article4

Jericho Rosales
Ni Chanchan Torres

Sigurado kaming nakita na ninyong lahat kung gaano kagwapo ang magaling na young actor na si JERICHO ROSALES, nu'ng nag-debut ang kanyang magandang ka-love team na si KRISTINE HERMOSA kamakailan lang. Hanggang ngayon nga, hindi pa rin nawawala ang excitement ni Echo lalo na't it seems that he and Tintin are getting sweeter each day.

"Every week ko siyang nakakasama sa tapings ng Pangako Sa 'Yo, plus nagkakasama pa kami sa ibang out of town shows namin kaya naroon na talaga ang special bond na somehow, nag-uugnay sa amin. Kumportable na kami sa isa't isa, sobra," bungad pa ni Jericho nu'ng makausap namin kailan lang.

Matagal-tagal na rin ang samahan nila as a love team at heto nga't naging escort pa siya sa debut ng magandang dalaga. Hindi rin naman maipagkakailang sobrang bagay sila dahil their physical features complement each other. Sa ngayon ba, masasabi niyang may special feelings na rin siya for Tintin?

"She is and will always be special to me," walang gatol pang pahayag ng binata na kahit sino ay matutunaw sa sinabi niyang 'yon.

Ganoon naman pala eh, bakit 'di niya ligawan si Tintin, malay nga naman natin maging successful ang relasyon nila.

"Sa ngayon, masaya na muna kami ni Tintin na kumportable kami sa isa't isa, as very good friends. Hindi naman natin alam kurtg ano ang mangyayari bukas, di ba? Malay natin..." bitin pang sabi ng binata sabay napangiti sa amin.

"Saka, hindi pa pinapayagan si Tin na makipag-boyfriend ng seryoso kahit sabihin pa nating nag-debut na siya. Siyempre baby pa rin siya sa family niya. And I respect that. Good friends kami, kaya I also want kung ano ang makakabuti para sa kanya. Huwag nating madaliin, dahil 'yang love nandiyan lang 'yan eh," makahulugang sabi pa ni Echo sa amin.

So, if ever lang, willing ba siyang maghintay ng right time na 'yon 'for Tintin to have a boyfriend?

"Siyempre. Kapag mahal mo ang isang tao, dapat handa kang maghintay, di ba?" seryosong sabi pa niya sabay super smile sa amin.

Things really seem to flow smoothly para sa bagets na ito. Numero uno sa primetime ang Pangako Sa 'Yo at maganda rin ang response ng tao sa THE HUNKS, na tinitilian ng fans sa ASAP.' Yun nga lang nanghihinayang daw itong si Echo dahil di siya nakasama sa pelikulang Dekada '70.

Ni Chanchan Torres