarleikurinn í gær var snilld. Frábær spilamennska hjá leikmönnum Carpe Diem. Við sýndum þarna hversu öflugir við getum verið og þetta var svo sannarlega dramatískur leikur og að skora á síðust sekúndum leiksins var ólýsandi tilfinning.

Hvað vitum við um Strumpana? Þeir eru í A-Riðli, Sigruðu B-Riðil í fyrra og komust í úrslitakeppnina. Semsagt mjög gott lið og leikurinn verður án efa erfiður

Við minnum á Bikarleikinn á morgun kl 20:00 á Ásvöllum Strumpar Vs Carpe Diem

Lúðvík Hannesson, eða Lúlli markmaður eins og hann er kallaður æfði með Carpe Diem í kvöld en hann verður til reynslu næstu tvær vikur og getur vonandi leyst Ödda af hólmi í markinu

Þær sorglegu fréttir bárust í dag að Örn Gunnarsson verður frá allt tímabilið vegna meiðslanna gegn Dynamo Norðurland. Mikill vonbrigði fyrir Örn en hann meiddist einnig um mitt tímabil í fyrra þegar hann rifbeinsbrotnaði. Óvíst er því hvað gert verður varðandi markmannsmálin því eins og staðan er í dag erum við án markmanns. Bento var markmaður í fyrra í fjarveru Ödda og stóð sig mjög vel. Bento hefur þó ekkert verið með á undirbúningstímabilinu og er ólíklegt að hann verði með í ár.

Örn Gunnarsson meiddist í leiknum í gær og er beðið með óþreyju eftir hversu lengi hann verður frá.

Carpe Diem tapaði 1-6 fyrir Dynamo Norðuland - Leikurinn var tekinn upp á Video vél og var hreint út sagt skelfilegur þessi leikur. Staðan í hálfleik var 1-2. Dynamo skoruðu fyrsta markið með skoti rétt utan úr teig eftir að náðist ekki að hreinsa frá. Annað mark þeirra kom með skalla. 2-0. Lalli Lallasson skoraði síðan undir lok fyrri hálfleiks með stórkostlegu marki. Nour sendi boltan frá hægri og tók Lárus boltan niður,sneri sér og skaut í slá og inn.

Örn Gunnarsson markmaður meiddist á vinstri hendi snemma í leiknum og gat ekki leikið í seinni hálfleik. Kristján Geir fór í markið og átti erfiðan dag fyrir framan óstyrka leikmenn Carpe Diem, Kristján Geir varði vítaspyrnu um miðjan seinni hálfleik. Lokatölur voru 1-6 og við skulum gleyma þessum leik sem fyrst.

Fundur verður í kvöld 20.05.2002 í Carpe Diem. Jóhann fer yfir nokkur atriði og dreifir auk þess blöðum fyrir hvern og einn leikmann með nauðsynlegum upplýsingum.

Vefsíðunafnið langa :www.angelfire.com/emo/carpediemfc er slóðin að Heimasíðu Carpe Diem. Unnið er að því að fá styttingu á þessari hræðilega löngu slóð því ómögulegt er fyrir fólk að muna hana. En það er hægt að nálgast sniðugar lausnir víðsvegar. Opinbert URL verður mun stytta og má vænta innan tíðar.