دموع على بوابة الوطن
اسم جديد..مهداة الى استاذي هاشم العقابي
من ذبحوا ..مراجيحي بصباح العيد.
من باكوا فرح روحي .. وصرت ما فيد.
مثلك دورت موتي ولكيته بعيد..
حتى الموت يا هاشم علينه بعيد!!
مثلك..كل محطاتي ..كبر مسكون..
مثلك يركض بدمي حلم مجنون
..مثلك كتفوا خلكي..وعشت بين الجمر مسجون.
ياهو اليحضن جروحي ويكلي تهون؟؟ ياهو؟؟
ومر صوتك ..نزف.. يبجي حزن موال..
وبنبضك وطن مدفون
يا قهر الصحى ومالكه بوجهه عيون
يا قهر الصحى ومالكه بوجهه عيون
ابجي بلادمع وعيون..ياهاشم اريد عيون
يا هاشم اريد عيون
يا هاشم اريد عيون..
واسم جديد.
اسمي الضيع حروفه بعد ميفيد
دورلي عل اسم جديد
اسم جديد
مابيه للحزن سكه ولاعنوان
مابيه من حرك روحه اثر دخان.
ماجاسه بطرف سوطه ..ولا صادر هواه سجان..
( وين اللياخذ من الموت ثاري)
(عزرايين ..حط وصار جاري)
( ياهاشم ,,تشب للزركه ناري)
والي ويا الموت يوميه مواعيد
دورلي عل اسم جديد
ابو زيدون الوائلي
