Sanggol ka nang isinilang 
Walang bahid ng kasalanan 
Inosente sa lahat ng bagay 
At walang kamalay-malay 
Ngunit... may aninong palapit 
Puno ng galit, poot at pait 

Chorus: 

Ilawan ang daan 
Ng ligaw na nilalang 
Nasaan ang liwanag 
Mula sa kamandag... 

Mabilis lumipas ang panahon 
Ang ngayo'y biglang kahapon 
Sundin man ang tamang landasin 
Pilit kang lilinlangin 
Ang dugo mo'y nilalason 
Lumalapot sa bawat taon 

Repeat Chorus: 

Sa paglubog ng iyong araw 
Nabuksan ang mga mata 
Sa mundo'y ika'y nasilaw 
Pagsisisi'y huli na 
Pag-asa mo'y nalulunod 
Isip mo'y naging tuod 

Repeat Chorus: