| Subject: Re:有o野想講 Date: Mon, 08 Nov 1999 13:33:58 上次講電話d感覺好唔同, 我未試過喊到收唔到聲, 其實你同我講野 我唔係好聽得入耳, 我只係聽到自己d 喊聲, 我想講野但係一講d 眼淚就流出黎. 我都知我無鬼用, 但係o個日真係好嬲好嬲, 我打足 半個鐘, 但係次次都打唔到,第一次唔通我會估你用緊電話, 第二次 我會諗你沖緊涼, 第三次諗你上緊網, 之後個d 我就估你唔記得我會 打俾你! 我坐係床邊好嬲, 睇住本書都唔入腦, 到你打黎o個刻我已經 忍唔住喊. 其實我真係知你唔係特登唔聽, 只係知自已好嬲, 但係又唔 知應該嬲邊個好, 唔通嬲你個電話咩!? 我都唔係嬲你, 只係打左十幾次都打 唔到炆自己渣, 以前喊完我第二日起身就會唔記得, 但係今次我諗左 好耐都唔明點解我會喊咁耐! 如果上次我無打俾你, 你已經可以做曬d野, 難得你放假都唔可以早d訓, 所以我覺得我阻住你! ! 我會覺得其實我阻住你但係你唔好意思話我. 我以前 個friend 話: 我讀緊書所以可以夜訓, 上堂可以訓覺,鍾意 可以唔返學. 但係做 緊野既人唔得, 返工唔可以訓覺, 又唔可以夜訓. 就係佢尼d說話令我知道唔 可以成日阻住人, 人地有自己既野做, 所以我知你返到屋企成十一點, 我就覺 得係我阻住你, 唔係因為同我講野,可能你已經訓左! 我上次真係好唔開心, 我o個句說話唔係有心講, 我根本無特別意思, 我唔知你會 咁認真. 我講尼句野係因為我覺得你好唔明我點諗, 而且o個日我個心喊到實曬, 所以講時好似好認真. 但係令我更唔開心既係我講左一大堆野,但係你一句都唔回 應, 我覺得自己講既野好多餘. 你咁唔想答既話我都無說話好講!!! 你可以當我最 後講o個d 說話係廢物, 你都可以當聽唔到, 你放心啦! 我唔會再講任何野! |
