La reboltura magarabía de 1571.
(N'alchamía)
En 1594, 96 morescos fezeron-se bítimas del (auto de fé) de l'inquisiçión espanyola. Seyerá sólamente un oscuro ominoso presáxio. En 1575 pa 1610 tanto 179 morescos, fieron perseguito en Toleto. Ma aquesto pardizerá naturalmente, a los tantos de los morescos quines fieron perseguito en Garnata, sob la bandera del crestiyanismo. En 1563, Guerrero arçobixpo de Garnata bisitó el Papa Piyus el III, e le dixo que los crestiyanos de Garnata, estaban seyendo perseguito polos morescos. En seu testemónyo al maligo o rey Felípe el II, él describreyó las condiçiónes de los crestiyanos alí en Garnata de seyer terríbeles ed oríbeles. Él mençionó el feto que multos de los crestiyanos, abandonaron la tradiçión e l'obserbançia católica. En seu testemónyo, él dixo que multos de los ommes e muyeres de la crestiyanitá estaban enxendrando colos magarabis, e segretamente amuhalaron-se a l'Islâm. Ma al contrario, fió áquesto la beritá bera atergo la renaçença del bieyo édito de 1572 ón los morescos, fieron haramito a fablar od escriber n'árabi. Ón las portas de las casas, fieron ahafatas abertas perante los conxungos e feriatos. L'uso de l'henna fió haramito, proyibito; banyos tal como l'hamam e fontes d'alhuétu (wudzu) fieron destruyito. Ma aquesto pardizerá a l’oríbel édito, que fió ordinato por cada ahualéto moresco o mudéxar entre las etás de treys ançá çinco, quines fieron ordinado pa seyer criyato nela fey crestiyana, e faular casteyano. Como fió d'espeitar, áquesto fió l'última omilaçión polos quasi morescos e poquelos mudéxares de Garnata. Alora, sob el 23 del desembre en l'ano de 1568 nel calendario crestiyano, la reboltura de los magarabis e mudéxares pasó.
Ayánda contra l'imposíbel poder d'Espanya crestiyana, los morescos e mudéxares, estaban lestos pa perexar, non sólamente por seu libertá, pero como un moresco quin los derixió nela reboltura escramará quan él fió coronato el nuobo maligo o rey de los magarabis sob aquel 39 de desembre en 1568 en Cádiar, "Pongáde ommes arrededor de teus pescoços como codeyos, l'espadença morata magarabía d'iyér, e sob teus çenturas l'insegnya de la bandera magarabía d'Al Andalus! Aqueste díya xó fago un empenyo, ad ahafar o mantener l'onra dende xuramento, e l'onra de nostros alhabís antepasatos los magarabis! Afaticáde o recordáde ommes e muyeres de Garnata, que áquesto ye nostra alhuéte, la alhuéte de nostros antepasatos quines beneron ante nosaltros. En seu memoría nosaltros lutaremos, pa Al Andalus! Ed agora ommes, quantos de bosaltros, m'atabaráde o sigáde? Ayanda que nostro nemico ye máis grande, e nosaltros sómos sólamente unos poquelos de los orgoyosos ommes s'está destinato, que nosaltros seyeremos benzitos, alora alh'amdulillâh, andaregamos a morrer como ommes balientes en bataya!" Tanto quan el silençio xegó sob las maças quines estaban xuntos pa escutar aqueste omme, l'alzáho, grido que por multo tempo dende la cadíta de Garnata en 1492 fió silençioso, alora gridó e bibró como xamás ante. "Que bibe el maligo el rey!" E quan aqueste omme lebantó arreba l'espadença magarabía que lexenda diz, pertenezió al grande Tarik ibn Ziyad quan él calbargó adentro l'Espanya quasi 760 anos ante, él gridó las bieyas parabras que escutarán-se por l'acól el rexino crestiyano d'Espanya, "Allahu Akbar!" Seu nomme crestiyano, fió Çidi Fernando de Valór, ma seu nomme muçulmano de qual él remuhualió o retornó a, fió aquesto del Muley ibn Umaya, l'último desçendente de l'alhuíla grande denastia d'Al Andalus, la denastia Ummayad!
Muley ibn Umaya, fió un baliente ed alfacóroso omme quin ayanda que non fió un alcabíro omme melitar escramado por seus nemicos el rexino crestiyano de Felípe el II, egual él comprobó a seyer un digno abbersário a los chaixes od exérçitos casteyanos de la crestanitá. Nel brebe periodo del tempo contra las insuperábeles desabentaxas de seu nemico él ahudó las alguarías de Poqueira, Pítres, Chubíles ed Ugíchar. Delgunos casteyanos dizeron, que los morescos lutaron por una cosa multa máis importante que la libertá, seu terra ed identitá islâmica. Muley ibn Umaya tebo xuntos de los miles de los dignos morescos de Garnata, Toleto, Cordúba e Malaga tamién arrado delgunos mudéxares dende Casteya e Liyón, pa lutar arrado de seus yirmanos muçulmanos. Cola confrontaçión de lutar contra l'alcabíra potençia d'Espanya crestiyana, Muley ibn Umaya (errashid) como él fió refato n'árabi, el líder implementó la guerra de l'alharabía, ed emboscata. Una cosa de qual los Íberos elos mesmos, empregaron contra los romanos efeitibamente. Él usó l'áreya de las muntanyas d'Alpucharras como seu albergüe e baxe de l'ataquedura araház. El plano tamién incluyó la partiçipaçión del Sultán Turco del norte d'África Muley Jidan, quin ahafó logo n'África del Norte xá dende la reboltura de los mameluks n'Exipto e despós en Magaríb. Ma l'ayuta del Muley ibn Jidan, nunca xegó los morescos pa riés. Embéga él estaba mult maxguito, preyocupato cola pequena bataya colos greigos en Xiprés!
Xá despós el maligo Felipe fió forgato, ad acafar, terminar aquesta insurxençia nel sur d'Andalusía. L'omme quin seyerá encargato, seyerá conozito como el Chazar de Garnata, Çidi Yahya d'Áustria el medio yirmano del maligo. Xá despós 12,000 ducatos espanyolos, fieron posterato sob la cabega del Muley ibn Umaya. Sob una nóte espanyola perante l'ano de 1569 nun logo xamado La Casteya de Lauxar de l’Andarax, él seyerá traiçionato por seu ami Ibn 'Abu ed altros; quines xegarán ad estrangolar-lo con una cordega dexando-lo a confrontar una morte multa dorosa. Ma ante Muley ibn Umaya morrío-se, él escramó unas últimas parabras ante seu morte. Quan él bíyo el sur e sob l'orizonte alí estaba Garnata, él fió aculito a dizer perante seus aprexadores las parabras de "O Garnata, xó hei azahito a bós tanto, ma conosco que un díya altro benerá pa ahudar meu logo de xahíto. Pa amurxir nostra xente a la libertá, ed al logo de qual fió e seyerá sempre nostro, nostra alhabíta Garnata! Pensáde que por matando-me, bosaltros toyerédes los coraçones e bengas, de nostro alhabí Al Andalus!" Ye dito, que él morrió despós. Multos casos tal como Muley ibn Umaya ed altros, fieron rexistrato non polos rexistradores de l'inquisiçión espanyola, ma embéga polos morescos e mudéxares segretamente, como beros xahítos d'Espanya Islâmica Al Andalus! Ibn Farakh seu seguinte en rínea, procuró balientemente a continuar la reboltura, ma sob el febreiro del 1571, la reboltura finalmente fió acabato. E la reboltura baliente de los morescos e mudéxares fió en fin derrotato! Garnata nunca beyerá tantos morescos o mudéxares xamás. Embéga beyerá un número de los nuobos crestiyanos del norte, quines seyerán traxíto pa desplaçar-los! Quan Ibn Farakh e seu resto del chaix fieron a las muntanyas d'Alpucharras, Çidi Yahya d'Áustria seus miles d'ommes estaban arrededor del resto del chaix de morescos e mudéxares. Abió nenguna opçión máis dato a los morescos e poquelos mudéxares. Naturalmente, derrota, escrabitura, e sen dúbita una prebista morte se capturato. Após los ommes lutaron ayanda que fieron inferiores nelos números a los suyos aldóhues morreron balientemente, ma al fin de la bataya de Garera, el poder, alcabír e superioritá de los ommes pol chaix de Çidi Yahya d'Áustria, prebalezió a seus ommes a la bítoria, alí sob la terra fió l'oldor de los miles de los balientes mudéxares e morescos, quines morreron como ommes nela bataya tal como Muley ibn Umaya seu alcabíro líder profeçó en Cádiar. Alí despós la bataya de Garera terminó-se, alí axuntado tós xuntos nuna praça en Garera lesto, fieron 10,000 magarabis, mudéxares e morescos; muyeres, anigos, ed ahualétos quines delguna bega curtibaron las terras de Garnata en Garera, Alpucharras ed altros logos adentro l'áreya, como rumás, naranxas, limones e multas marabelas d'agrecultura a los crestiyanos d'ante agora trobaron-se elos mesmos desperçato nela sangüe, seu própia sangüe, quan elos fieron maçacratos, quan elos xoraron pola misericordia ed alraháma!
"Non dexáde que se selimbáde una ánima biba en Garera, porque nosaltros habemos sofrito máis perditas del que elos merezen-se. Após, como estamos nosaltros pa desonrar nostros ommes cadítos, pol feto non habemos feito riés malo aquí en matando feréticos ed alcafáres. Áquesto ye el trabayo de Diyo nel que fió comprito!" Escramó Çidi Yahya d'Áustria! Por aqueste aderbezo Çidi Yahya fió bisto pol Papa, como el nazír, campeyón, de la crestiyanitá! Pós l'ésodo de los morescos de Garnata acadezió, espulsando-los pal norte d'África o el medio oryente. Los mudéxares de Casteya e Liyón, fieron tamién multos quines partiçiparon nela reboltura, fieron espulsato palas Américas prençipalmente, ed alas Ilgas Baleares, Ibiga, e pala Estrematura. Fió xamado, "La marcha de la muerte!", en casteyano! "La marxa de la morte!" n'alchamía. Despós los morescos de Balençia, en 1609 fieron espulsato tamién des Aragón. Alí despós los morescos e delgunos miles de los mudéxares, fieron espulsato de Catalunya, Murçia, Bal del Piconte. Los arxibos dizen que ançá 3,000,000 de los morescos e mudéxares, fieron espulsato dende Espanya própria! En 1769, l'último caso relatato de la (auto de fé) fió reportato en que, un moresco fió encarçerato por dizendo l'adân!" Pós fió l'última bítima magarabía de l'inquisiçión espanyola rexistrato.
Curiosamente el mesmo omme Çidi Yahya d'Áustria, quin mató e maçacró los anigos, muyeres ed alhualétos de Garera, escribió despós la bataya de Garera a Rúy Gomez que dende los multos morescos, e poquelas familias mudéxares quines fieron deportato, dende el distrito de Guadix, "O que lastima ye aquesta pena sob meu peito, para beyer a un úmano soportar la sofrença de seyendo remobito de seu terra, como gadero malpregato!" Non sólamente fió Espanya robato duna cultura que díyo tanto ad ela, pero máis importante, una xente quin díyo tanto tamién máis ayánda, seyerá completamente oblidata en que pa multos fió considerato non sólamente étnica altadahídura pero tamién, un étnico olocausto!
