La'estória de los morescos e mudéxares
(N'alchamía)
Assalaamu 'alaikom, meu nomme ye Ah'med Birçali, e procuré ad esplicar l'estória del mudéxar, moresco o n'árabi, mudadjdjaan, mawaareka! En l'ano de 711 A.D. un rebano de cabalos beno dando boltas adentro Espanya como una tempestá, acudió por un maçaguíto cuyo nomme fió Tarik ‘ibn Ziyad alhaquím de Táncher nel norte del magaríb, que acudió un chaix od armata de 12,000 berberis ed árabis adentro Espanya dende una súplica d'Akhila fiyo del maligo o rey Witizia de los bezígotos del norte, quin baxo l'amenaça de Rodrigo el feredero de los bezígotos dende sur fió declarato pola nobreça, el nuobo rey o maligo de los bezígotos n'Andalusía ed altras áreyas d'Espanya! Ye multo importante pa destacar áquelo, porque multos estoriadores crestiyanos, han pretendito l'embadura de los magarabis, como una incursión brutal, salbaxe ed altruista adentro el sur d'Espanya! Multos estoriadores crestiyanos fablaban de "duas Espanyas," una crestiyana e l'altra muçulmana. Lo que basicamente estaban referendo, fió l'Espanya que tamién incluyió Portugal que naquel tempo, fió una parte d'Espanya nun sentito, ed Andalusía de los magarabis, que estebe baxo el dominio de los magarabis (El baladiyyun.) Los estoriadores poden descuter ed argumentar sob se o non los detayes de l’entrança de los magarabis adentro el sur d'Espanya, fió una embadura non xusta, o máis una súplica por ausilio! Lo que non pode-se descuter ayanda que, ye la riqueça grande de contribuiçión, que los magarabis contribuyeron, non sólamente a l'identidá islâmica ed árabi, ma tamién a la riqueça que del conoçemento e prestixio, que le diyo ad Espanya nel xeneral! La connotaçión magarabis o xente magarabía, fió máis de beráz, una mala connotaçión, que fió imposto polos europeyos crestiyanos, que ignorantemente pensaron que tós daquestos xamatos magarabis, fieron tós de la piele hataméla. Ma l'estória mesma, tien la tendençia pa desbigar-se dende la beritá, como nel caso de los magarabis elos mesmos. Quan como muçulmanos, nosaltros conozemos que los maçaguítos ed árabis, que fieron la conglomeraçión de l'espanyolo magarabi, pol tanto el mudadjdjaani o mawreki; o en casteyano od espanyolo, el mudéjar o moresco, on quasi tós fieron de la piele clara, ayanda que abió delgunos magarabis los mauris ed africanos numátos cuyos antepasatos, fieron los moryegos. Los çentro-asyáticos cuyos antepasatos, fieron los morunos. E los morobos cuyos antepasatos, fieron los muçulmanos de los balcános. Tós, el mudéxar, moresco, moryego, moruno e morobo, fieron alchuça o trança de l'Al Andalus!
Fió dende aquestos árabis e maçaguítos e poquelos mauris, que el mudéxar, moresco deribó dende! Fió conozito el feto, que los magarabís maçaxaron-se colos casteyanos, bezígotos, portuguesis, galegos, bascos, catalanos e finalmente los andalusis la xente local. Dende aquesta maçaxa o mextura beno-se tamién el mudéxar e moresco, ayemde de los árabis e maçaguítos! ;Cómo fió Al Andalus ante que plegaron los magarabís ad Espanya, anarquia, un reino o fasçión perexando contra cadaguno! ;Cómo fió Al Andalus baxo el dominio de los magarabis, las grandes manifestaçiones e marabelas de la çebilisazión, que Europa ela mesma xamás ha sesto testego ançá aqueste díya! Al Andalus, fió un logo ón el xudíyo, crestiyano, muçulmano egual cadaguno, fió libre a praiticar ed adorar en seu relixión. Tolerançia relixiosa e tolerançia de los costummes, fió el conoçemento od alfaír de los magarabis. Baxo la dinastía de los Ummayads, aquesta forma de tolerançia, fió predominante e común. Nela reyalitá los xudíyos sefarditas, fieron admiradores de la poesía e los alimas árabis. En reyalitá Musa ‘ibn Maimún, el conozito alim xudíyo fió bastantemente un admirador de l'Islâm ed árabi! Mientrestato a los crestiyanos, elos mesmos egualmente fezeron-se o tamaron-se afetatos col Islâm e la lingua de l'árabi. Lo curioso sob el moresco ed el mudéxar, fió la tama o el feto que él fió trilingüe. Él faulaba árabi, ebreyo, ed l'alchamiyato; una bersión del casteayno bieyo. En reyalitá pode-se dizer que por quasi 800 anos, el coraçón de l'Islâm ed el çentro de l'alfaímento de l'Islâm, estaba alí n'Al Andalus própio! Fió en sentito senzelo, la Mecca de l'alfaír e çebilisazión árabi! Los más alcabírosos alimas de matemáticas, literatura, arte, arquiteitura, poesía, çiençía etc, beno dende Al Andalus naturalmente, tal como ‘Ibn Rushd, ‘Ibn Hazim, ‘Ibn Bassam, ‘Ibn Malik, ‘Ibn Qutiyyah e multos máis ed esençialmente por 800 anos, el moresco, mudéxar, contribuyeron ala riqueça enorme del conoçemento o conozença de l'Islâm en xeneral! Ma l'estória toyerá presendençia, e malamente, semnificará desastrença pol moresco o mudéxar, nela forma de l'ola de l’espulsiçión a la cadíta de Garnata en 1492! Una espulsión en que xufó-se ayánda ante, on los morescos e mudéxares, fieron forgato a fuyir ad África del Norte!
Multos fuyeron pa Magaríb, Mauritanya, Archeliya, Túnes, e Sahara Espanyola. Ma lo que non fió contato, fió multos inxieron-se adentro n'Espanya, ayanda quan despós de quebrar el traitato de Garnada, baxo artéculo 2 que permitía el moresco, mudéxar, ad fingar n'Espanya, e praiticar seu relixión, e mantener seu identidá, lingua, e sob de tót proprietá! Multos pós fieron debito a la traiçión de los espanyolos casteyanos, forgato a comberter al Catoliçismo, proyibito a faular seu lingua e praiticar seu relixión Islâm! La parabra embentato polos magarabis quines fingaron atergo, fió en casteyano morescos, mudéxares od n'árabi, mudadjdjaan o mawaareka! Malamente multos de los morescos, mudéxares fieron lebato a los monasterios, e sen boluntá forgato pa seyer babtizato, ed endotrinato adentro la relixión católica própria! O peyor, multos délos fieron matato e maçacrato por falgando a comberter-se, ansí por l'espadença del crestiyano casteyano perante l'inquisiçión espanyola, derixito pol fundamentalista el Cardial Ximénez del Çisneros! Dende modeto, multos morescos, mudéxares fieron impostos a toyer nommes casteyanos, e la relixión casteyana, e sob de tót, l'identitá casteyana! Los morescos, mudéxares, fieron despoyato des el sur al norte, nun esfortego pa mantener dominio sob elos; e sistematicamente emborrar-los, pola manera de liquidar seu identitá étnica! En l'anos que plegaron despós abió una última digna rebelión feito polos morescos, mudéxares, que imploraron a seus yirmanos n'África del Norte pa benir a seu asistençia. Pero malamente, el tumulto fió sofocato, e en l'anos de 1609 pa 1614, el moresco, mudéxar por fin, fió espulzato od asimilato; o peyor esterminato. Lo que non sobo-se ne fió dito, fió el feto o la tama que multos de los morescos, mudéxares, emigraron a las Américas en grandes números! Ayanda que nel tempo, el moresco, mudéxar, sirbió como prençipalmente una connotaçión a lo que una bega fió un gran império, ed oblidato palas páxinas de los libros estóricos, asina el moresco, mudéxar, esté lentemente rebertendo pa atergo pa l'Islâm en números. E máis importante, elos están de nuobo boltando a seu relixión, lingua, identitá antica, e querendo firxar o boltar como una comunitá alcabirosa bibrante como ante, en l'Andalus! Lentemente el moresco, mudéxar, esté emberedendo açeitaçión ed inxa'allâh, mientrestato que nosaltros teingamos nostra meschita en Córduba, ed la umma moryega islâmica tamién ed el mensaxe de Muh'ammad la paz seiga sob él, está sendo escutato e tamién entre máis que la beritá própria de l'estória del moresco, mudéxar, esté sendo faulato e conozito al muçulmano ispano, non sólamente que l'espéritu de non sólamente la renonabaçión islâmica está de nuobo apardizendo altra bega, totta l'identitá del mudéxar o moresco, está sendo recramato e sob de tót, elos están gradualmente boltando a seus rádigas alquibrazes! Con nostros yirmanos, moryegos, morunos e morobos, l'estória de los magarabis ayánda ye treste. Que la paz d'Allâh seiga sob bosaltros!
Allahu Akbar!
