| Subject: No subject given Date: Thu, 13 Jan 2000 13:35:55 保珩 好耐無send 過email俾你啦, 有d野想同你講, 但係一直無機會. 我收到你張聖 誕咭同埋除夕個留言, 仲有你送俾我既diary, 多謝! 我知你好想見下面, 你好多 次約我我都無出來, 我都唔知應該點講好, 其實個問題係我到. 前排我已經好想講 番呢件事, 但係你好忙, 之後你又唔舒服, 我想講都無機會. 呢排好唔開心呀, 個晚你問我係咪你唔用我送俾你個堆野而唔開心, 我同你講 唔係, 因為我真係預左架, 之後你同我講不如下次你特登講大話,等我唔駛唔開 心, 當時我無咩反應, 但係其實我好唔開心, 我覺得我好似做緊戲俾你睇咁, 收線 之後我走去訓覺, 未訓著之前諗起,忍唔住流眼淚.你唔想要個d野,我寧願你唔好 提, 我本身已經唔開心, 你仲要問我下次你唔講真話好唔好, 你知唔知我真係好難 受. 我唔係要你多謝我, 我只係希望你尊重下人, 顧下人感受. 你講完呢句野, 仲 衰過直接同我講 ‘我根本唔想收, 我唔鍾意你送比我個d野’ 我只係希望你下次 唔好同我講你掉左個d野啦, 之後仲要問 ‘你係咪唔開心呀, 不如下次我講大話, 等你唔駛唔開心呀!’ 呢d說話我想講好耐架啦, 我想親口同你講, 但係一直都無 機會. 你睇完呢個email 之後唔好再提呢件事, 唔駛又特登話你好鍾意個d野, 好 無意義架! 今次就當我蠢, 就當我買過教訓, 唔會再有下一次架啦! 仲有, 我希望 你唔得閒就做自己野先, 你尋晚打俾我我先覺得我真係阻緊你, 我睇你好想盡快收 線既語氣, 我都唔知俾咩反應你好. 唯一可以做既就係我收線先. 你打俾我我已經 知你有心, 而家我返完工後你都唔須要打來了, 以後都唔需要! Thanks! choiwan |
