| Subject: 有o野想講 Date: Sun, 07 Nov 1999 08:21:08 choi wan, 上次傾完電話, 真係好唔開心, 我知o個晚係我唔o岩先, 冇留意個電話鎖o左, 如果你到宜家都係覺得我係特登 唔聽既話, 咁就算啦, 我地成日都話唔夾, d喜好次次都相反, 但係另一方面, 我反而覺得有d野就係衰在太相 似, 我同你成日都驚煩到對方, 阻住對方做正經野, 我以前成日想夜晚打俾你, 不過驚你第二日要返學, 阻住 你訓覺, 你又成日話唔舒服, 驚打黎阻住你休息...宜家我要返工, 想食飯果陣打俾你, 又驚你d同學係度...所以 我成日都話打俾你, 不過你唔信我講 我同你都係d得寸進尺既人, 以前我就你, 你就會發脾氣, 宜家你對我好o左, 就輪到我發你脾氣, 成日鬧你, 我 知我衰, 但係不知不覺就係咁, 你宜家俾人出氣, 打電話但係打極都搵唔到, 覺得好唔開心, 依d可能就係我依 半年既感受, 雖然有時會覺得好委屈, 但係都會繼續咁做, 真係唔知點解 上次你話"不如隔一排唔好傾", 我覺得你講得唔同以前發脾氣咁爆出黎, 所以我好認真咁睇呢句野, 問過兩次 想你講清楚咩意思, 不過最終係令你覺得我唔志在, 如果咁都唔志在既話, 我都唔知點講啦, 所以我果晚都冇 解釋 保珩 |
