Xukuumadda
Somaliland iyo Britain oo ka wada hadlay Nabad gelyada iyo ka hortaga
Argagixisada
SDWO (Hargeisa
26/05/04) Madaxweynaha Somaliland Daahir Rayaale Kaahin ayaa shalay xafiiskiisa
ku qaabilay wefti ka socda dawladda Britain, laakiin weftigasi intii aanay la
kulmin Madaxweyne Rayaale waxay kulamo la yeesheen wasiiro ay ka mid yihiin
arimaha gudaha, gaashaan dhigga iyo arimaha debedda, iyadoo ay weftiga
Ingiriisku dalka yimaadeen Isniintii doraad, isla markaana ay dib u laabteen
shalay.
Weftiga
Ingiriisku waxay isugu jiraan xub-no ka socda wasaaradda arimaha debedda
dawladda Britain iyo saraakiil ka kala socda safaaradaha ay Britain ku leedahay
Nairobi iyo Adis-ababa, laakiin wxubnaha ka socda wasaaradda arimaha Debedda
waxa ka mid ah haweenayda Magaceeda la yidhaahdo Sally Healy, Mr: Roger peace
iyo Rowland Barker oo ah xog hayaha labad ee safaaradda Kenya u qaabilsan
arimaha gobolka iyo Richards Owen oo isna ah xoghayaha 2-aad ee safaaradda
Itoobiya.
War-saxaafadeed
u shalay soo saaray af-hayeenka madaxtooyada Cabdi Idiris ayaa lagu sheegay inay
ujeedada socdaalka weftiga Ingiriisku ahayd in laga wada hadlo sidii ay dawladda
Britain gacan uga siin lahayd Somailand arimaha nabadgelyada iyo ka hortaga
argagixisada.
“Mr. Roger
pearce waxa uu madaxweynaha u sheegay in kulamadii ay la yeesheen wasiirada iyo
masuuliyiinta kale ee nabad gelyada ay sii wanaagsan u dhaceen, ka dibna marka
ay khamiista dalkooda ku laabtaan ay warbixin iyo soo ka soo jeedhii saabsana
waxyaalaha la iska kaashanayo ay gaadhsiin doonaan wasaaradda arimaha debedda”
ayuu yidhi.
Warsaxaafadeedku,
iyadoo uu Mr. Roger Pearce intaa raaciyey inay dawladiisu diyaar u tahay in
somailand gacan ka siiso arimaha nabadgelyada iyo inay labada dhinac arimaha
nabadgelyada iskaashi buuxa ka yeesheen.
Sidoo kale
madaxweyne Dahir Rayaale ayaa isna dhiniciisa wefgia
Britain
u sheegay inay dawladda
Somaliland
dhinaceeda diyaar u tahay inay iskaashi la yeelato dawladda
Britain
iyo inay qaybteeda ka qaadato la dagaalanka argagaxisad.
Laakiin
sida warsaxaafadeedku sheegay madaxwene rayaale waxa kale oo uu yidhi “Waxaanu
ka xunnahay inaanaan weli ka mid ahayn bah-weynta caalamka, taas darteed-na
aanan hawsha la qabanayo is mug leh uga qayb geli karin, maadaama aanaan si
buuxda iskaashi caalami ah ula yeelan Karin bahweynta caalamka, sida isdhaafsiga
macluumadka la xidhiidha nabadgelyada.
Sidaa
darteed waxaanu codsanaynaa inuu Ingiriisku horsed ka noqdo helitaanka
xuquuqdayda (Aqoonsi) si aanu kaalin mug leh uga qaadano ka hortaga argagixisada,
gaar ahaan mandaqaddan (Bariga Afrika) oo aanu wax weyn ka tari karno”.
Warsaxaafadeedka
waxa kale oo lagu sheegay inuu madaxweyne Rayaale isla shalay la kulmay wefti ka
socda Guddiga loo yaqaan guddiga deeqaha ee Somaliland iyo somaliya oo yidhi
fadhiigoodu yahay Nairobi, waxaan la sheegay inay ujeedada imaatinka Somaliland
ee weftigani ahayd qaabka la isaga kaashanayo wixii kaalmo ah ee loo qabanayo
Somaliland dhinaca nabadgelyada, iyadoo ay bishii April ee ina dhaaftay wefti ka
socda guddiga deeqaha qaramada midoobay ee Nairobi fadhiyaan kulan la yeesheen
dawladda Somaliland.
Reported by; Cabdifataax Xasan (SDWO)
cabdifataax_96@hotmail.com
Hargeysa Somaliland
