Voice Over: Pelikulang "My First Romance" pinag-usapan. Lalu-lalo na nang sinagot ng mga bida ng pelikula ang mga intriga tungkol sa kanila.
Dolly Ann Carvajal: Ano nga ba ang tunay na score sa pinaka-mainit na loveteam ngayon? For reel ba o for real na talaga?
John Prats: Eh, si Heart kasi, siya 'yung bunso di ba? So, siguro, mahal na mahal siya ng daddy niya. And...siguro unti-unti lang...unti-unti lang. Eh, siyempre, para sa kanya baby pa rin si Heart. Hindi pa siya handa if ever magkaroon siya (Heart) ng boyfriend.
Heart Evangelista: Atsaka, since bunso po ako, parang gusto ng daddy ko, lahat ng mangyari sa buhay ko kahit papaano tama naman. 'Yung close to perfect. 'Wag 'yung parang, sablay. Kaya ganoon, naintindihan ko naman siya (daddy). Naintindihan naman ni John.
Dolly Ann Carvajal: Dahil ba sa bata pa si Heart kaya hindi pa talaga maging officially na sila na? O may kinalaman dito ang daddy ni Heart?
John Prats: Nag-usap kami ng daddy ni Heart. 'Yung parang, "Okay, pwede kang manligaw pero ligaw lang muna". Kasi unti-unti lang daw, 'wag daw 'yung biglaan.
Heart Evangelista: Atsaka, sabi din niya (daddy) kasi bata pa naman kami. I mean, we're very young. Sayang naman din kung nag-umpisa kami na bata tapos hindi pa kami mature enough. Masasayang din 'yung pwedeng maging relationship namin.
Source:
From: Celebrity Dat Com [IBC 13] *** Aired: October 09, 2003
