歡迎光臨屬於二人群星會o既回憶游新
回憶游新
四月十二日++星期四++（七頭七頭）
自從剪o左頭髮之後，樣樣o野都幾好噤，係影相衰o的，
成個seven head噤，唉，嘿嘿~~算啦，好彩真人唔係噤
o者，下次唔鬼去o個度剪呀，哼~~！！
話噤快個Spring Break又去到尾聲啦，完全同我要返學無
咩分別，我家姐曾經懷疑過我究竟係咪放緊假，嘿嘿~~
因為同我要返學一摸一樣，哈哈。。。
四月十六日++星期一++（中醫勁！！）
都唔知哩排攪乜，成日訓唔著，咪走去睇中醫囉，
真係好訓o的o咼，嘿嘿~~
四月二十四日++星期二++（人生轉淚點）
嘩~~我依家幾健康呀，日日飲參茶，食維他命E，
同飲涼茶，攪到個腦諗o野勁快，勁多道理，識我
o既人一定會知，唉。。。都好o既，幫到人又幫
到自己。。掂~！！嘿嘿~~
四月三十日++星期一++（噤又一個月喇~！）
係呢個月內發生o左好多事，嘿嘿~~不過全部都係開
心o野，個人又大o左，同o的Friend了解又深o左，
嘿嘿~~不過份工仲未攪掂，唉。。。
五月九日++星期三++（勁黑仔呀~！）
今日雖然天氣好好，但係接二連三o既衰o野都o係我度
發生o左，無陰功囉。。
唉。。今日無啦啦俾人Hit N Run，哩o的o野我就做得
多o者， 真係無天理呀，算~！橫掂我架車都要大收。
五月十一++星期五++（Test完囉）
今日Math Test，我有俾心機搵o架，唉，點知，最易
o個兩題唔識做o咼，十幾分o架。希望囉個 " B " 啦~！
楂車返屋企o個陣見到個乞兒，勁驚，佢逢車經過都問
人錢o咼，好彩我沿住佢隻腳行o者，嘿嘿~~差o的車到
佢隻腳，係就大擰樂囉。。。
五月二十九++星期二++（打邊爐）
今日凈係記得夜晚去o左打邊爐，之後去o左影相，
o岩o岩好無訓，等聽"蕉"架飛機返香港，嘿嘿~~o係飛
機到就唔驚悶啦，全場凈係訓。。。哈哈~~
哎~~終於都等到聽日係三十號啦，嘿嘿~~開心開心~！
因為有成兩年無返香港啦，有小小期待噤啦，嘿嘿~~
六月九++星期六++（行街街）
今日起身之後，去o左同o的表哥N佢o地o的女朋友仔飲茶，
嘿嘿~~之後就梗係去o左行街街啦，呢o的都係我o既強項嘛，
哈哈~~嘩~~o的o野勁平呀，買到好多o野，又平又抵，
點可能唔買呀，嘿嘿~~
夜晚去o左九龍城食潮洲o野，不過就無我兩年前噤好食，
之後去o左表哥屋企打麻將，今日都幾開心，
嘿嘿~~買到好多o野，收穫都嘗算Ok啦，嘿嘿~~
六月十++星期日++（嚇得我呀）
嘩~~今日終於無落雨啦，諗住難得無落雨就梗係好啦，
點知勁潮濕呀，下次出街都要著背心啦，唔係點得惦呀
大佬，熱又潮濕死唔熱又落雨死，唉。。玩咩，好彩凈
番半個月挨o者，嘿嘿~~
今日搭巴士o既時候，我坐司機o既後面位o麻，無啦啦見
到個窗口突然出現o左四隻手指o咼，嚇得我呀，心諗唔
係噤猛o麻？唔理啦，當睇唔到啦，點知又見多一次o咼，
哈哈~~原來係個司機想人讓佢，所以申隻手出o黎，
嘿嘿~~嚇得我呀。。。。。。 xP
六月十四++星期四（勁好天氣）
今日同個Friend去唱ｋ，本來諗住去創藝，點知旺角無
創藝o咼，要去到佐敦，噤麻煩，之後咪去o左NewWay囉，
妖~~有新歌，不過全部都係試聽版呢，死唔死，唉~~都
話去創藝o架啦，有出走地平線o麻，唉唉唉。。。
不過都好，三十五蚊位，唔貴，嘿嘿~~
六月十六++星期六（勁靚）
開心開心勁開心，嘿嘿~~今日去o左同個Friend睇盧巧音，
佢真人仲靚過上鏡呀，唱歌又掂o咼，正呀，影o左好相，
嘿嘿~~之後又去o左行街街，勁"支力"呀。。。
六月二十一++星期四（攪笑 + 恐怖）
尋日入o左屯門，同個Friend去o左睇伶子，即係鬼屋囉，
我同我個Friend入到去，驚到企o左係度，嘿嘿~~攪到個
工作人員叫我o地行，嘰嘰，真失禮，最後我o地咪等埋後
面o的人先行囉，佢o地行前面，無噤驚o麻，嘿嘿~~
唉。。幾Cheap呀，嚇人有四個人，第一，第四同一個人，
第二，第三係同一個人，勁Cheap呀，嘿嘿~~
之後去o左睇瘦身男女，嘿嘿~~套戲幾攪笑，劉德華個肥
仔Look好攪o野，嘰嘰~~
六月二十二++星期五（好過癮）
今日行行下街，突然表哥打o黎叫我西貢釣墨魚o咼，
嘿嘿~~我釣到三隻細墨魚仔，佢o地好得意o架，細細隻，
第一次釣都釣到三隻仔o咼，算係噤啦，嘿嘿~~
返都屋企梗係即刻去沖涼啦，成身"嗤笠笠"。。。
六月二十三 ++星期六（好好玩）
今日不停噤落雨，本來仲以為個燒野食會取消o忝，點知
無o咼，因為西貢無落雨，十一點幾夜晚去到西貢，都仲
未燒得，仲未齊人，嘩~~一話無落雨，就即刻落雨o咼，
都咪話唔邪呀，好彩我o地o係個Friend屋企門口燒咋，
唔係就要取消o架啦，今日都玩得幾開心。
七月
