The Wee Wee Man
Anonymous

As I was walking all alone
   Between a Water and a Wa'
And there I spyed a wee wee man
   And he was the least that ere I saw.
 
His Leggs were scarce a Shathmont's length
   And thick and thimber was his thigh,
Between his Brows there was a Span
   And between his Shoulders there was three.

He took up a meikie Stane
   And he flang 't as far as I could see;
Tho I had been a Wallace wight
   I couldna liften 't to my knee.

O wee wee man but thou be strong,
   O tell me whare thy dwelling be;
My dwelling down at yon bonny Bower

     O will you go with me and see.

On we lap and awa we rade
   Till we came to yon bonny Green;
We lighted down for to bait our horse
   And out there came a Lady fine.

Four and twenty at her Back
   And they were a' clad out in Green;
Tho the king of Scotland had been there
   The warst o' them might hae been his Queen.

On we lap and awa we rade
   Till we cam to yon bonny ha'
Whare the roof was o' the beaten gould
   And the floor was o' the Cristal a'.

When we came to the Stair foot
   Ladies were dancing jimp and sma,
But in the twinkling of an Eye
   My wee wee man was clean awa.