l'império oblidato de los magarabis
(N'alchamía)
Muitos han dito ed escreto sob los magarabís (Al baladiyyun!)A l'espanyolo ed el
crestiyanismo, elos fieron bisto como infideles. A seus libertadores ed Islâm, elos
fieron bisto como éroyes. Al crestiyano, elos fieron altro tribu d'alcafáres,
quines non teberon nenguna bera relixión. Pal muçulmano, elos fieron grandes embaxadores duna lonxe relixión que beno des la península árabi, xamato l'Arabia. E seguidores dun distante
raçul cuya raçela fió el corân, e cuyo nomme fió Muh'ammad! Malyato o xeno dun ferbor apasionato pa aquesta nuoba relixión d'Islâm, que xegó a l'África del Norte, los magarabís en fin por quasi 1,000 anos, xegaron a rexinar dende el Ríyo Duero del Norte d'Espanya, a la harfa o beirra del Ríyo Nicher en Mali. De lo que fió nel comienço una creyaçión, por una tanda o meyo d'ommes umildes e debotos, seyerá en fin reconoçito en l'estória islâmica, como una delas alcabírosas çebilisaziçones sempre, Al Andalus! Cada logo que fieron, elos dexaron seu bestíxio ahuaráz, en forma del zachal, literatura, matemática, çiençia, e tamién en seu lingua. N'espanya ed en Portugal elos dexaron atergo, 4,000 parabras d'orixen árabi e berberi. Los grandes segretos de los magarabís estaban ahuaráz l'arte de los números árabis que, elos adamaron a l'europeyo.
Las áreyas d'anestéçicos, álxebra, astroloxía ed astronomía, que n'Europa ahuasalarán de seyer acabulato quan embarcó-se pola conquesta del Mondo Nuobo. Seu arquiteitura seyerá comparato, a la mesma de los romanos e greigos. A los europeyos crestiyanos en l'estranxero quines beneron pa l'Espanya e pa
l'África del Norte, elos fieron afaçitos, a las marabelosas meschitas, alcaçares e madraças, que los magarabís fieron. Totto daquesto halito, pol una tandeta de xente del deserto. Xente de las albalíyas o ximplemente númata. Malamente multos muçulmanos, han dende multo tempo nel pasato, oblidato los magarabís. El prestíxio d'Al Andalus, al presente díya de los payéses del norte d'África. Un alima moryego una bega dixo, nun zachal él escribió, "O on los bientelos del deserto sopran, alora la marinença de los bientelos de l'Islâm andaregán. E las parabras de Laa ilaaha illaalaah, wa Muh'ammadanar rasulillaah!"
Allah ye grande ed Al Andalus ye grande pa sempre en fin!
