歡迎光臨屬於二人群星會o既回憶游新
回憶游新
十二月一日++星期五++（好刺激） 
好耐都無掂過個diary啦，經過就留番幾隻字啦。嘿嘿~~
今日夜晚由A.I.返屋企個條freeway勁大霧呀，迎合晒
梁詠琪首歌o既歌詞“抬頭是明月但覺煙霧彌漫”，好彩
有地下o的發光石咋，唔係都幾難睇到前面條路呀。o的
路燈廢到唔廢噤，原全睇到冒查查呀。雖然係噤，但係
我覺得幾好玩，睇唔到前面o的路嘛，幾刺激呀，今日真
係一次好好o既經驗呀。嘿嘿~~
十二月二日++星期六++（仲刺激過尋日呀）
雖然今日無尋日噤大霧，但係就刺激過尋日，嘿嘿~~
尋日同今日行既路係一樣，但係我o地都可以miss左個
入口o既，都係因為想cut前面架大貨車啦，cut下cut下
就過o左喇。出到去logo勁勁勁大霧呀，開大燈都好難睇
到前面o的路，又黑o咼，紅綠燈都好冒。我仲話今日無霧
唔好玩o忝，嘿嘿~~點知仲好玩過尋日，哈哈~~
十二月四日++星期一++（好『支力』） 
今日去o左DL盧巧音《Muse》，陳慧琳《大日字》，同
陳冠希《極愛自己》隻碟，自己唔係噤鍾意陳慧琳，但
係佢今次隻碟真係幾好聽，同佢以前o的style完全唔同
晒，雖然唔可以講話好新鮮，但起碼唔洗隻隻碟o既
style都一樣。
至於盧巧音隻碟就唔洗講啦，o的歌好輕快，聽o左好舒
服，好o岩佢o既style，但係我都係厭佢隻碟無乜新鮮感，
同佢較早前o的碟差唔多，我覺得較為有o的新意o既一首
歌叫《日有所思》。
至於陳冠希隻碟，之前我己經聽過隻《極愛自己》，覺得
中間rap個度好好聽，我諗佢應該會紅，又靚仔，又識日
文。不過都係古天樂型仔o的，嘿嘿~~佢隻碟首《甜品》
都勁好聽呀，一聽就鍾意啦，嘿嘿~~
【以上只係我個人o既意見】
十二月十一日++星期一++（好飽好飽呀 ^ 0 ^）
由於星期五，六，日，阿媽都要返工o既關係，我呢幾日
o既夜晚都可以講話無乜著落，唯一叫做有餐好o既就係星
期五食o左幾件三文魚sashimi仔，同一客chasoba
（冷麵），夜晚勁肚餓，阿媽又無煮定o野擺係到，餓到
星期六夜晚先食o左三文魚，今次唔係仔啦，嘿嘿~~大舊
o的。直到今日，下晝居然可以食晒成盒sushi，飽
晒。。。到黃昏o既時候個肚又再咕咕聲喇，
唉~~好似餓鬼噤，嘿嘿~~
夜晚心血來潮就走o左去食雜菜煲，好味好味。
連我阿媽都話我成個餓鬼噤！！
今日食晒之前要食個o的o野，嘿嘿~~阿媽要返工o個幾日
先發覺原來屋企食得o既o野差唔多都俾我食晒，所以今
日就走o左去入貨啦，嘿嘿~~費事係屋企餓死呀。。。
十二月十三日++星期三++（無o野諗，好過癮）
今日同阿爸阿媽行超級市場，又有得入貨啦。嘿嘿~~買
o左個三文魚sushimi，睇個樣都幾新鮮噤，但之前我成日
去超級市場買，無一次唔係睇落去新鮮，但食落去唔新
鮮，次次都只係新鮮過o黎。去完街，返到屋企攪完晒
o的o野就諗住睇帶，一路睇帶一路品嘗舊sushimi，嘩！！
一食落去好有新鮮感呀，好味。 。 嘿嘿~~特登留番一半
俾阿爸，因為我知佢都鍾意食。以前老豆成日留番o的我
鍾意食o既o野俾我，我成日問佢點解留番o的o野係度？？
佢就話因為我鍾意食，所以留番俾我，嘿嘿~~而家我留
番俾佢聽日食啦，嘿嘿~~ ^ 0 ^
十二月二十日++星期三++（至在過o下癮）
唔睇番個日記都唔知原來我已經有成兩個幾月無去
Rave啦，今日去o個個勁抵呀，嘿嘿~~個場又唔係差o咼，
好開心好開心！！ Rave真係兩，三個禮拜先去一次好啦，
好玩o的嘛，成日落都無乜癮。
十二月三十日++星期六++（好"支力"…）
今日同家姐，N 佢o的Friend去Magic Mountain，估唔到
會噤好玩，嘿嘿~~個個玩到hIGH晒，之後仲去Ａ.Ｉ.。
行o左成日，對腳好似抽晒筋噤，"支力"到乜，連舞都唔
想跳。不過今日真係幾開心。。 ^0^
