TIGSIKLes a. jaruci Tigsik ko an pampakusog na Viagra, Kaipuhan daa kan mga lalaking maluya na Dai bale daa an efecto kaini nakakabuta Ta maski daa dai nakakaheling pero maugma. Tigsik ko man an nakaaging vida politica, Golpeng politico an nanruluya sa pangangampanya Kaya kaipuhan ninda ngonian an tabang kan Viagra Tanganing maibalik an marhay na performance ninda. Tigsik ko an ki Ex. Pres. Marcos na kalag, Ngonian na na presidente ta iyo na si Erap Matatapos man giraray an paghihirap Ta sa wakas mailulubong na an saiyang hawak. Tigsik ko an mga nakadulag na mga preso sa Garchitorena, En vez na nadakop na kuta kan mga policia daa Pinadulag pa saka binadil daa an saro sainda Kaya en vez na tolo, an nadakop saro na sana. Tigsik ko an manlaen-laen na producto, Golpe sana an mga ginigibong mga panloloko Arog baga kan ibang karaoke asin stereo Dai pa sana nahahaloy, palpak na an servicio.
