歡迎光臨屬於二人群星會o既回憶游新
回憶游新
一月一日++星期一++（唔經唔覺又一年）
新o既一年又到啦，係時候同上年講聲Bye-Bye啦。BYE！！
諗番前一年，自己都有幾大轉變，起碼做人好似睇化o左，
見到o的唔想見o既人，真係可以當佢透明，我覺得最大o既
收獲就係呢樣o野，嘿嘿~~
新o既一年，希望快高長大，嘿嘿~~雖然o係我呢個年齡係
無得再高（唉~~唔係噤，咩叫做希望o丫！！）。
講番今日先，個天都唔知係咪知道今日係新o既開始，特登
攪到鬼死噤大暮，我諗仲勁過上次o忝呀，今次連Local都
睇唔到呀，嘿嘿~~o的人打晒死火燈，慌死人會撞埋去噤。
新年願望就未諗到想點，不過最好就多o的錢！！嘿嘿~~
一月八日++星期一++（肥o左肥o左肥o左 '@'）
哎~喲，唔知係咪太耐都無去跳舞啦，而家肥o左呀，
唔制 >_<#，依家開始要食少o的o野呀，識我o既人都
應該知我依家o既飲食習慣，起碼兩包旺旺，兩同二寶
一日，宵夜緊係唔少得啦，日日係噤食，仲唔肥到連
阿媽都唔認得咩，唉~~所以依家要食少o的 。。
一月九日++星期二++（心情勁靚呀） 
今日一定要記低佢呀，我噤大個女都係第二次睇到彩虹
咋，勁靚呀，嘿嘿~~頭o個次係機場見到，不過今次無
上次噤靚 ，唉~~最差就係影唔到相呀，嗚嗚嗚。。。。
今日唔知發咩神經，楂車勁讓人呀，平常o既我就一定唔
會點讓，坐過我車o既人就一定會知道，取非係靚仔啦，
哈哈~~又或者可能係受彩虹應響呱 ，嘿嘿~~
一月十日++星期三++（個天勁唔開心呀，成日係度勁喊）
呀~~哩期仲乜鬼呢，日日走去寫日記。
尋日同今日個天唔知攪咩呢？係度勁喊，可能學o的電視
話齌啦，o的o野係會有循環o既，開心唔開心開心唔開心
開心唔開心……
今日夜晚行Freeway個陣，個天突然間行雷o咼，幾靚呀
個天，光晒，係就係危險o左o的，不過幾好玩。。。
一月十二日++星期五++（嘩~~流星呀）
其實都應該o係禮拜六o既事，因為o個日係禮拜五半夜發
生o既事。我o地行緊步去買o野飲o個陣，見到流星飛過，
因為我掛住講俾我個Friend聽，唔記得o左許願 >_<，
我個Friend仲以為係雀仔經過o忝，嘿嘿~~流星真係飛
得好快，一閃就無o左囉。
一月十九日++星期五++（勁攪o野呀）
今日已經係第三日返學啦，八點個堂日文，我就八點半先
返到，個先生叫我o地用日文介紹自己o咼，我就梗係讀
到面紅耳赤啦，得o個幾分鐘時間，點會讀得好o丫！！
之後有個麥佬（墨西哥人，佢o地o既毋語係Spanish）
讀o咼，估唔到會讀得噤流暢，但梗係覺得佢o地講日文
有o的怪怪o地，嘰嘰~~
一月二十日++星期六++（勁平呀）
嘩~~去o左Mall足足有三日噤多啦，不過o的o野勁平，
我就梗係唔會放過呢個千載難逢o既機會啦，買o左好
多o野，同埋o的野勁抵呀，嘿嘿~~
一月二十七日++星期六++（幾開心啦）
肥表哥o岩o岩o黎到，都已經成十一點十二點啦，佢
話肚餓，咪帶佢去食o野囉。
一月三十日++星期二++（Outlet日）
o岩o岩o的表哥o黎洛杉磯玩，咪帶佢o地去Outlet囉，
順便睇下有無平o野都好o丫，嘰嘰~~
o車~~o的o野鬼死噤核突，我記得以前o的o野正o的o架，
大約四年前到啦，嘿嘿~~唔係好耐o者，凈係買o左對鞋。
二月
