|
تأبين النخـوة العربية |
|
السلام ألفين سلام ع اللي حالمين بالسلام ع اللي واقفين ع النواصي يعمروا سلاحهم كلام واللي بين طيات دماغهم لسه فيها حلول تمام والسلام ألفين سلام سبتوا ليه حبة هاموش يملوا أجسامكم آلام انتوا تصحوا وماتناموش مهما كل الكون ينام واوعوا تنسوا وماتقولوش - للي لسه ف يوم ميلاده - ما احناش احسن م النعام دفن راسه في التراب.. .. فن اسمه الالتزام السلام ألفين سلام
ألف شكر ليك يا عم الناس شارون بينت ....ولكل العرب مجدها دا ايه يكون ليك عظيم الفضل ع الشعرا اللي ملّوا م السكون ليك عظيم الفضل ع الناي الحزين والقانون يا سلام لما نسمع لحن تبكي له العيون يا سلام ع القصايد اللي نازله سب ف الأب الحنون عم كل الناس شارون السلام ألفين سلام كلمه حكمه واسمعوها حتي لو مجنون يقولها استحاله الحق يرجع لما صاحبه يكون جبان استحاله الأرض تتحرربغنوه ع الكمان أو بكلمه يقولها شاعر ف الميدان أو بشجب يصد بطش الدبابات .....أو مجرد احساسات او بدعوة سهرانين جوا البارات .....او بحبة منشورات فوقوا حبه واسمعوا نبض الساعات اللي ملّت م الرتابه اللي حست بالكئابه من وفود المبعوثين فوقوا حبه يا عرب دا الوقت فات حتي أنغام الربابه حتي أقلام الكتـابه برده ملّت من سنين السلام ألفين سلام |
