La beritá nescondíta atergo l'inquisiçión espanyola.
(N'alchamía)
Fió dito por un achalíto dela confederaçión Moyecana ed Irokua, que los ahualís o premeros estranxeros elos trobaron de l'açima dela costa oriental d'América del Norte, non fieron los xamatos bikingos od amiyáz, los almaxorítos europeyos; ma dembéga fachazmente los magarabis d'Al Andalus. Multo tempo ante l'ahualíto europeyo xamás fezo contaito colos indixínas quasi çien anos ante Colón ayanda partió de la çima de la costa d'Andalusía. En reyalitá los premeros medios del comérçio e negóçio, non fieron entre los europeyos e los indíxinas elos mesmos, ma los magarabis, quines fieron los ahualítos ad introduzer naranxas, limones, algodón, e los medios de cultibar la terra. Daquele modeto, multo tempo ante Colón o l'ahualíya colonia europeya fió estabeleçito nelos Estatos Unitos o nel Caribe, fió dito que multos indíxinas soberon sob cultibando fruitas, legummes, e l'irrigaçión de la terra, ante que los europeyos xamás fezeron aqueste conçeito a l'indíxina. En reyalitá el caso de los irokua, aqueste costumme fió dende alora pasato en tempo, des un conçeito ximple traxesto ad elos polos magarabis andalusis quines en xeneral fieron almahualimas de l'agricultura; pola proba está n'Andalusía mesma. Tamién fió dito e descoberto, que sob el biaxe de Colón a l'América, él descobrió inscripçiónes árabis sob las ruinas de los magarabís, e tamién los alfatihadores fezeron egualmente en México, ed en Çentro-América.
Agora despós multos preguntarán, ;como seyerá áquesto possíbel se tal béga los europeyos fieron sólamente los únicos, quines sabían los perímetros de la nabegaçión e la perspeitiva de como fió el mundo; e sólamente tenían los medios como una armata e ciençia, pa poder ad atanxer tal lonxe e destantas terras como l'Índiya o la Xina o pol feto las Américas? Ma se sólamente delgún estudió l'Espanya Islâmica od Al Andalus, él achiçerá el feto que los magarabis andalusis, non sólamente tenían los ahualítos restos duna de las altahuítas armatas, ma el feto que simplemente dito, fieron conozito por seu interaçión col comérçio con seus yirmanos muçulmanos dende tal lonxe de Síria ançá las costas d'Índiya, e tamién con seus nemicos, los crestiyanos europeyos.
;Agora altra bega como pode-se comprobar áquesto? Pós polos trabayos e documentos d'Ibn Sima, ‘Ibn Rushd, ‘Ibn Quttiyah ed altros máis! Estonçá, sabemos sob l'influençia de los magarabis sob l'inquisiçión espanyola n'América, e l'intercomunicaçión colos indíxinas. Daquel modeto, ;que semnifica? Semnifica el seguinte uno, que non fió Colón quin descobrió América, porque xá estaba descoberto polos indíxinas elos mesmos. Pero, pol raçinio o raçón de pura estipulaçión seyerá segón a dizer segón l'embidençia que fió presentato, que fieron los magarabis d'Al Andalus, quines descoberon las Américas, e non los tales xamatos espanyolos crestiyanos! Segondo, la xamata inquisiçión espanyola fió sólamente una continaçión de l'alhualíta inquisiçión espanyola contra los magarabis n'Espanya. Badéz, impossibilita que los crestiyanos d'Espanya, ayánda xá despós la cadíta de Garnata en 1492 haliyeron que l'impériyo magarabí, fió máis lonxe de las beirras od oriengas del norte d'África, col preteito de destruyer l'império magarabi, que embentualmente xegó a las aquisiçiónes robatas d'ambéduas Sebta e Melila anos despós! Por multos anos, áquesto ha sesto omitito pol espanyolo crestiyano. Pero ayánda una cosa profondamente que apardezió multos anos despós xá multos anos despós de la morte de Colón, el feto que los espanyolos crestiyanos, teberon alhalafán de l'espansión d'Islâm, porque non sólamente por seu praiticalitá, pero porque fió bisto como una amenaça biábel al crestiyanismo. Pós acál sob Islâm fió atahadito, ed alora el reçipiente daquesta ira, fió el mudéxar e moresco, antepasatos delos magarabis a las manos de seus admonestadores, los espanyolos crestiyanos!
Por multos anos tamién, fió sequestrato ed nescondíto, la beritá ocultata que malgrá de la proyibiçión, palos magarabís a biaxar a las Américas multos biaxaron. En reyalitá multos pa aqueste tempo xá multo endotrinato completamente al crestiyanismo fieron palas Américas. Malamente al México, Guatemala, Cuba, Colombia, Peru, Bolibia, etc. Ironicamente multos de las casas arquiteiturales d'adobe e catedrales bisto naquelos payísis n'Espanya, fieron feto polos mudéxares como una adaitaçión moryega ansí como las calguetas estreitas de seu alhabí bieyo Al Andalus. Non andaregamos ad oblidar que Al Andalus, produzió los grandes alimas de non sólamente la çiençia Islâmica ed árabi, ma la semença pola çiençia europeya. Pós está rexistrato que multos crestiyanos europeyos, quasi los espanyolos, françésis, e portuguesis, fieron embigato pa Al Andalus, pa aperender sob l'álxebra, xiometría, física, matemática, çiençia, mediçina, e por fin, astroloxía. Daquí por perante multo tempo ante l'embençión dela brúxola fió feito los magarabis pol medio de l'astroloxía, faheron como a calcular la nabegaçión dun barquelo xá. Agora altra bega delgún pemberá, ;que significará áquesto, o que correlaçiona colos magarabis en xeneral? Ximple, que áquste mesmo método de la nabegaçión que elos empregaron en seus biaxes en l'estranxero, fieron entre despós 1492 a l'última cadíta d'espanyola moryega en Garnata, empregato por Colón quan él partió des Andalusía con aquesta mesma tática o nabegaçión nabal! En reyalitá Colón tamién ammitió que quan xegó pa acoyer los arawaks nel Caribe, él recramó a beyer bisto populaçiónes alí bestito como los magarabis de Garnata. En reyalitá Colón tróxo con él un mudéxar col nomme de Luis Torres pa que de rescongar comunicaçión baxíto de las terras islâmicas en l'estranxero, que xegaban a l'Oryente, seu orixinal destinaçión! Pós pode-se dizer que l'árabi, fió la premera lingua que los europeyos usaron en procurando a comunicar colos indíxinas. Lo que l'Espanya crestiyana falgó a mençionar, fió que los morescos o mudéxares, construyeron los barquelos de Colón nelas darçenas secas moryegas. E que la teoría que la terra fió redonta, fió copiato e mubinato pol Colón! En reyalitá fió un conçeito xá elaborato polos muçulmanos e tamién la medita de la çircunferençia del praneta, 700 anos ante que Colón xegó al Caribe! Lo que fió oblidato por l'Europa tamién, fió que la grande premera renaçeçença n'Europa non fió en l’'Italiya en 1500's, ma dembéga n'Al Andalus quasi 800 máis anos ante! Ansí como los grandes catedrales, las turisos elas mesmos, fieron una deribaçión muçulmana del (Mue'zzef) delas meschitas anteriores d'Al Andalus. Fió dito que naquelos díyas que acontençió despós de l’esílio de los magarabis, que multos crestiyanos ayánda imitaron los átos de los muçulmanos, tal como anuziando del turriso con xeneralmente l 'alhafíz de l'egrexas, xamando las maças pa axuntar-se, lógo substituyito naturalmente cola campana de las egrexas.
Agora xá sabemos la beritá sob que beramente pasó atergo l'orden, premiçia e máis al fin la beritá ocultata de la contribuiçión de los mudéxares e morescos en l'última inquisiçión espanyola de las Américas, ed en que estaba nel segreto atergo de l'inquisiçión espanyola n'Espanya contra los mudéxares e morescos! El conozito alim xudíyo Musa ‘ibn Maimún escramó, que el grande perigo confrontando el xudíyo e crestiyano andalusi fió l’atraiçión a l'Islâm. El maligo o rey Felípe III lamentó espulsando los magarabis, porque de las multas grandes contribuiçiónes que elos dexaron sob l'Espanya própria. Al fin fió çetato que un Cardial Françesi Rixaliéu, prençipal alhuazír de Luis XII dixo de l'espulsión de los morescos, "El más audaz ed alhuixíto conçelío rexistrato en l'estória de tós los tempos preçendentes!"
Após al Colón él mesmo omme reconozito pol descobremento de las Américas, seu destino en fin fió dun alhazíto, misquino, e un bieyo e betulo omme sen una peseta, que morrió miserábel. Que irónico que el reino crestiyano espanyolo, aprobeitó de seus esplorasiones ed anos despós benenaron seus rambeços, con commemorando el díya de l'ispanitá sob el cada 12 de Otubre n'Espanya. Un díya sempre ligando la conquesta de las Américas a la bitória e probeitos de l'estória espanyola! Mientrestato polos indíxinas e tamién los magarabis espanyolos l'ano de 1492, sempre seyerá ligato al xenoçídio de máis de miles de las personas quines seu único crime, fió a seyer non crestiyano e sob de tót, non ispano!
La raçón bera atergo l'espulsión de los morescos d'Espanya, fió que Felípe II en 1575 acumulió bastante deudança, que fió usato como un preteito pa iniziar l'inquisiçión espanyola despós! Ayanda que multos pa aqueste tempo fieron conbertito al crestiyanismo, los morescos e mudéxares, fieron xufato como un cheto polos infortúnios ed axazos d'Espanya. Seu império fió lentamente dezmuzando-se! E la xestença ad imponer impostos e culpar a delgún fió atulito e los morescos e mudéxares fieron los chetos!
