零食數種，及其不同之吃法
第一種（孖條）
（即用兩枝雪條棒製成之雪條，
可供兩人食用，方法為中間線把雪條拗開。）
時間：過去。
地點：某小學出面之雪條擋
人物：
小蔡，該小學之學生王子。
玫瑰，該小學之校花。
郁達夫，該小學之，oh，forget it。
美美，該小學之漂亮善良女生之一。
另賣雪條亞伯乙件。
郁達夫：（向賣雪條亞伯道）亞伯，一條孖條。
賣雪條亞伯：（給郁達夫遞上一條孖條）拿，細路。
（郁達夫拿了孖條，跑到美美身邊。）
郁達夫：（向美美道）亞美美，我買o左條孖條，兩份食o各！
美美：好呀，你拗開佢先啦！
郁達夫：我o妻！（大力一拗，成支雪條散晒。）
美美：（大怒，嬌o真道）你這人，說話又粗俗，拗孖條又拗得唔好手勢！
（說完了，拂袖而去。 ）
郁達夫：唉，o的女人真係煩，雪條公司又係o既，出乜鬼孖條呢！
（忽見小蔡及玫瑰走過，小蔡同樣的
買了一條孖條。）
小蔡：（清玲瓏的把孖條拗成兩支，遞了一支給玫瑰，溫柔的笑道。）
這是妳的，玫瑰。
美美：（同樣是笑道，接過那支分成兩半的雪條。）謝謝你，小蔡.....
（郁達夫忽撲上前，揪住了小蔡。）
郁達夫：（向小蔡道）教我拗孖條！
小蔡：（吃了一驚）o下，o甘都要教....
（結果是練了一整晚，益o左賣雪條亞伯。）
（翌日放學後。）
郁達夫：（向美美道）我o地又食孖條o各！
美美：你得唔得o架，又食！陣間又拗到斷晒！
郁達夫：唔！我今次實掂！
（跑了去賣雪條亞伯買來一支孖條，鬼鬼崇崇的做一了番手腳。約五分鐘後又
跑回美美身邊，為她遞上一支切口平直的孖條。）
美美：（笑）好o野，今次拗得幾靚！（看了看郁達夫手上），睇下你果支！
咦，一樣拗得o甘靚o番！蝦，不過，點解你拗o左o甘耐o既？
郁達夫：拗！我唔係拗o架！我一共買o左兩條孖條。然後閃電般狂食一條o既
左半，以及另一條o既右半，先至有o甘o既效果，陰功，食到我個嘴都冰晒...
美美：o下.....